ਵਿਗਿਆਨਕ ਤੇ ਉਦਯੋਗਿਕ ਖੋਜ ਪਰਿਸ਼ਦ (Council of Scientific & Industrial Research) (ਸੀਐੱਸਆਈਆਰ) ਤਹਿਤ ਸੈਂਟਰਲ ਇਲੈਕਟ੍ਰੋ ਕੈਮੀਕਲ ਰਿਸਰਚ ਇੰਸਟੀਟਿਊਟ (ਸੀਈਸੀਆਰਆਈ) ਤੇ ਆਰਏਏਐੱਸਆਈ ਸੋਲਰ ਪਾਵਰ ਪ੍ਰਾਈਵੇਟ ਲਿਮਟਿਡ ਨੇ ਭਾਰਤ ਦੇ ਪਹਿਲੇ ਲਿਥੀਅਮ ਆਇਨ (ਐੱਲਆਈ-ਆਇਨ) ਬੈਟਰੀ ਪ੍ਰੋਜੈਕਟ ਲਈ ਟੈਕਨੋਲੋਜੀ ਟ੍ਰਾਂਸਫਰ ਵਾਸਤੇ ਸਹਿਮਤੀ ਪੱਤਰ ‘ਤੇ ਹਸਤਾਖਰ ਕੀਤੇ ਹਨ। ਇਸ ਸਹਿਮਤੀ ਪੱਤਰ ‘ਤੇ ਸੀਈਸੀਆਰਆਈ ਦੇ ਡਾਇਰੈਕਟਰ ਡਾ ਵਿਜੈਮੋਹਨ ਕੇ ਪਿਲੱਈ ਤੇ ਆਰਏਏਐੱਸਆਈ ਸਮੂਹ ਦੇ ਚੇਅਰਮੈਨ ਤੇ ਮੈਨੇਜਿੰਗ ਡਾਇਰੈਕਟਰ (Chairman-cum-Managing Director) ਸੀ ਨਰਸਿਮਹਨ (C. Narasimhan) ਵੱਲੋਂ ਕੇਂਦਰੀ ਵਿਗਿਆਨ ਤੇ ਟੈਕਨੋਲੋਜੀ ਮੰਤਰੀ ਡਾ ਹਰਸ਼ਵਰਧਨ ਦੀ ਹਾਜ਼ਰੀ ਵਿੱਚ ਸ਼ਨੀਵਾਰ (09 ਜੂਨ, 2018) ਨੂੰ ਬੰਗਲੁਰੂ (Bengaluru) ਵਿੱਚ ਹਸਤਾਖਰ ਕੀਤੇ ਗਏ। ਹੁਣ ਭਾਰਤੀ ਨਿਰਮਾਤਾ ਕੁਝ ਹੋਰ ਦੇਸ਼ਾਂ ਸਮੇਤ ਚੀਨ, ਜਪਾਨ ਤੇ ਦੱਖਣੀ ਕੋਰੀਆ ਨਾਲ ਲਿਥੀਅਮ-ਆਇਨ ਬੈਟਰੀਆਂ ਦਾ ਆਯਾਤ ਕਰਦਾ ਹੈ। ਭਾਰਤ ਇਸ ਦੇ ਸਭ ਤੋਂ ਵੱਡੇ ਆਯਾਤਕਾਂ ਵਿੱਚੋਂ ਇੱਕ ਹੈ ਅਤੇ 2017 ਵਿੱਚ ਇਸ ਨੇ ਲਗਭਗ 150 ਮਿਲੀਅਨ ਡਾਲਰ ਦੀਆਂ ਲਿਥੀਅਮ-ਆਇਨ ਬੈਟਰੀਆਂ ਦਾ ਆਯਾਤ ਕੀਤਾ।ਡਾ. ਹਰਸ਼ਵਰਧਨ ਨੇ ਹਸਤਾਖਰ ਸਮਾਰੋਹ ਦੀ ਸਮਾਪਤੀ ਦੇ ਬਾਅਦ ਕਿਹਾ ਕਿ,‘ ਅੱਜ ਦਾ ਘਟਨਾਕ੍ਰਮ ਹੋਰ ਖੇਤਰਾਂ ਦੇ ਇਲਾਵਾ, ਸਾਡੇ ਉਦਯੋਗ ਦੀ ਸਹਾਇਤਾ ਕਰਨ ਲਈ ਮਹੱਤਵਪੂਰਨ ਖੇਤਰਾਂ ਵਿੱਚ ਟੈਕਨੋਲੋਜੀ ਦੀ ਪੂਰਤੀ ਕਰਨ ਵਿੱਚ ਸੀਐੱਸਆਈਆਰ ਤੇ ਇਸ ਦੀਆਂ ਪ੍ਰੋਗਸ਼ਾਲਾਵਾਂ ਦੀ ਸਮਰੱਥਾ ਦਾ ਪ੍ਰਮਾਣ ਹੈ।ਉਨ੍ਹਾਂ ਕਿਹਾ ਕਿ, ‘ ਇਸ ਨਾਲ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੀਆਂ ਦੋ ਪ੍ਰਮੁੱਖ ਯੋਜਨਾਵਾਂ 2022 ਤੱਕ 175 ਗੀਗਾਵਾਟ, ਜਿਸ ਵਿੱਚ 100 ਗੀਗਾਵਾਟ ਸੌਰ ਊਰਜਾ ਹੋਵੇਗੀ, ਦੇ ਉਤਪਾਦਨ ਰਾਹੀਂ ਊਰਜਾ ਬਾਸਕੇਟ ਵਿੱਚ ਸਵੱਛ ਊਰਜਾ ਦੇ ਹਿੱਸੇ ਨੂੰ ਵਧਾਉਣਾ, ਅਤੇ ਦੂਜਾ, 2030 ਤੱਕ ਪੂਰੀ ਤਰ੍ਹਾਂ ਬਿਜਲੀ ਦੇ ਵਾਹਨਾ ਵਿੱਚ ਬਦਲ ਦੇਣ ਦੇ ਰਾਸ਼ਟਰੀ ਬਿਜਲੀ ਗਤੀਸ਼ੀਲਤਾ ਮਿਸ਼ਨ ਨੂੰ ਬੇਸ਼ੁਮਾਰ ਹੁਲਾਰਾ ਮਿਲੇਗਾ।ਡਾ ਹਰਸ਼ਵਰਧਨ ਨੇ ਕਿਹਾ ਕਿ, ‘ ਇਹ ਪ੍ਰੋਜੈਕਟ ਭਾਰਤ ਨੂੰ ਇੱਕ ਨਿਰਮਾਣ ਹੱਬ ਬਣਾਉਣ ਅਤੇ ਵਿਦੇਸ਼ੀ ਕਰੰਸੀ ਦੇ ਦੇਸ਼ ਤੋਂ ਬਾਹਰ ਜਾਣ ਵਿੱਚ ਕਮੀ ਲਿਆਉਣ ਦੇ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੇ -ਮੇਕ ਇਨ ਇੰਡੀਆ- ਦੇ ਵਿਜ਼ਨ ਦੇ ਅਨੁਰੂਪ ਹੈ। ਸ਼੍ਰੀ ਸੀ. ਨਰਸਿਮਹਨ ਨੇ ਕਿਹਾ ਕਿ, ‘ਆਰਏਏਐੱਸਆਈ ਸਮੂਹ ਬੰਗਲੁਰੂ ਦੇ ਨੇੜੇ ਤਾਮਿਲਨਾਡੂ ਦੇ ਕ੍ਰਿਸ਼ਨਾਗਿਰੀ ਜ਼ਿਲ੍ਹੇ ਵਿੱਚ ਨਿਰਮਾਣ ਸੁਵਿਧਾ ਕੇਂਦਰ ਦੀ ਸਥਾਪਨਾ ਕਰੇਗਾ।’ ਉਨ੍ਹਾਂ ਨੇ ਕਿਹਾ ਕਿ ‘ਅਸੀਂ ਲੀਡ ਐਸਿਡ ਬੈਟਰੀ ਨੂੰ ਤਬਦੀਲ ਕਰਨ ਲਈ ਬੈਟਰੀ ਨਿਰਮਾਣ ਦੀ ਲਾਗਤ ਪ੍ਰਤੀ ਕੇਡਬਲਿਊ 15000 ਰੁਪਏ ਤੋਂ ਘੱਟ ‘ਤੇ ਲਿਆਉਣਾ ਚਾਹੁੰਦੇ ਹਾਂ।’ਇਸ ਮੌਕੇ ‘ਤੇ ਸੀਐੱਸਆਈਆਰ-ਨੈਸ਼ਨਲ ਏਅਰੋਸਪੇਸ ਲੈਬੋਰੇਟ੍ਰੀਜ਼, ਬੰਗਲੁਰੂ ਦੇ ਡਾਇਰੈਕਟਰ ਡਾ ਜਿਤੇਂਦਰ ਯਾਦਵ, ਸੀਐੱਸਆਈਆਰ-4ਪੀਆਈ ਦੇ ਡਾਇਰੈਕਟਰ ਡਾ ਵਿੱਦਿਆਧਰ ਮਡਕਵੀ, ਇਸਰੋ ਉਪਗ੍ਰਹਿ ਕੇਂਦਰ, ਬੰਗਲੁਰੂ ਦੇ ਡਾਇਰੈਕਟਰ ਡਾ ਐੱਮ ਅੰਨਾਦੁੱਰਈ ਵੀ ਹਾਜ਼ਰ ਸਨ।