ਪੰਜਾਬ ਸਰਕਾਰ ਵਲੋ' ਰਾਜ ਦੇ ਵੱਖ ਵੱਖ ਜ਼ਿਲ੍ਹਿਆਂ ਵਿਚ ਸਾਬਕਾ ਫੌਜੀਆਂ/ਉਨ੍ਹਾਂ ਦੀਆਂ ਵਿਧਵਾਵਾਂ/ਆਸ਼ਰਿਤਾਂ ਅਤੇ ਗਰੀਬੀ ਰੇਖਾ ਤੋ' ਹੇਠਾਂ ਰਹਿ ਰਹੇ ਬੱਚਿਆਂ ਵਾਸਤੇ ਵੱਖ- ਵੱਖ ਕਿੱਤਾ ਮੁਖੀ ਕੋਰਸ ਚਲਾਏ ਜਾ ਰਹੇ ਹਨ।ਇਹ ਪ੍ਰਗਟਾਵਾ ਕਰਦਿਆਂ ਅੱਜ ਇਥੇ ਰੱਖਿਆਂ ਸੇਵਾਂਵਾਂ ਭਲਾਈ ਵਿਭਾਗ ਦੇ ਮੁੱਖ ਸੰਸਦੀ ਸਕੱਤਰ ਸ. ਵਿਰਸਾ ਸਿੰਘ ਵਲਟੋਹਾ ਨੇ ਦੱਸਿਆ ਕਿ ਚਲਾਏ ਜਾ ਰਹੇ ਕੋਰਸਾਂ ਵਿਚ 12ਵੀ' ਪਾਸ ਵਿਦਿਆਰਥੀਆਂ ਲਈ ਆਯੁਰਵੈਦਿਕ ਥੈਰੇਪੀ ਕੋਰਸ; 10ਵੀ' ਪਾਸ ਵਿਦਿਆਰਥੀਆਂ ਲਈ ਇਲੈਕਟ੍ਰੀਕਲ ਟੈਕਨੀਸ਼ਅਨ, ਰੈਫਰੀਜਰੇਸ਼ਨ ਅਤੇ ਏਅਰ ਕੰਡੀਸ਼ਨਿੰਗ, ਕੰਪਿਊਟਰ ਐਪਲੀਕੇਸ਼ਨ ਸਰਟੀਫਿਕੇਟ ਕੋਰਸ, ਹੋਮਿਓਪੈਥਿਕ ਡਿਸਪੈਸਿੰਗ- ਸਰਟੀਫਿਕੇਟ ਕੋਰਸ ਕਰਾਏ ਜਾਣਗੇ। ਇਹਨਾ ਸਾਰੇ ਕੋਰਸਾਂ ਦਾ ਸਮਾਂ ਇਕ ਸਾਲ ਹੋਵੇਗਾ।ਉਹਨਾ ਅੱਗੇ ਦੱਸਿਆ ਕਿ ਅੱਠਵੀ' ਪਾਸ ਵਿਦਿਆਰਥੀਆਂ ਲਈ ਪਲੰਬਿਗ ਅਤੇ ਬਿਊਟੀ ਕਲਚਰ ਦਾ 6 ਮਹੀਨੇ ਦਾ ਕੋਰਸ ਅਤੇ ਪੰਜਵੀ ਪਾਸ ਵਿਦਿਆਰਥੀਆਂ ਲਈ ਕਟਿੰਗ ਟੇਲਰਿੰਗ ਅਤੇ ਡਰੈੱਸ ਮੇਕਿੰਗ ਦਾ 6 ਮਹੀਨੇ ਦਾ ਕੋਰਸ ਕਰਵਾਇਆ ਜਾਵੇਗਾ।ਉਹਨਾਂ ਅੱਗੇ ਦੱਸਿਆ ਕਿ ਇਹ ਕੋਰਸ ਪੰਜਾਬ ਵਿਚ ਜ਼ਿਲ੍ਹਾ ਪੱਧਰ/ਤਹਿਸੀਲ ਪੱਧਰ ਤੇ ਚਲਾਏ ਜਾਣਗੇ। ਕੋਰਸਾਂ ਨਾਲ ਸਬੰਧਿਤ ਸਾਰਾ ਸਮਾਨ, ਕਿਤਾਬਾਂ ਮੁਫਤ ਮੁਹੱਈਆ ਕਰਵਾਈਆਂ ਜਾਣਗੀਆਂ ਅਤੇ 80 ਫੀਸਦੀ ਫੀਸ ਦਾ ਖਰਚਾ ਪੰਜਾਬ ਸਰਕਾਰ ਵਲੋ' ਅਦਾ ਕੀਤਾ ਜਾਵੇਗਾ।ਉਹਨਾ ਦੱਸਿਆ ਕਿ ਪਹਿਲੇ ਪੜਾਅ ਵਿਚ ਇਹ ਕੋਰਸ ਅੰਮ੍ਰਿਤਸਰ, ਬਠਿੰਡਾ, ਫਰੀਦਕੋਟ, ਫਿਰੋਜ਼ਪੁਰ, ਫਤਹਿਗੜ੍ਹ ਸਾਹਿਬ, ਗੁਰਦਾਸਪੁਰ, ਪਠਾਨਕੋਟ, ਹੁਸ਼ਿਆਰਪੁਰ, ਜਲੰਧਰ, ਕਪੂਰਥਲਾ, ਲੁਧਿਆਣਾ, ਸ੍ਰੀ ਮੁਕਤਸਰ ਸਾਹਿਬ, ਪਟਿਆਲਾ, ਮੋਹਾਲੀ, ਰੂਪਨਗਰ ਅਤੇ ਸੰਗਰੂਰ ਵਿਖੇ ਚਲਾਏ ਜਾਣਗੇ ਅਤੇ ਬਾਕੀ ਜ਼ਿਲ੍ਹਿਆਂ ਵਿਚ ਲੋੜੀ'ਦੀ ਜਗ੍ਹਾ ਉਪਲਬਧ ਹੋਣ ਤੇ ਇਹ ਕੋਰਸ ਚਲਾਏ ਜਾਣਗੇ।ਵਲਟੋਹਾ ਨੇ ਦੱਸਿਆ ਕਿ ਇਹ ਕੋਰਸ ਰੈਗੂਲਰ ਕੋਰਸਾਂ ਵਾਂਗ ਚਲਾਏ ਜਾਣਗੇ ਅਤੇ ਹਫਤੇ ਵਿਚ 5 ਦਿਨ ਕਲਾਸਾਂ ਲੱਗਣਗੀਆਂ। ਉਹਨਾ ਪੰਜਾਬ ਰਾਜ ਨਾਲ ਸਬੰਧਤ ਚਾਹਵਾਨ ਵਿਦਿਆਰਥੀ ਨੂੰ ਅਪੀਲ ਕੀਤੀ ਕਿ ਉਹ ਇਹਨਾ ਕੋਰਸਾਂ ਲਈ ਆਪਣੇ ਜ਼ਿਲੇ ਦੇ ਜ਼ਿਲ੍ਹਾ ਰੱਖਿਆ ਸੇਵਾਂਵਾਂ ਭਲਾਈ ਦਫਤਰ ਵਿਖੇ ਆਪਣੇ ਨਾਮ ਦੀ ਰਜਿਸਟ੍ਰੇਸ਼ਨ ਕਰਵਾਉਣ।