ਫੈਡਰਲ ਬੈਂਕ ਵਲੋਂ ਬੈਂਕ ਵਿਚ ਪਈਆਂ ਖਾਲੀ ਅਸਾਮੀਆਂ ਦੀ ਭਰਤੀ ਲਈ ਲੁਧਿਆਣਾ ਕਾਲਜ ਆਫ਼ ਇੰਜੀਨੀਅਰਿੰਗ ਐਂਡ ਟੈਕਨਾਲੋਜੀ, ਕਟਾਣੀ ਕਲਾਂ ਵਿਚ ਇਕ ਪਲੇਸਮੈਂਟ ਡਰਾਈਵ ਦਾ ਆਯੋਜਨ ਕੀਤਾ ਗਿਆ। ਇਸ ਭਰਤੀ ਪ੍ਰਕਿਰਿਆ ਵਿਚ 100 ਤੋਂ ਵੱਧ ਵਿਦਿਆਰਥੀਆਂ ਨੇ ਹਿੱਸਾ ਲਿਆ। ਇਸ ਮੌਕੇ ਵਿਦਿਆਰਥੀਆਂ ਦੇ ਇੰਟਰਵਿਊ ਲੈਣ ਲਈ ਫੈਡਰਲ ਬੈਂਕ ਵਲੋਂ ਦਿੱਲੀ ਤੋਂ ਇਕ ਵਿਸ਼ੇਸ਼ ਮਾਹਿਰਾਂ ਟੀਮ ਵੀ ਮੌਜੂਦ ਸੀ, ਜਿਸ ਵਿਚ ਸਤੀਸ਼ ਡੀ. ਪ੍ਰਭੂ, ਡਿਪਟੀ ਵਾਈਸ ਪ੍ਰੈਜੀਡੈਂਟ ਐਡ ਆਰ. ਸੀ. ਐਚ ਹੈੱਡ ਲਾਰੇਂਸ ਬੀ. ਆਰ ਖੇਤਰੀ ਮੈਨੇਜਰ ਸ੍ਰੀਰੂਪਾ ਦੇਅ ਚੌਧਰੀ ਸ਼ਾਮਿਲ ਸਨ। ਇਥੇ ਇਹ ਜ਼ਿਕਰੇਖਾਸ ਹੈ ਕਿ ਫੈਡਰਲ ਬੈਂਕ ਦੀ ਭਰਤੀ ਪ੍ਰਕਿਰਿਆਂ ਪ੍ਰਾਈਵੇਟ ਬੈਂਕਿੰਗ ਵਿਚ ਸਭ ਤੋਂ ਸਖਤ ਪ੍ਰਕਿਰਿਆਂ ਮੰਨੀ ਜਾਂਦੀ ਹੈ ।ਲਿਖਤੀ ਪ੍ਰਕਿਰਿਆ ਪਾਸ ਕਰਨ ਉਪਰੰਤ ਵਿਦਿਆਰਥੀ ਹੋਰ ਵੱਖ-ਵੱਖ ਪੜਾਵਾਂ 'ਚੋਂ ਹੁੰਦੇ ਹੋਏ ਅੰਤਿਮ ਪੜਾਅ ਵਿਚ ਪੁੱਜੇ ਜਿੱਥੇ ਤਿੰਨ ਵਿਦਿਆਥੀਆਂ ਨੂੰ ਹੀ ਚੁਣਿਆ ਗਿਆ। ਇਨਾਂ ਚੁਣੇ ਹੋਏ ਵਿਦਿਆਰਥੀਆਂ ਨੂੰ ਜਾਣਕਾਰੀ ਮੁਹੱਇਆ ਕਰਵਾਉਂਦੇ ਹੋਏ ਕਾਲਜ ਦੇ ਪਲੇਸਮੈਂਟ ਹੈੱਡ ਡਾ. ਪ੍ਰਤੀਕ ਕਾਲੀਆ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆਂ ਕਿ ਚੁਣੇ ਹੋਏ ਵਿਦਿਆਰਥੀਆਂ ਨੂੰ ਪ੍ਰਤੀ ਸਾਲ 4 ਲੱਖ ਰੁਪਏ ਦੇ ਪੈਕੇਜ ਦੀ ਆਫ਼ਰ ਕੀਤੀ ਗਈ ਹੈ ਜੋ ਉਨ੍ਹਾਂ ਲਈ ਮਾਣ ਵਾਲੀ ਗੱਲ ਹੈ।
ਇਸੇ ਤਰ੍ਹਾਂ ਵਿਸ਼ਵ ਪ੍ਰਸਿਧ ਕੰਪਨੀ ਹੀਰੋ ਸਾਇਕਲ ਵਲੋਂ ਐਲ ਸੀ ਈ ਟੀ ਦੇ ਸੱਤ ਵਿਦਿਆਰਥੀਆਂ ਨੂੰ ਇੰਨਟਰਨਸ਼ਿਪ ਲਈ ਚੁਣਿਆਂ ਹੈ। ਹੀਰੋ ਸਾਇਕਲ ਲਿਮ. ਦੇ ਅਨਿਲ ਜੈਨ ਅਤੇ ਸਤੀਸ਼ ਕੁਮਾਰ ਨੇ ਵਿਦਿਆਰਥੀਆਂ ਨੂੰ ਸੰਬੋਧਨ ਕਰਦਿਆਂ ਹੀਰੋ ਸਾਇਕਲ ਲਿਮ. ਵਲੋਂ ਸਿਰਫ ਬਿਹਤਰੀਨ ਵਿਦਿਆਰਥੀਆਂ ਨੂੰ ਹੀ ਇੰਨਟਰਸ਼ਿਪ ਲਈ ਚੁਣਿਆਂ ਜਾਂਦਾ ਹੈ। ਇਨਾਂ ਸਫ਼ਲ ਉਮੀਦਵਾਰਾਂ ਨੂੰ ਛੇ ਮਹੀਨੇ ਦੀ ਵਿਸ਼ੇਸ਼ ਸਿਖਲਾਈ ਅਤੇ ਹੀਰੋ ਸਾਇਕਲ ਵਲੋਂ ਰੁਜਗਾਰ ਦੇ ਮੌਕੇ ਦਿੱਤੇ ਜਾਣਗੇ। ਚੋਣ ਪ੍ਰਕਿਰਿਆ ਦੇ ਦੋ ਪੜਾਅ ਸਨ, ਜਿਸ ਵਿਚ ਗਰੁੱਪ ਡਿਸਕਸ਼ਨ ਹੋਈ । ਜਿਸ ਤੋਂ ਬਾਅਦ ਐੱਚ. ਆਰ. ਮੈਨੇਜਰ ਵਲੋਂ ਨਿੱਜੀ ਇੰਟਰਵਿਊ ਲਈ ਗਈ। ਇਸ ਮੌਕੇ ਕਾਲਜ ਦੇ ਚੇਅਰਮੈਨ ਵਿਜੈ ਗੁਪਤਾ ਨੇ ਖੁਸ਼ੀ ਦਾ ਪ੍ਰਗਟਾਵਾ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੂੰ ਉਮੀਦ ਹੈ ਕਿ ਉਨ੍ਹਾਂ ਦੇ ਕਾਲਜ ਦੇ ਵਿਦਿਆਰਥੀ ਇਸੇ ਤਰ੍ਹਾਂ ਕਾਲਜ ਦਾ ਨਾਮ ਅੰਤਰਰਾਸ਼ਟਰੀ ਪੱਧਰ ਤੱਕ ਰੌਸ਼ਨ ਕਰਨਗੇ।