ਮਿਸ਼ਨ ਤੰਦਰੁਸਤ ਪੰਜਾਬ ਤਹਿਤ ਟੀ.ਬੀ. ਫ੍ਰੀ ਬਲਾਕ ਮੁਹਿੰਮ ਅਧੀਨ ਅੱਜ ਇਥੇ ਜਿਲ੍ਹਾ ਛਾਤੀ ਰੋਗ ਅਤੇ ਟੀ.ਬੀ. ਸੈਂਟਰ ਰੂਪਨਗਰ ਕੇਂਦਰ ,ਸਿਵਲ ਹਸਪਤਾਲ ਰੂਪਨਗਰ ਵਿਖੇ ਜਿਲ੍ਹਾ ਤਪਦਿਕ ਅਫਸਰ ਡਾ. ਰੋਮੀ ਸਿੰਗਲਾ ਵਲੋਂ ਹੈਲਥ ਵਰਕਰਾਂ ਦੀ ਵਿਸ਼ੇਸ ਟ੍ਰੇਨਿਗ ਕਰਵਾਈ ਗਈ । ਇਹ ਫੀਲਡ ਹੈਲਥ ਵਰਕਰ ਰੂਪਨਗਰ ਅਰਬਨ ਸਲੱਮ ਏਰੀਆ, ਕੀਰਤਪੁਰ ਸਾਹਿਬ ਬਲਾਕ ਨੂੰ ਕਵਰ ਕਰਦੇ ਹਨ ਅਤੇ ਇਹ ਟ੍ਰੇਨਿੰਗ ਜਿਲ੍ਹੇ ਵਿਚ 6 ਅਗਸਤ ਨੂੰ ਆਉਣ ਵਾਲੀ ਟੀ.ਬੀ. ਐਕਟਿਵ ਕੇਸ ਫ਼ਾਇੰਡਿੰਗ ਮੋਬਾਈਲ ਵੈਨ ਸਬੰਧੀ ਕੀਤੀ ਗਈ ਹੈ ।
ਡਾ. ਰੋਮੀ ਸਿੰਗਲਾ ਨੇ ਦੱਸਿਆ ਕਿ ਰੂਪਨਗਰ ਅਰਬਨ ਸਲੱਮ ਦੀ ਕੁੱਲ ਅਬਾਦੀ ਤਕਰੀਬਨ 8000 ਹੈ ਅਤੇ ਕੀਰਤਪੁਰ ਸਾਹਿਬ ਬਲਾਕ ਦੀ ਕੁੱਲ ਅਬਾਦੀ ਤਕਰੀਬਨ 15000 ਲੋਕਾਂ ਦੀ ਹੈ। ਭੀੜ ਭੜੱਕੇ ਵਾਲੇ ਇਲਾਕੇ ਵਿਚ ਰਹਿਣ ਕਰਕੇ ਲੋੜੀਂਦੀ ਸਾਫ- ਸਫਾਈ ਨਾ ਰੱਖਣ ਕਰਕੇ ਅਤੇ ਮੂੰਹ ਢੱਕ ਕੇ ਖਾਂਸੀ ਨਾ ਕਰਨੇ ਕਰਕੇ , ਸਮੇਂ ਸਿਰ ਸਹੀ ਡਾਕਟਰੀ ਜਾਂਚ ਨਾ ਕਰਵਾਉਣ ਕਰਕੇ ਇਹਨਾਂ ਲੋਕਾਂ ਵਿਚ ਫੇਫੜਿਆਂ ਦੀ ਟੀ.ਬੀ. ਹੋਣ ਦੀ ਸੰਭਾਵਨਾ ਆਮ ਜਨਤਾ ਨਾਲੋਂ ਕਈ ਗੁਣਾਂ ਜ਼ਿਆਦਾ ਹੁੰਦੀ ਹੈ, ਕਿਉਕਿ ਇਹ ਲੋਕ ਸਰਕਾਰੀ ਹਸਪਤਾਲ ਵਿਚ ਸਮੇਂ ਰਹਿੰਦੇ ਖੁਦ ਨਹੀਂ ਆਉਂਦੇ ਇਸ ਲਈ ਹੁਣ ਪੰਜਾਬ ਸਟੇਟ ਟੀ.ਬੀ. ਸੁਸਾਇਟੀ ਪੰਜਾਬ ਵਲੋਂ ਲੋਕਾਂ ਦੇ ਕੋਲ ਆਪ ਜਾ-ਜਾ ਕੇ ਜਾਗਰੂਕ ਕਰਨ ਅਤੇ ਕੇਸ ਲੱਭਣ ਦਾ ਉਪਰਾਲਾ ਕੀਤਾ ਜਾ ਰਿਹਾ ਹੈ,ਫੀਲਡ ਹੈਲਥ ਵਰਕਰ ਅਤੇ ਮੋਬਾਈਲ ਮੈਡੀਕਲ ਵੈਨ ਇਸੇ ਉਪਰਾਲੇ ਦਾ ਹਿੱਸਾ ਹਨ ।
ਇਸ ਮੌਕੇ ਉਹਨਾ ਸ਼ਹਿਰ ਤੇ ਜਿਲ੍ਹੇ ਭਰ ਦੇ ਅਨਕੁਆਲੀਫਾਇਡ (ਪ੍ਰਾਇਵੇਟ) ਡਾਕਟਰਾਂ ਨੂੰ ਅਪੀਲ ਕੀਤੀ ਕਿ ਬੇਸ਼ੱਕ ਉਹ ਖਾਂਸੀ ਬੁਖਾਰ ਦੇ ਆਮ ਜਿਹੇ ਦਿੱਖ ਰਹੇ ਮਰੀਜਾਂ ਨੂੰ ਦਵਾਈ ਦਿੰਦੇ ਰਹਿਣ ਪਰ ਜਿਹੜਾ ਮਰੀਜ਼ ਦਵਾਈ ਖਾਣ ਤੋਂ ਬਅਦ ਵੀ ਦੂਸਰੀ ਵਾਰ ਮੁੜ ਉਹਨਾ ਸ਼ਕਾਇਤਾਂ ਨਾਲ ਉਹਨਾ ਕੋਲ ਆਵੇ ਤਾਂ ਉਹ ਟੀ.ਬੀ ਨੂੰ ਪਹਿਲ ਦੇ ਅਧਾਰ ਤੇ ਸਸਪੇਕਟ ਕਰਕੇ ਸਥਾਨਕ ਸਰਕਾਰੀ ਹਸਪਤਾਲ ਵਿਚ ਜਰੂਰ ਰੈਫਰ ਕਰਨ ਤਾਂ ਜੋ ਉਹਨਾਂ ਦਾ ਸਮੇਂ ਰਹਿੰਦੇ ਟੀ.ਬੀ. ਦਾ ਇਲਾਜ਼ ਉਹ ਵੀ ਬਿਲਕੁਲ ਮੁਫ਼ਤ ਹੋ ਸਕੇ । ਡਾ.ਰੋਮੀ ਨੇ ਬਿਨ੍ਹਾਂ ਕਿਸੇ ਵਿਅਕਤੀ ਖਾਸ ਅਨਕੁਆਲੀਫਾਇਡ ਡਾਕਟਰਾਂ ਦਾ ਨਾਮ ਲੈਂਦਿਆਂ ਕਿ ਉਹਨਾ ਕੋਲ ਰੋਜਾਨਾ ਓ.ਪੀ.ਡੀ. ਵਿਚ ਅਜਿਹੇ ਕੇਸ ਆਉਂਦੇ ਹਨ ਜੋ ਕਈ ਮਹੀਨਿਆ ਤੋਂ ਇਹਨਾਂ ਡਾਕਟਰਾਂ ਤੋਂ ਖਾਂਸੀ ਬੁਖਾਰ ਜਾਂ ਸਿਰਫ ਬੁਖਾਰ ਦੀ ਦਵਾਈ ਖਰੀਦ ਕੇ ਖਾਈ ਜਾਂ ਰਹੇ ਸਨ ਅਤੇ ਜਦੋ ਸਰਕਾਰੀ ਜਿਲ੍ਹਾ ਛਾਤੀ ਰੋਗ ਤੇ ਟੀ.ਬੀ ਕੇਂਦਰ ਵਿਚ ਉਹਨਾ ਦੇ ਅਤਿ ਆਧੁਨਿਕ ਫ੍ਰੀ ਟੈਸਟ ਕਰਵਾਏ ਗਏ ਤਾਂ ਉਹਨਾ ਵਿਚ ਸਿਧੇ ਹੀ ਚੋਥੇ ਜਾਂ ਪੰਜਵੇ ਲੈਵਲ ਦੀ ਟੀ.ਬੀ. ਪਾਈ ਗਈ ਹੈ,ਜਿਸ ਦਾ ਕਿ ਇਲਾਜ਼ ਕਰਨਾ ਨਾ ਹੀ ਬੇਹੱਦ ਮੁਸ਼ਕਿਲ ਹੈ, ਸਗੋਂ ਲੰਬਾ ਵੀ ਹੈ ਸੋ ਉਹਨਾ ਨੇ ਮੁੜ ਅਪੀਲ ਕੀਤੀ ਕਿ ਟੀ.ਬੀ. ਦੀ ਬਿਮਾਰੀ ਨੂੰ ਕਾਬੂ ਪਾਉਣ ਲਾਏ ਪ੍ਰਾਇਵੇਟ ਤੇ (ਕੁਆਲੀਫਾਇਡਾ) ਦੇ ਸਹਿਯੋਗ ਦੀ ਬਹੁਤ-ਬਹੁਤ ਲੋੜ ਹੈ ।