ਡਿਪਟੀ ਕਮਿਸ਼ਨਰ ਬਠਿੰਡਾ ਪਰਨੀਤ ਨੇ ਅੱਜ ਜ਼ਿਲ੍ਹਾ ਪ੍ਰਸ਼ਾਸਨ ਬਠਿੰਡਾ ਦੀ ਸੋਧੀ ਹੋਈ ਵੈਬ-ਸਾਈਟ www.bathinda.nic.in. ਜਾਰੀ ਕੀਤੀ। ਵੱਖ-ਵੱਖ ਉਪਭੋਗਤਾ ਅਨੁਕੂਲ ਸੂਚਨਾਵਾਂ ਨਾਲ ਲੈਸ ਇਸ ਵੈਬ-ਸਾਈਟ ਨੂੰ ਨੇਤਰਹੀਣ ਵੀ ਆਸਾਨੀ ਨਾਲ ਇਸਤੇਮਾਲ ਕਰ ਸਕਦੇ ਹਨ। ਇਹ ਵੈਬ-ਸਾਈਟ ਹਰ ਪ੍ਰਕਾਰ ਦੇ ਕੰਪਿਊਟਰ ਅਤੇ ਐਂਡਰਾਇਡ ਮੋਬਾਇਲ 'ਤੇ ਚਲ ਸਕਦੀ ਹੈ।ਇਸ ਸਬੰਧੀ ਵਧੇਰੇ ਜਾਣਕਾਰੀ ਦਿੰਦਿਆਂ ਜ਼ਿਲ੍ਹਾ ਇਨਫਰਮੇਟਿਕਸ ਅਫ਼ਸਰ ਸ਼੍ਰੀ ਸੰਦੀਪ ਗੁਪਤਾ ਨੇ ਦੱਸਿਆ ਕਿ ਇਸ ਵੈਬ-ਸਾਈਟ 'ਤੇ ਵੱਖ-ਵੱਖ ਸੂਚਨਾਵਾਂ ਅਤੇ ਲਿੰਕ ਆਮ ਜਨਤਾ ਲਈ ਉਪਲੱਬਧ ਹੈ। ਇਨ੍ਹਾਂ 'ਚ ਕੁਲੈਕਟਰ ਰੇਟ, ਡਰਾਈਵਿੰਗ ਲਾਇਸੈਂਸ ਸਬੰਧੀ ਬੇਨਤੀ ਪੱਤਰ, ਪਾਸਪੋਰਟ ਸਬੰਧੀ ਬੇਨਤੀ ਪੱਤਰ, ਪ੍ਰਾਪਰਟੀ ਦਾ ਪੰਜੀਕਰਨ, ਈ-ਡਿਸਟ੍ਰੀਕਟ ਸੇਵਾ ਸਬੰਧੀ ਵੀ ਸੂਚਨਾ ਮੁਹੱਈਆ ਕਰਵਾਈ ਗਈ ਹੈ। ਇਸ ਤੋਂ ਇਲਾਵਾ ਜ਼ਿਲ੍ਹਾ ਬਠਿੰਡਾ ਦੇ ਅਧਿਕਾਰੀਆਂ ਦਾ ਵੇਰਵਾ ਅਤੇ ਫੋਨ ਨੰਬਰ ਵੀ ਉਪਲੱਬਧ ਹਨ।ਸ਼੍ਰੀ ਸੰਦੀਪ ਗੁਪਤਾ ਨੇ ਦੱਸਿਆ ਕਿ ਇਹ ਵੈਬ-ਸਾਈਟ ਸੁਰੱਖਿਅਤ ਹੈ ਅਤੇ ਇਸ 'ਤੇ ਆਸਾਨੀ ਨਾਲ ਕੰਮ ਕੀਤਾ ਜਾ ਸਕਦਾ ਹੈ। ਉਨ੍ਹਾਂ ਦੱਸਿਆ ਕਿ ਵੈਬ-ਸਾਈਟ 'ਤੇ ਉਨ੍ਹਾਂ ਸਾਫ਼ਟਵੇਅਰ ਦੇ ਵੀ ਲਿੰਕ ਹਨ ਜਿਨ੍ਹਾਂ ਨੂੰ ਨੇਤਰਹੀਣ ਵਿਕਅਤੀ ਸਾਫ਼ਟਵੇਅਰ ਡਾਊਨਲੋਡ ਕਰਕੇ ਵੈਬ-ਸਾਈਟ 'ਤੇ ਕੰਮ ਕਰ ਸਕਦੇ ਹਨ। ਇਹ ਸਾਫ਼ਟਵੇਅਰ ਕਿਸੇ ਵਿਅਕਤੀ ਦੇ ਬੋਲਣ ਤੋਂ ਬਾਅਦ ਉਸ ਨੂੰ ਮੰਗੀ ਗਈ ਸੂਚਨਾ ਦਿੰਦਾ ਹੈ। ਇਸ ਸਾਫ਼ਟਵੇਅਰ ਦਾ ਇਸਤੇਮਾਲ ਕਰਦੇ ਹੋਏ ਨੇਤਰਹੀਣ ਵਿਅਕਤੀ ਵੈਬ-ਸਾਈਟ ਦੇ ਵੱਖ-ਵੱਖ ਭਾਗਾਂ ਵਿਚੋਂ ਸੂਚਨਾ ਲੈ ਸਕਦਾ ਹੈ। ਇਹ ਸਾਫ਼ਟਵੇਅਰ ਕਿਸੇ ਵੀ ਪ੍ਰਕਾਰ ਦੇ ਕੰਪਿਊਟਰ ਜਾਂ ਐਂਡਰਾਇਡ ਮੋਬਾਇਲ 'ਤੇ ਡਾਊਨਲੋਡ ਕੀਤਾ ਜਾ ਸਕਦਾ ਹੈ। ਇਸੇ ਤਰ੍ਹਾਂ ਜਿਹੜੇ ਲੋਕ ਵੱਖ-ਵੱਖ ਰੰਗਾਂ 'ਚ ਅੰਤਰ ਨਹੀਂ ਦੱਸ ਸਕਦੇ ਉਹ ਲੋਕ ਵੀ ਇਸ ਵੈਬ-ਸਾਈਟ 'ਤੇ ਦਿੱਤੀ ਗਈ ਕੰਟਰਾਸਟ ਦੀ ਸਹੂਲਤ ਦਾ ਇਸਤੇਮਾਲ ਕਰ ਸਕਦੇ ਹਨ। ਇਹ ਵੈਬ-ਸਾਈਟ ਭਾਰਤ ਸਰਕਾਰ ਦੁਆਰਾ ਜਾਰੀ ਕੀਤੀਆਂ ਜਾਣ ਵਾਲੀਆਂ ਵੈਬ-ਸਾਈਟਾਂ ਦੇ ਨਿਯਮਾਂ ਅਨੁਸਾਰ ਬਣਾਈ ਗਈ ਹੈ।