ਇੰਡੋ ਗਲੋਬਲ ਗਰੁੱਪ ਆਫ਼ ਕਾਲਜਿਜ ਨੂੰ ਆਈ ਕੇ ਗੁਜਰਾਲ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ ਵੱਲੋਂ ਇਕ ਵਿਸ਼ੇਸ਼ ਸਮਾਗਮ ਦੌਰਾਨ ਬੈੱਸਟ ਪਲੇਸਮੈਂਟ ਕੋਆਰਡੀਨੇਟਰ ਦੇ ਐਵਾਰਡ ਨਾਲ ਨਿਵਾਜਿਆ ਗਿਆ ਹੈ। ਇਹ ਐਵਾਰਡ ਕਾਲਜ ਦੇ ਪਲੇਸਮੈਂਟ ਅਫ਼ਸਰ ਮਿਸ ਅਭਿਲਾਸ਼ਾ ਨੇ ਮੁੱਖ ਮਹਿਮਾਨ ਅਮੁਲਿਆ ਸ਼ੁਕਲਾ, ਸੈਕਟਰੀ ਟੀ ਆਈ ਟੀ ਚੰਡੀਗੜ੍ਹ ਤੋਂ ਪੀ ਟੀ ਯੂ ਦੇ ਪਲੇਸਮੈਂਟ ਹੈੱਡ ਨਵ ਦੀਪਕ ਸੰਧੂ ਦੀ ਹਾਜ਼ਰੀ ਵਿਚ ਹਾਸਿਲ ਕੀਤਾ। ਜਦ ਕਿ ਇਸ ਮੌਕੇ ਪਿੰ੍ਰਸੀਪਲ ਡਾ. ਐੱਸ. ਪੀ. ਅਹੂਜਾ ਵੀ ਵਿਸ਼ੇਸ਼ ਤੌਰ 'ਤੇ ਹਾਜ਼ਰ ਸਨ। ਜ਼ਿਕਰਯੋਗ ਹੈ ਕਿ ਇੰਡੋ ਗਲੋਬਲ ਗਰੁੱਪ ਆਫ਼ ਕਾਲਜ ਨੂੰ ਇਹ ਐਵਾਰਡ ਉਨ੍ਹਾਂ ਵੱਲੋਂ ਪੀ. ਟੀ. ਯੂ. ਕੈਂਪਸ ਨਾਲ ਬਿਹਤਰੀਨ ਕੋਰਡੀਨੇਸ਼ਨ ਕਰਦੇ ਹੋਏ ਕੌਮਾਂਤਰੀ ਪੱਧਰ ਦੀ ਕੰਪਨੀਆਂ ਨੂੰ ਪਲੇਸਮੈਂਟ ਲਈ ਪਲੇਟਫ਼ਾਰਮ ਤਿਆਰ ਕਰਨ ਲਈ ਦਿਤਾ ਗਿਆ ਹੈ । ਇਸ ਮੌਕੇ ਇੰਡੋ ਗਲੋਬਲ ਦੇ ਪਿੰਰਸੀਪਲ ਡਾ. ਐੱਸ. ਪੀ. ਅਹੂਜਾ ਨੇ ਆਪਣੇ ਸੰਬੋਧਨ ਵਿਚ ਕਿਹਾ ਕਿ ਵਿੱਦਿਅਕ ਅਦਾਰੇ ਉਦਯੋਗਿਕ ਇਕਾਈਆਂ ਅਤੇ ਵਿਦਿਆਰਥੀਆਂ ਵਿਚ ਪੁਲ ਦਾ ਕੰਮ ਕਰਦੇ ਹੋਏ ਬਿਹਤਰੀਨ ਕਾਰਗੁਜ਼ਾਰੀ ਕਰਦੇ ਹਨ। ਜਿਸ ਨਾਲ ਉਦਯੋਗਿਕ ਇਕਾਈਆਂ ਨੂੰ ਬਿਹਤਰੀਨ ਪੇਸ਼ੇਵਾਰ ਮਿਲਦੇ ਹਨ। ਇਸੇ ਗੱਲ ਨੂੰ ਧਿਆਨ ਵਿਚ ਰੱਖਦੇ ਹੋਏ ਇੰਡੋ ਗਲੋਬਲ ਗਰੁੱਪ ਵੱਲੋਂ ਬਿਹਤਰੀਨ ਸਿੱਖਿਆਂ ਦੇ ਨਾਲ ਨਾਲ ਵਿਦਿਆਰਥੀਆਂ ਦੇ ਪਲੇਸਮੈਂਟ ਵੱਲ ਵੀ ਖ਼ਾਸ ਧਿਆਨ ਦਿਤਾ ਗਿਆ। ਜਿਸ ਸਦਕਾ ਅੱਜ ਇੰਡੋ ਗਲੋਬਲ ਨੂੰ ਪੀ ਟੀ ਯੂ ਬਿਹਤਰੀਨ ਪਲੇਸਮੈਂਟ ਕੋਰਡੀਨੇਸ਼ਨ ਲਈ ਨਿਵਾਜਿਆਂ ਗਿਆ ਹੈ। ਇੰਡੋ ਗਲੋਬਲ ਦੇ ਸੀ ਈ ਉ ਮਾਨਵ ਸਿੰਗਲਾ ਅਨੁਸਾਰ ਇੰਡੋ ਗਲੋਬਲ ਕਾਲਜਿਜ ਵੱਲੋਂ ਲਗਾਤਾਰ ਸਰਕਾਰੀ, ਕਾਰਪੋਰੇਟ ਅਤੇ ਪ੍ਰਾਈਵੇਟ ਕੌਮੀ ਅਤੇ ਕੌਮਾਂਤਰੀ ਕੰਪਨੀਆਂ ਨਾਲ ਰਾਬਤਾ ਰੱਖ ਕੇ ਬਿਹਤਰੀਨ ਪਲੇਸਮੈਂਟ ਲਈ ਹਰ ਤਰਾਂ ਦਾ ਉਪਰਾਲਾ ਕੀਤਾ ਜਾਂਦਾ ਹੈ। ਜਦ ਕਿ ਇਸ ਐਵਾਰਡ ਨਾਲ ਉਨ੍ਹਾਂ ਦੇ ਹੌਸਲੇ ਨੂੰ ਇਕ ਨਵੀਂ ਉਡਾਣ ਮਿਲੀ ਹੈ ਅਤੇ ਭਵਿਖ ਵਿਚ ਹੋਰ ਬਿਹਤਰੀਨ ਨਤੀਜੇ ਲਿਆਂਦੇ ਜਾਣਗੇ।