ਅੱਜ ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਵਿਖੇ ਸਥਿਤ ਐਸ.ਐਸ.ਪੀ. ਦਫਤਰ ਦੇ ਮੀਟਿੰਗ ਹਾਲ ਵਿਖੇ ਸੀ.ਪੀ.ਆਰ.ਸੀ. ਦੀ ਮਾਸਿਕ ਬੈਠਕ ਆਯੋਜਿਤ ਕੀਤੀ ਗਈ। ਜਿਸ ਵਿੱਚ ਰਣਜੀਤ ਸਿੰਘ ਐਸ.ਪੀ. ਹੈਡਕੁਆਟਰ ਮੁੱਖ ਰੂਪ ਵਿੱਚ ਹਾਜ਼ਰ ਹੋਏ। ਇਸ ਮੋਕੇ ਤੇ ਸ਼ਹਿਰ ਦੀ ਟ੍ਰੈਫਿਕ ਸਮੱਸਿਆ, ਸਾਂਝ ਕੇਂਦਰਾਂ ਦੀ ਕਾਰਗੁਜਾਰੀ ਅਤੇ ਸ਼ਹਿਰ ਦੀਆਂ ਹੋਰ ਸਮੱਸਿਆਵਾਂ ਤੇ ਵਿਚਾਰ ਵਟਾਂਦਰਾ ਕੀਤਾ ਗਿਆ। ਇਸ ਮੋਕੇ ਹੋਰਨਾਂ ਤੋਂ ਇਲਾਵਾ ਸਰਵਸ੍ਰੀ ਨਰੇਸ਼ ਕੁਮਾਰ ਐਸ.ਆਈ. ਟ੍ਰੈਫਿਕ ਇੰਚਾਰਜ ਪਠਾਨਕੋਟ, ਰਾਜੀਵ ਕੁਮਾਰ ਏ.ਐਸ.ਆਈ. ਇੰਚਾਰਜ ਸੀ.ਪੀ.ਆਰ.ਸੀ., ਰਾਮ ਲੁਭਾਇਆ ਸਹਾਇਕ ਲੋਕ ਸੰਪਰਕ ਅਫਸ਼ਰ ਪਠਾਨਕੋਟ, ਵਿਜੈ ਪਾਸੀ, ਮਨਿੰਦਰ ਸਿੰਘ, ਰੀਟਾ ਸਿੰਘ, ਸੁਧਾ ਸਰਮਾ, ਜੋਗਿੰਦਰ ਕੌਰ, ਮਮਤਾ ਰਾਣੀ, ਸਾਂਤੀ ਇੰਚਾਰਜ ਵੂਮੈਨ ਸੈਲ ਪਠਾਨਕੋਟ, ਗੁਲਸ਼ਨ ਕੁਮਾਰ ਗਿਨਨੀ ਸਰਪੰਚ ਨਰੋਟ ਜੈਮਲ ਸਿੰਘ, ਦੇਸ ਰਾਜ ਮਿਰਜਾਪੁਰ, ਸੀ.ਪੀ.ਆਰ.ਸੀ. ਦੇ ਹੋਰ ਮੈਂਬਰ ਅਤੇ 10 ਸਾਂਝ ਕੇਂਦਰਾਂ ਦੇ ਇੰਚਾਰਜ ਹਾਜ਼ਰ ਸਨ। ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਸ. ਰਣਜੀਤ ਸਿੰਘ ਐਸ.ਪੀ. ਹੈਡਕੁਆਟਰ ਨੇ ਕਿਹਾ ਕਿ ਪਠਾਨਕੋਟ ਸ਼ਹਿਰ ਦੀ ਮੁੱਖ ਸਮੱਸਿਆ ਪਾਰਕਿੰਗ ਦੀ ਹੈ। ਉਨ੍ਹਾਂ ਦੱਸਿਆ ਕਿ ਪੁਲਿਸ ਵਿਭਾਗ ਵੱਲੋਂ ਪਾਰਕਿੰਗ ਸਮੱਸਿਆ ਨੂੰ ਦੂਰ ਕਰਨ ਦੇ ਲਈ ਪੁਰਾਣਾ ਪਸ਼ੂ ਹਸਪਤਾਲ ਜੋ ਕਿ ਡਲਹੌਜੀ ਰੋਡ ਤੇ ਨਜਦੀਕ ਗਾੜੀ ਅਹਾਤਾ ਚੌਕ ਹੈ ਨੂੰ ਪਾਰਕਿੰਗ ਲਈ ਵਰਤੋਂ ਵਿੱਚ ਲਿਆਂਦਾ ਜਾ ਰਿਹਾ ਹੈ।
ਉਨ੍ਹਾਂ ਸ਼ਹਿਰ ਨਿਵਾਸੀਆਂ ਅੱਗੇ ਅਪੀਲ ਕਰਦਿਆਂ ਕਿਹਾ ਕਿ ਜੋ ਵੀ ਵਿਅਕਤੀ ਬਾਜਾਰ ਵਿੱਚ ਕੋਈ ਕੰਮ ਜਾਂਦਾ ਹੈ ਉਹ ਅਪਣੀ ਗੱਡੀ ਰੋਡ ਤੇ ਪਾਰਕ ਨਾ ਕਰਕੇ ਪੁਰਾਣੇ ਪਸ਼ੂ ਹਸਪਤਾਲ ਵਿੱਚ ਪਾਰਕ ਕਰੇ ਤਾਂ ਜੋ ਰੋਡ ਤੇ ਟ੍ਰੈਫਿਕ ਜਾਮ ਨਾ ਹੋਵੇ। ਉਨ੍ਹਾਂ ਕਿਹਾ ਕਿ ਇਹ ਪਾਰਕਿੰਗ ਫ੍ਰੀ ਸ਼ੁਰੂ ਕੀਤੀ ਗਈ ਹੈ ਅਤੇ ਗੱਡੀ ਪਾਰਕ ਕਰਨ ਵਾਲੇ ਵਿਅਕਤੀ ਤੋਂ ਕੋਈ ਵੀ ਪਾਰਕਿੰਗ ਫੀਸ ਨਹੀਂ ਲਈ ਜਾਵੇਗੀ। ਉਨ੍ਹਾਂ ਕਿਹਾ ਕਿ ਮੀਟਿੰਗ ਦੋਰਾਨ ਨਲਵਾ ਪੁਲ ਨਜਦੀਕ ਜੋ ਗੱਡੀਆਂ ਗਲਤ ਦਿਸ਼ਾ ਵਿੱਚ ਆਉਂਦੀਆਂ ਹਨ ਦੀ ਸਮੱਸਿਆ ਸਾਹਮਣੇ ਆਉਂਣ ਤੇ ਉਨ੍ਹਾਂ ਵੱਲੋਂ ਪੁਲਿਸ ਮੁਲਾਜਮਾਂ ਦੀ ਡਿਊਟੀ ਸਪੈਸ਼ਲ ਤੋਰ ਤੇ ਪੁਲ ਤੇ ਲਗਾਈ ਗਈ ਹੈ ਅਤੇ ਗਲਤ ਦਿਸ਼ਾ ਵਿੱਚ ਆਉਂਣ ਵਾਲੇ ਵਾਹਨਾਂ ਤੇ ਕਾਰਵਾਈ ਕੀਤੀ ਜਾਵੇਗੀ। ਮੀਟਿੰਗ ਦੋਰਾਨ ਸੀ.ਪੀ.ਆਰ.ਸੀ. ਦੇ ਮੈਂਬਰਾਂ ਵੱਲੋਂ ਧਿਆਨ ਵਿੱਚ ਲਿਆਂਦਾ ਗਿਆ ਕਿ ਨੰਗਲਭੁਰ ਵਿਖੇ ਸਕੂਲ ਅਤੇ ਮੰਦਿਰ ਦੇ ਵਿਚਕਾਰ ਸਰਾਬ ਦਾ ਠੇਕਾ ਹੋਣ ਕਾਰਨ ਲੋਕਾਂ ਅਤੇ ਬੱਚਿਆਂ ਤੇ ਮਾੜਾ ਅਸਰ ਪੈ ਰਿਹਾ ਹੈ। ਇਸ ਤੇ ਸ. ਰਣਜੀਤ ਸਿੰਘ ਐਸ.ਪੀ. ਹੈਡਕੁਆਟਰ ਨੇ ਭਰੋਸਾ ਦਿੱਤਾ ਕਿ ਸਮੱਸਿਆ ਉਨ੍ਹਾਂ ਦੇ ਧਿਆਨ ਵਿੱਚ ਆਈ ਹੈ ਅਤੇ ਜਲਦੀ ਹੀ ਇਸ ਦੇ ਹੱਲ ਲਈ ਯੋਗ ਕਦਮ ਚੁੱਕੇ ਜਾਣਗੇ।