ਡਿਪਟੀ ਕਮਿਸ਼ਨਰ ਵਿਪੁਲ ਉਜਵਲ ਦੀ ਪ੍ਰਧਾਨਗੀ ਹੇਠ ਜ਼ਿਲ੍ਹੇ ਅੰਦਰ ਸਵੱਛ ਸਰਵੇਖਣ ਗ੍ਰਾਮੀਣ 2018 ਤਹਿਤ ਅਧਿਕਾਰੀਆਂ ਨਾਲ ਮੀਟਿੰਗ ਕੀਤੀ ਗਈ ਤੇ ਅਧਿਕਾਰੀਆਂ ਨੂੰ ਪੂਰੀ ਮਿਹਨਤ ਤੇ ਲਗਨ ਨਾਲ ਸਵੱਛਤਾ ਅਭਿਆਨ ਨੂੰ ਲਗਾਤਾਰ ਚਲਾਉਣ ਤੇ ਸਫਲ ਬਣਾਉਣ ਲਈ ਕਿਹਾ। ਪਹਿਲੀ ਤੋਂ 31 ਅਗਸਤ ਤਕ ਪਹਿਲੀ ਵਾਰ ਦੇਸ਼ ਦੇ ਸਾਰੇ ਜ਼ਿਲ੍ਹਿਆਂ ਦੀ ਸਵੱਛਤਾ ਦਾ ਮੁਲਾਂਕਣ ਕੀਤਾ ਜਾ ਰਿਹਾ ਹੈ। ਮੀਟਿੰਗ ਦੌਰਾਨ ਡਿਪਟੀ ਕਮਿਸ਼ਨਰ ਨੇ ਸਿੱਖਿਆ ਅਧਿਕਾਰੀਆਂ ਨੂੰ ਕਿਹਾ ਕਿ ਉਹ ਸਮੂਹ ਸਕੂਲਾਂ ਅੰਦਰ ਵਿਦਿਆਰਥੀਆਂ ਤੇ ਅਧਿਆਪਕਾ ਨੂੰ ਇਸ ਮਿਸ਼ਨ ਨਾਲ ਜੋੜਨ ਤੇ ਸਫਾਈ ਦੀ ਮਹੱਹਤਾ ਪ੍ਰਤੀ ਬੱਚਿਆਂ ਨੂੰ ਵੱਧ ਤੋਂ ਵੱਧ ਜਾਗਰੂਕ ਕੀਤਾ ਜਾਵੇ ਤੇ ਰੋਜਾਨਾਂ ਕਮਰਿਆਂ ਦੀ ਸਫਾਈ ਦੀ ਗ੍ਰੇਡਿੰਗ ਕੀਤੀ ਜਾਵੇ। ਹਰ ਸਕੂਲ ਵਿਚ ਇਕ ਨੋਡਲ ਅਫਸਰ ਰਾਹੀ ਸਕੂਲ ਅੰਦਰ ਸਾਫ-ਸਫਾਈ ਕਰਵਾਉਣ ਨੂੰ ਯਕੀਨੀ ਬਣਾਇਆ ਜਾਵੇ। ਉਨਾਂ ਜ਼ਿਲਾ ਪ੍ਰੋਗਰਾਮ ਅਧਿਕਾਰੀ ਨੂੰ ਕਿਹਾ ਕਿ ਸੁਪਰਵਾਈਜਰ ਨੋਡਲ ਅਫਸਰ ਤਾਇਨਾਤ ਕੀਤੇ ਜਾਣ ਆਂਗਣਵਾੜੀ ਸੈਂਟਰਾਂ ਵਿਚ ਸਫਾਈ ਕਰਵਾਈ ਜਾਵੇ। ਉਨਾਂ ਕਿਹਾ ਕਿ ਰੋਜਾਨਾ ਗਰੇਡਿੰਗ ਕਰਨ ਨਾਲ ਬੱਚਿਆਂ ਅੰਦਰ ਸਫਾਈ ਰੱਖਣ ਦਾ ਰੁਝਾਨ ਵਧੇਗਾ। ਉਨਾਂ ਸਿਹਤ ਵਿਭਾਗ, ਡੀ.ਡੀ.ਪੀ.ਓ, ਵਾਟਰ ਸਪਲਾਈ ਤੇ ਸ਼ੈਨੀਟੇਸ਼ਨ, ਈ.ਓਜ਼ ਨੂੰ ਕਿਹਾ ਕਿ ਉਹ ਲਗਾਤਰ ਸਵੱਛਤਾ ਅਭਿਆਨ ਚਲਾਉਣ ਤੇ ਆਲੇ-ਦੁਆਲੇ ਨੂੰ ਸਾਫ ਰੱਖਣ ਲਈ ਠੋਸ ਯਤਨ ਕਰਨ।
ਉਨਾਂ ਲੋਕਾਂ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਜਿਸ ਤਰਾਂ ਅਸੀ ਆਪਣੇ ਘਰਾਂ ਨੂੰ ਸਾਫ ਸੁਥਰਾ ਰੱਖਦੇ ਹਾਂ ਉਸੇ ਤਰਾਂ ਸਾਨੂੰ ਪਬਲਿਕ ਸਥਾਨਾਂ ਨੂੰ ਵੀ ਸਾਫ ਰੱਖਣਾ ਚਾਹੀਦਾ ਹੈ। ਕੂੜਾ ਸੜਕਾਂ ਜਾਂ ਗਲੀਆਂ 'ਤੇ ਸੁੱਟਣ ਦੀ ਬਜਾਇ ਕੂੜੇਦਾਨਾਂ ਵਿਚ ਸੁੱਟਣਾ ਚਾਹੀਦਾ ਹੈ । ਉਨਾਂ ਕਿਹਾ ਕਿ ਸਮੂਹਿਕ ਯਤਨਾਂ ਨਾਲ ਹੀ ਜ਼ਿਲੇ ਗੁਰਦਾਸਪੁਰ ਨੂੰ ਖੂਬਸੂਰਤ ਤੇ ਹਰਿਆ ਭਰਿਆ ਬਣਾਇਆ ਜਾ ਸਕਦਾ ਹੈ। ਉਨਾਂ ਅੱਗੇ ਦੱਸਿਆ ਕਿ 'ਸਵੱਛ ਭਾਰਤ ਮਿਸ਼ਨ ਗ੍ਰਾਮੀਣ ' ਤਹਿਤ ਸਵੱਛ ਸਰਵੇਖਣ ਗ੍ਰਾਮੀਣ ਜੋ ਪਹਿਲੀ ਅਗਸਤ ਤੋਂ 31 ਅਗਸਤ 2018 ਤਕ ਚਲਾਇਆ ਜਾ ਰਿਹਾ ਹੈ ਤਹਿਤ ''ਮੇਰਾ ਪਿੰਡ ਮੇਰੀ ਸ਼ਾਨ' ਮੁਹਿੰਮ ਸ਼ੁਰੂ ਕੀਤੀ ਗਈ ਹੈ। ਇਸ ਮੁਹਿੰਮ ਤਹਿਤ ਜਿਲ੍ਹੇ ਵਿੱਚ ਸਭ ਤੋਂ ਸਾਫ-ਸੁਥਰਾ ਪਿੰਡ ਨੂੰ 2 ਲੱਖ ਰੁਪਏ ਰੁਪਏ, ਜਿਲ੍ਹੇ ਵਿੱਚ ਸਭ ਤੋਂ ਸਾਫ-ਸੁਥਰਾ ਪੇਂਡੂ ਸਿਹਤ ਕੇਂਦਰ ਨੂੰ 1 ਲੱਖ ਰੁਪਏ, ਜਿਲ੍ਹੇ ਵਿੱਚ ਸਭ ਤੋਂ ਸਾਫ-ਸੁਥਰਾ ਪੇਂਡੂ ਆਂਗਣਵਾੜੀ ਨੂੰ 50 ਹਜ਼ਾਰ ਰੁਪਏ, ਜਿਲ੍ਹੇ ਵਿੱਚ ਸਭ ਤੋਂ ਸਾਫ-ਸੁਥਰਾ ਪੇਂਡੂ ਸੀਨੀਅਰ ਸੈਕੰਡਰੀ ਸਕੂਲ ਨੂੰ 1 ਲੱਖ ਰੁਪਏ ਰੁਪਏ, ਜਿਲ੍ਹੇ ਵਿੱਚ ਸਭ ਤੋਂ ਸਾਫ-ਸੁਥਰਾ ਪੇਂਡੂ ਪ੍ਰਾਇਮਰੀ/ਮਿਡਲ ਸਕੂਲ ਨੂੰ 50 ਹਜ਼ਾਰ ਰੁਪਏ, ਬਲਾਕ ਪੱਧਰ ਦੀ ਸਭ ਤੋਂ ਵਧੀਆ ਓ.ਡੀ.ਐਫ. ਨਿਗਰਾਨ ਕਮੇਟੀ/ਗੱਰੁਪ ਨੂੰ 25 ਹਜ਼ਾਰ ਰੁਪਏ ਅਤੇ ਜਿਲ੍ਹਾ ਪੱਧਰ ਦੇ ਸਭ ਤੋਂ ਵਧੀਆਂ ਨਿਗਰਾਨ ਕਮੇਟੀ/ਗੱਰੁਪ ਨੂੰ 1 ਲੱਖ ਰੁਪਏ ਸਰਕਾਰ ਵੱਲੋਂ ਇਨਾਮ ਦਿੱਤੇ ਜਾਣਗੇ, ਇਸ ਤੋਂ ਇਲਾਵਾ ਵਲੰਟੀਅਰਸ ਅਤੇ ਸਵੱਛਤਾ ਚੈਂਮਪੀਅਨਾਂ ਨੂੰ ਵੀ ਇਨਾਮ ਦਿੱਤੇ ਜਾਣਗੇ। ਜੇਤੂਆਂ ਨੂੰ ਇਨਾਮ 2 ਅਕਤੂਬਰ ਨੂੰ ਵੰਡੇ ਜਾਣਗੇ। ਮੀਟਿੰਗ ਉਪਰੰਤ ਡਿਪਟੀ ਕਮਿਸ਼ਨਰ ਵਲੋਂ ਸਵੱਛਤਾ ਮੁਹਿੰਮ ਸੰਬਧੀ ਪੈਂਫਲੈਟ ਵੀ ਰਿਲੀਜ਼ ਕੀਤਾ ਗਿਆ।
ਇਸ ਮੋਕੇ ਸਰਵ ਸ੍ਰੀ ਸੁਭਾਸ ਚੰਦਰ ਵਧੀਕ ਡਿਪਟੀ ਕਮਿਸ਼ਨਰ (ਜ). ਰਣਬੀਰ ਸਿੰਘ ਮੂਧਲ ਵਧੀਕ ਡਿਪਟੀ ਕਮਿਸ਼ਨਰ (ਵਿਕਾਸ) , ਸਕੱਤਰ ਸਿੰਘ ਬੱਲ ਐਸ.ਡੀ.ਐਮ ਗੁਰਦਾਸਪੁਰ, ਰਮਨ ਕੋਛੜ ਸਹਾਇਕ ਕਮਿਸ਼ਨਰ (ਜ), ਅਮਰਪਾਲ ਸਿੰਘ ਜਿਲਾ ਮਾਲ ਅਫਸਰ, ਹਰਜਿੰਦਰ ਸਿੰਘ ਸੰਧੂ ਡੀ.ਡੀ.ਪੀ.ਓ, ਇੰਜੀ. ਐਨ.ਪੀ ਸਿੰਘ ਐਕਸੀਅਨ-ਕਮ-ਸੈਨੀਟੇਸ਼ਨ ਅਫਸਰ ਡਵੀਜ਼ਨ-1 ਗੁਰਦਾਸਪੁਰ, ਇੰਜੀ ਐਸ.ਕੇ. ਸ਼ਰਮਾ ਐਕਸੀਅਨ ਡਵੀਜ਼ਨ-2 ਗੁਰਦਾਸਪੁਰ, ਇੰਜੀ ਨਿਤੀਨ ਕਾਲੀਆ ਐਕਸੀਅਨ ਡਿਵੀਜ਼ਨ-1 ਬਟਾਲਾ, ਇੰਜੀ ਹਰਬਿੰਦਰ ਸਿੰਘ ਐਕਸੀਅਨ ਡਵੀਜ਼ਨ-2 ਬਟਾਲਾ, ਇੰਜੀ ਕੰਵਰਜੀਤ ਰਤੜਾ, ਉਪ ਮੰਡਲ ਇੰਜੀਨੀਅਰ -ਕਮ- ਅਸੀਸਟੈਂਟ ਜਿਲ੍ਹਾ ਸੈਨੀਟੇਸ਼ਨ ਅਫਸਰ ਗੁਰਦਾਸਪੁਰ, ਇੰਜੀ ਅਮਰਬੀਰ ਸਿੰਘ, ਸਲਵਿੰਦਰ ਸਿੰਘ ਸਮਰਾ ਜਿਲਾ ਸਿੱਖਿਆ ਅਫਸਰ (ਪ), ਪਰਮਿੰਦਰ ਸਿੰਘ ਸੈਣੀ ਜਿਲਾ ਗਾਈਡੈਂਸ ਕਾਊਸਲਰ, ਸਮੁਨਦੀਪ ਕੋਰ ਜਿਲਾ ਪ੍ਰੋਗਰਾਮ ਅਫਸਰ, ਭੁਪਿੰਦਰ ਸਿੰਘ ਈ.ਓ, ਅਨਿਲ ਕੁਮਾਰ ਈ.ਓ ਮੋਜੂਦ ਸਨ।