ਐਸ ਐਚ ਓ ਥਾਣਾ ਤਰਸਿੱਕਾ ਨੇ ਦੱਸਿਆ ਕਿ ਕਾਸਿਮ ਦੀਨ ਪੁੱਤਰ ਫਕੀਰ ਮੁਹੰਮਦ ਨਿਵਾਸੀ ਸ਼ਾਲਾ ਨੇ ਥਾਣੇ ਦਿੱਤੀ ਸ਼ਿਕਾਇਤ ਵਿੱਚ ਦੱਸਿਆ ਕਿ ਉਹ ਪਿੰਡ ਚਾਵਾ ਥਾਣਾ ਸ਼ਾਲਾ ਜਿਲ੍ਹਾ ਗੁਰਦਾਸਪੁਰ ਵਿਖੇ ਦੁੱਧ ਵੇਚਣ ਦਾ ਕੰਮ ਕਰਦਾ ਹੈ। ਉਸਦਾ ਬੇਟਾ ਲਾਡੀ ਜਿਸਦੀ ਉਮਰ ਕਰੀਬ 30 ਸਾਲ ਹੈ ਜਿਸਨੇ ਇੱਕ ਜਾਇਲੋ ਗੱਡੀ ਨੰਬਰ ਪੀ ਬੀ 10 ਸੀ ਐਸ 5533 ਮਿਤੀ 9 ਮਈ 2018 ਨੂੰ ਆਪਣੇ ਦੋਸਤ ਸਾਹੀ ਪੁੱਤਰ ਬਸੀਰ ਨਿਵਾਸੀ ਨਵੀਨ ਕੋਰਾਲ ਆਪਣੇ ਮਾਮੇ ਮਸੂਰ ਅਲੀ ਪੁੱਤਰ ਚਿਰਾਗਦੀਨ ਨਿਵਾਸੀ ਖੁਜਾਲਾ ਨੂੰ ਮਿਲਣ ਆਇਆ ਸੀ ਉਸ ਸਮੇ ਇਸ ਕੋਲ ਮੋਬਾਇਲ ਨੰਬਰ 9876907079ਸੀ ਰਾਤ ਦੇ ਕਰੀਬ 8 ਵੱਜੇ ਖਾਣਾ ਖਾ ਕੇ ਆਪਣੇ ਸ਼ਾਹੀ ਦੇ ਸਾਥੀ ਨਾਲ ਧਿਆਨਪੁਰ ਚਲਾ ਗਿਆ । ਜੋ ਲਾਡੀ ਦੇ ਰਿਸ਼ਤੇ ਵਿੱਚ ਉਸਦੇ ਭਰਾ ਮੁਹੰਮਦ ਸ਼ਰੀਫ ਪੁੱਤਰ ਮੁਰੀਦ ਹੁਸੈਨ ਨਿਵਾਸੀ ਅਲਸਵਾਰ ਨਜ਼ਦੀਕ ਧਾਰੀਵਾਲ ਜਿਲ੍ਹਾ ਗੁਰਦਾਸਪੁਰ ਨੇ ਲਾਡੀ ਨੂੰ ਕਰੀਬ ਪੌਣੇ 9 ਵੱਜੇ ਫੋਨ ਕੀਤਾ ਤਾਂ ਲਾਡੀ ਨੇ ਕਿਹਾ ਕਿ ਮੈਂ ਠੀਕ ਹਾਂ ਪਰ ਫਿਰ ਅਚਾਨਕ ਫੋਨ ਵਿੱਚ ਇਕਦਮ ਰੌਲਾ ਪੈਣ ਦੀ ਆਵਾਜ਼ ਸੁਣਾਈ ਦਿੱਤੀ ਤਾਂ ਮੁਹੰਮਦ ਸ਼ਰੀਫ ਨੂੰ ਆਵਾਜ਼ ਸੁਣਾਈ ਦਿੱਤੀ ਕਿ ਇਸਨੂੰ ਬੰਨ ਲਵੋ ।
ਉਸਤੋਂ ਬਾਅਦ ਲਾਡੀ ਦਾ ਫੋਨ ਸਵਿੱਚ ਆਫ ਹੋ ਗਿਆ ।ਜੋ ਹੁਣ ਤੱਕ ਲਾਪਤਾ ਹੈ।ਉਨਾਂ ਨੂੰ ਯਕੀਨ ਹੈ ਕਿ ਲਾਡੀ ਤੇ ਸ਼ਾਹੀ ਨੇ ਨਵਾਬਦੀਨ ਪੁੱਤਰ ਹੁਸੈਨ ਗੁੱਜਰ ਨਿਵਾਸੀ ਧਿਆਨਪੁਰ ,ਸ਼ਿਆ ਪੁੱਤਰ ਨਵਾਬਦੀਨ ਨਿਵਾਸੀ ਧਿਆਨਪੁਰ ,ਮਾਸੂਮ ਅਲੀ ਪੁੱਤਰ ਹੁਸੈਨ ਨਿਵਾਸੀ ਨਵੀਨ ਕੁਰਲ ,ਬੱਗਾ ਪੁੱਤਰ ਬਿੱਲਾ ਨਿਵਾਸੀ ਕੋਟਲੀ ਸੇਹਨਿਵਾਲ ,ਗਾਮਾ ਪੁੱਤਰ ਜੂਸਫ ਮਹਲੋਂ ਜਿਲ੍ਹਾ ਲੁਧਿਆਣਾ ਨੇ ਆਪਣੇ ਸਾਥੀਆਂ ਨੇ ਮਿਲਕੇ ਅਗਵਾ ਕੀਤਾ ਹੈ ।ਇਸ ਤੇ ਮਾਮਲਾ ਦਰਜ ਕਰਕੇ ਐਸ ਐਚ ਓ ਤਰਸਿੱਕਾ ਬਿਕਰਮਜੀਤ ਸਿੰਘ ਨੇ ਕਾਰਵਾਈ ਕਰਦਿਆਂ ਜਾਂਚ ਕੀਤੀ ,ਤਾਂ ਸ਼ਰੀਫ ਮੁਹੰਮਦ ਉਰਫ ਸ਼ਿਆ ਪੁੱਤਰ ਨਵਾਬਦੀਨ ਨਿਵਾਸੀ ਧਿਆਨਪੁਰ ,ਯਾਕੂਬ ਖ਼ਾਨ ਪੁੱਤਰ ਮੌਜਦੀਨ ਨਿਵਾਸੀ ਘਮਾਇਤ ,ਜਹੂਰਾਂ ਪੁੱਤਰ ਸਵਾਰਦੀਨ ਭੈਣੀ ਰਾਮ ਦਿਆਲ ,ਜਨੈਤ ਅਲੀ ਸਮੂਲ ਅਲੀ ,ਯਾਕੂਬ ਅਲੀ ਪੁੱਤਰ ਸੈਫ ਅਲੀ ਨਿਵਾਸੀ ਸ਼ੈਖਫੱਤਾ ਜਿਲ੍ਹਾ ਤਰਨਤਾਰਨ ,ਬਾਗ ਹੁਸੈਨ ਉਰਫ ਬਾਗ਼ਾਂ ਨਿਵਾਸੀ ਕੋਟਲੀ ਕੀੜੀ ਅਫਗਾਨਾਂ ਜਿਲ੍ਹਾ ਗੁਰਦਾਸਪੁਰ ਨੂੰ ਅਗਵਾ ਦੇ ਮਾਮਲੇ ਵਿੱਚ ਗਿਰਫ਼ਤਾਰ ਕੀਤਾ ਗਿਆ ਹੈ।
,ਕੀ ਸੀ ਇਹ ਮਾਮਲਾ ?
ਪੁਲਿਸ ਵੱਲੋਂ ਮਿਲੀ ਜਾਣਕਾਰੀ ਅਨੁਸਾਰ ਗਾਮੀ ਗੁੱਜਰ ਦੇ ਬੇਟੇ ਦੀ ਜੇਲ ਵਿਚ ਮੌਤ ਹੋ ਗਈ ਸੀ।ਜਦਕਿ ਲਾਡੀ ਗੁੱਜਰ ਨੇ ਗਾਮੀ ਗੁੱਜਰ ਦੀ ਨੂੰਹ ਰਾਣੀ ਨਾਲ ਸ਼ਾਦੀ ਕਰਵਾ ਲਈ ਸੀ ਇਸ ਕਰਕੇ ਗਾਮੀ ਗੁੱਜਰ ਲਾਡੀ ਗੁੱਜਰ ਦੇ ਨਾਲ ਰੰਜਿਸ਼ ਰੱਖਦਾ ਸੀ।ਜਿਸਦੇ ਚਲਦਿਆ ਪਹਿਲਾ ਵੀ ਲਾਡੀ ਗੁੱਜਰ ਨੂੰ ਮਾਰਨ ਦੀ ਕੋਸ਼ਿਸ ਕੀਤੀ ਗਈ ਸੀ ਜਾਂਚ ਦੌਰਾਨ ਇਹ ਇਹ ਸਾਮਣੇ ਆਇਆ ਕਿ ਉਕਤ ਆਰੋਪੀਆਂ ਨੇ ਲਾਡੀ ਨੂੰ ਮਾਰ ਕੇ ਉਸਦੀ ਲਾਸ਼ ਨੂੰ ਦਬਾ ਦਿੱਤਾ ਸੀ ਤੇ ਫਿਰ ਬਾਅਦ ਵਿੱਚ ਉਸਦੀ ਲਾਸ਼ ਕੱਢ ਕੇ ਉਸਦੇ ਟੁਕੜੇ ਟੁੱਕੜੇ ਕਰਕੇ ਨਹਿਰ ਵਿੱਚ ਸੁੱਟ ਦਿੱਤੇ ਸਨ।