ਮਿਸ਼ਨ ਤੰਦਰੁਸਤ ਪੰਜਾਬ ਤਹਿਤ ਸਰਕਾਰੀਆਂ ਸਕੂਲਾਂ ਦੀਆਂ ਪ੍ਰਾਥਨਾ ਸਭਾਵਾਂ 'ਚ ਅੱਜ ਵਿਦਿਆਰਥੀਆਂ ਨੂੰ ਨਸ਼ਿਆਂ ਖਿਲਾਫ਼ ਜਾਣਕਾਰੀ ਦੇਣ ਲਈ ਸੈਮੀਨਾਰ ਕਰਵਾਏ ਗਏ। ਇਹ ਸੈਮੀਨਾਰ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਸੇਲਬਰਾਹ, ਢਪਾਲੀ, ਰਾਏਕਾ ਕਲਾਂ ਅਤੇ ਜੀਵਨ ਸਿੰਘ ਵਾਲਾ ਵਿਖੇ ਕਰਵਾਏ ਗਏ। ਸੈਮੀਨਾਰ ਦੌਰਾਨ ਵਿਦਿਆਰਥੀਆਂ ਨੂੰ ਨਸ਼ੇ ਦੀਆਂ ਬੁਰਾਈਆਂ ਪ੍ਰਤੀ ਜਾਗਰੂਕ ਕੀਤਾ ਗਿਆ ਅਤੇ ਉਨ੍ਹਾਂ ਨੂੰ ਦੱਸਿਆ ਕਿ ਗਿਆ ਕਿ ਕਿਵੇਂ ਪੰਜਾਬ ਸਰਕਾਰ ਦੁਆਰਾ ਨਸ਼ਾ ਪੀੜਤਾਂ ਦੇ ਇਲਾਜ ਲਈ ਕੰਮ ਕੀਤਾ ਜਾ ਰਿਹਾ ਹੈ।ਵੱਖ-ਵੱਖ ਨਗਰ ਪੰਚਾਇਤਾਂ ਵਲੋਂ ਆਪਣੇ ਆਪਣੇ ਇਲਾਕੇ ਦੀਆਂ ਗਲੀਆਂ ਅਤੇ ਨਾਲੀਆਂ ਦੀ ਸਫ਼ਾਈ ਕਰਵਾਈ ਗਈ। ਇਸੇ ਤਰ੍ਹਾਂ ਨਗਰ ਕੌਂਸਲ ਕੋਟਫੱਤਾ ਵਲੋਂ ਵਾਰਡ ਨੰਬਰ 1 ਅਤੇ 11 ਦੇ ਮੁੱਖ ਬਜ਼ਾਰਾਂ ਦੀ ਸਫ਼ਾਈ ਕਰਵਾਈ ਗਈ ਨਾਲ ਹੀ ਰਾਮਦਾਸ ਮੁਹੱਲੇ ਵਿਖੇ ਸਫ਼ਾਈ ਕਰਵਾਈ ਗਈ ਅਤੇ ਕੂੜੇ ਦੇ ਢੇਰ ਉਠਾਏ ਗਏ।ਨਗਰ ਨਿਗਮ ਬਠਿੰਡਾ ਦੀ ਟੀਮ ਨੇ ਹਰਦੇਵ ਨਗਰ ਦਾ ਦੌਰਾ ਕੀਤਾ ਜਿੱਥੇ ਲੋਕਾਂ ਨੂੰ ਖੁੱਲ੍ਹੇ 'ਚ ਪਖਾਨੇ ਨਾ ਜਾਣ ਲਈ ਪ੍ਰੇਰਿਆ ਗਿਆ ਅਤੇ ਕੂੜਾ-ਕਰਕਟ ਨਾ ਜਲਾਉਣ ਬਾਰੇ ਵੀ ਦੱਸਿਆ ਗਿਆ। ਨਗਰ ਨਿਗਮ ਦੀ ਟੀਮ ਨੇ ਦੱਸਿਆ ਕਿ ਹਰਦੇਵ ਨਗਰ ਵਿਖੇ 10 ਹੋਰ ਨਵੇਂ ਟਾਇਲਟ ਬਣਾਏ ਜਾਣਗੇ। ਨਗਰ ਪੰਚਾਇਤ ਮਲੂਕਾ ਵਿਖੇ ਗਲੀਆਂ ਦੀ ਸਫ਼ਾਈ, ਨਗਰ ਪੰਚਾਇਤ ਮਹਿਰਾਜ ਵਿਖੇ ਬਜ਼ਾਰਾਂ ਦੀ ਸਫ਼ਾਈ, ਮੰਡੀ ਕਲਾਂ ਵਿਖੇ ਵਾਰਡ ਨੰਬਰ 6 ਦੀ ਸਫ਼ਾਈ, ਭਾਈ ਰੂਪਾ ਵਿਖੇ ਵਾਰਡ ਨੰਬਰ 6 ਦੀ ਸਫ਼ਾਈ, ਨਗਰ ਪੰਚਾਇਤ ਨਥਾਣਾ ਵਿਖੇ ਮੁੱਖ ਬਜ਼ਾਰ ਦੀ ਸਫ਼ਾਈ ਅਤੇ ਲਹਿਰਾ ਮੁਹੱਬਤ ਵਿਖੇ ਵਾਰਡ ਨੰਬਰ 3 ਅਤੇ 4 'ਚ ਨਾਲੀਆਂ ਦੀ ਸਫ਼ਾਈ ਕਰਵਾਈ ਗਈ। ਯੁਵਕ ਸੇਵਾਵਾਂ ਵਿਭਾਗ ਵਲੋਂ ਮਾਤਾ ਸਾਹਿਬ ਕੌਰ ਕਾਲਜ ਤਲਵੰਡੀ ਸਾਬੋ ਦੀ ਐਨ.ਐਸ.ਐਸ. ਯੂਨਿਟ ਦੇ ਨਾਲ ਪੌਦੇ ਲਗਾਏ ਗਏ। ਸਿਹਤ ਵਿਭਾਗ ਦੁਆਰਾ ਬਠਿੰਡਾ ਸ਼ਹਿਰ ਦੇ 1041 ਥਾਵਾਂ ਦੀ ਡੇਂਗੂ ਦੇ ਲਾਰਵਾ ਸਬੰਧੀ ਚੈਕਿੰਗ ਕੀਤੀ ਗਈ ਜਿੱਥੇ 7 ਥਾਵਾਂ 'ਤੇ ਲਾਰਵਾ ਪਾਇਆ ਗਿਆ ਅਤੇ ਨਸ਼ਟ ਕੀਤਾ ਗਿਆ। ਇਹ ਚੈਕਿੰਗ ਅਮਰਪੁਰਾ ਬਸਤੀ, ਭਾਈ ਮਤੀਦਾਸ ਨਗਰ, ਪਰਸਰਾਮ ਨਗਰ, ਮਾਡਲ ਟਾਊਨ 1,2 ਅਤੇ 3, ਹਾਜੀ ਰਤਨ, ਅਰਜਨ ਨਗਰ, ਜੋਗੀ ਨਗਰ, ਕਰਤਾਰ ਬਸਤੀ, ਗੁਰੂ ਨਾਨਕ ਪੁਰਾ, ਹਰਪਾਲ ਨਗਰ, ਬਸੰਤ ਵਿਹਾਰ, ਦੀਪ ਨਗਰ, ਬਲਰਾਜ ਨਗਰ, ਢਿੱਲੋ ਕਲੋਨੀ ਅਤੇ ਮਹਿਣਾ ਬਸਤੀ ਵਿਖੇ ਕੀਤੀ ਗਈ। ਪੰਜਾਬ ਡੇਅਰੀ ਵਿਕਾਸ ਵਿਭਾਗ ਵਲੋਂ ਬਠਿੰਡਾ ਸ਼ਹਿਰ ਦੇ ਬਸੰਤ ਵਿਹਾਰ ਇਲਾਕੇ 'ਚ ਚੰਗੇ ਦੁੱਧ ਦੀ ਜਾਣਕਾਰੀ ਸਬੰਧੀ ਜਾਣਕਾਰੀ ਦਿੱਤੀ ਗਈ।