ਅਮਰ ਸ਼ਹੀਦ ਬਾਬਾ ਅਜੀਤ ਸਿੰਘ ਜੁਝਾਰ ਸਿੰਘ ਮੈਮੋਰੀਅਲ ਕਾਲਜ ਆਫ ਫਾਰਮੇਸੀ, ਬੇਲਾ ਵਿਖੇ ਨਵੇ ਸੈਸ਼ਨ ਦੇ ਸ਼ੁਰੂ ਵਿੱਚ ਇੱਕ ਦਿਨਾਂ “ਫੈਕਲਟੀ ਡਿਵੈਲਪਮੈਂਟ ਪ੍ਰੋਗਰਾਮ” ਦਾ ਆਯੋਜਨ ਮਿਤੀ 20/07/2018 ਕੀਤਾ ਗਿਆ ।ਇਸ ਪ੍ਰੋਗਰਾਮ ਵਿਚ ਉਚੇਚੇ ਤੌਰ ਤੇ ਬ੍ਰਹਮਕੁਮਾਰੀ ਸਿਸਟਰ ਅੰਜ਼ੂ, ਰੋਪੜ ਤੋਂ ਅਤੇ ਇੰਜੀ. ਅਮਨਦੀਪ ਕੌਰ ਸਾਹਾਇਕ ਪ੍ਰੋ. ਨਿਟਰ,ਮੋਹਾਲੀ ਵੱਲੋ ਅੱਲਗ-ਅੱਲਗ ਵਿਸ਼ਿਆ ਤੇ ਲੈਕਚਰ ਦਿੱਤੇ।ਸਿਸਟਰ ਅੰਜੁ ਨੇ ਸਟਰੈਸ (ਤਣਾਅ) ਮੈਂਨੇਜਮੈਂਟ ਤੇ ਬੋਲਦਿਆਂ ਕਿਹਾ ਕਿ ਭਾਰਤੀਆਂ ਵਿੱਚ ਵਿਸ਼ਵ ਵਿੱਚ ਸਭ ਤੋਂ ਜਿਆਦਾ ਮਾਨਸਿਕ ਦਬਾਅ ਜਾਂ ਸਟਰੈਸ ਦੇ ਕੇਸ ਪਾਏ ਜਾ ਰਹੇ ਹਨ।ਇਸ ਕਾਰਨ ਲੋਕਾਂ ਦੀ ਕੰਮ ਕਰਨ ਦੀ ਯੋਗਤਾ ਘਟ ਜਾਂਦੀ ਹੈ ਤੇ ਇਨਸਾਨ ਹੌਲੀ-ਹੌਲੀ ਮਾਨਸਿਕ ਰੋਗਾਂ ਦਾ ਸ਼ਿਕਾਰ ਹੋ ਜਾਂਦਾ ਹੈ। ਸੋ ਇਸ ਤੋ ਬਚਣ ਲਈ ਸਭ ਤੋਂ ਉਪਯੋਗੀ ਤੇ ਤੇਜ਼ ਤਰੀਕਾ ਹੈ ਹਾਸ ਯੋਗ। ਇਸ ਵਿੱਚ ਲੋਕ ਇੱਕ ਛੋਟਾ ਜਿਹਾ ਗਰੁੱਪ ਬਣਾ ਕੇ ਖੁੱਲ ਕੇ ਹੱਸਦੇ ਹਨ ਅਤੇ ਮਾਨਸਿਕ ਦਬਾਅ ਨੂੰ ਦੂਰ ਰੱਖ ਸਕਦੇ ਹਨ।ਉਹਨਾ ਨੇ ਹਾਸ ਯੋਗ ਦੀ ਵਿਧੀ ਅਤੇ ਮਾਨਸਿਕ ਦਬਾਅ ਨੂੰ ਕਾਬੂ ਕਰਨ ਲਈ ਕੁਝ ਨੁਕਤੇ ਵੀ ਸਾਂਝੇ ਕੀਤੇ।ਇਸ ਦੇ ਨਾਲ ਉਨ੍ਹਾ ਨੇ ਟਾਇਮ ਮੈਨੇਜਮੈਂਟ ਨੂੰ ਬਾਰੇ ਦੱਸਦੇ ਹੋਏ ਕਿਹਾ ਕਿ ਹਰੇਕ ਵਿਅਕਤੀ ਨੂੰ ਆਪਣੇ ਕੰਮ ਟਾਇਮ ਮੈਨੇਜਮੈਂਟ ਅਨੁਸਾਰ ਕਰਨ ਚਾਹੀਦਾ ਹੈ।ਇਸ ਤੋ ਬਾਅਦ ਇੰਜ. ਅਮਨਦੀਪ ਕੌਰ, ਨਿਟਰ ਵੱਲੋ ਐਕਟੀਵ ਲਰਨਿੰਗ ਦੇ ਵਿਸ਼ੇ ਤੇ ਆਪਣੇ ਲੈਕਚਰ ਦਿੱਤਾ।
ਇਸ ਮੌਕੇ ਤੇ ਸੰਸਥਾ ਦੇ ਡਾਇਰੈਕਟਰ-ਕਮ-ਮੈਂਬਰ ਸਕੱਤਰ ਡਾ. ਸੈਲੇਸ਼ ਸ਼ਰਮਾ ਨੇ ਮੁੱਖ ਮਹਿਮਾਨ ਅਤੇ ਭਾਗ ਲੈਣ ਪਹੁੰਚੇ ਪ੍ਰਤੀਯੋਗੀਆਂ ਦਾ ਤਹਿ ਦਿਲੋਂ ਸੁਆਗਤ ਕੀਤਾ ਅਤੇ ਆਪਣੇ ਭਾਸ਼ਣ ਵਿੱਚ ਸ਼ਰੋਤਿਆਂ ਨੂੰ ਸੰਬੋਧਿਤ ਕਰਦੇ ਹੋਏ ਕਿਹਾ ਕਿ ਅੱਜ ਪੜ੍ਹਾਈ ਦੇ ਮਿਆਰ ਨੂੰ ਉੱਚਾ ਚੁੱਕਣ ਲਈ ਇੱਕ ਅਧਿਆਪਕ ਲਈ ਉੱਚ ਸਿੱਖਿਅਤ ਹੋਣਾ ਬਹੁਤ ਜ਼ਰੂਰੀ ਹੈ ਤਾਂ ਹੀ ਉਹ ਭਾਵੀ ਪੀੜ੍ਹੀ ਨੂੰ ਸਿੱਖਿਅਤ ਕਰ ਸਕਦਾ ਹੈ ਇਸ ਦੇ ਨਾਲ-ਨਾਲ ਇੱਕ ਅਧਿਆਪਕ ਤਾਂ ਹੀ ਆਪਣੇ ਵਿਦਿਆਰਥੀਆਂ ਲਈ ਆਦਰਸ਼ ਅਧਿਆਪਕ ਸਾਬਿਤ ਹੋ ਸਕਦਾ ਹੈ ਜੇਕਰ ਉਹ ਆਪਣੇ ਅੰਦਰ ਇੱਕ ਆਦਰਸ਼ ਅਧਿਆਪਕ ਦੇ ਗੁਣ ਪੈਦਾ ਕਰੇ। ਕਾਲਜ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਸਰਦਾਰ ਸ. ਸੰਗਤ ਸਿੰਘ ਲੌਂਗੀਆ, ਡਾ. ਭਾਗ ਸਿੰਘ ਬੋਲਾ ਪ੍ਰਧਾਨ ਫਾਰਮੇਸੀ ਕਾਲਜ ਪ੍ਰਬੰਧਕ ਕਮੇਟੀ, ਮੈਨੇਜਰ ਕਾਲਜ ਪ੍ਰਬੰਧਕ ਕਮੇਟੀ ਸ. ਸੁਖਵਿੰਦਰ ਸਿੰਘ ਵਿਸਕੀ ਅਤੇ ਸਕੱਤਰ ਕਾਲਜ ਪ੍ਰਬੰਧਕ ਕਮੇਟੀ ਸ. ਜਗਵਿੰਦਰ ਸਿੰਘ ਨੇ ਇਸ ਪ੍ਰੋਗਰਾਮ ਨੂੰ ਕਰਵਾਉਣ ਲਈ ਕਾਲਜ ਦੇ ਡਾਇਰੈਕਟਰ ਅਤੇ ਸਟਾਫ ਦੀ ਸ਼ਲਾਘਾ ਕੀਤੀ। ਇਸ ਪ੍ਰੋਗਰਾਮ ਦੀ ਕੋਆਰਡੀਨੇਟਰ ਡਾ. ਨਿਤਿਨ ਬਾਂਸਲ ਨੇ ਇਸ ਪ੍ਰੋਗਰਾਮ ਦੇ ਥੀਮ ਅਤੇ ਉਦੇਸ਼ ਤੇ ਚਾਨ੍ਹਣਾ ਪਾਇਆ ਅਤੇ ਸਟੇਜ਼ ਦਾ ਸੰਚਾਲਣ ਮਿਸ ਦਵਿੰਦਰ ਕੌਰ ਨੇ ਬੜੇ ਸੁਚੱਜੇ ਢੰਗ ਨਾਲ ਨਿਭਾਇਆ।