ਹੋਲੇ ਮਹੱਲੇ ਮੋਕੇ ਪ੍ਰਬੰਧਾਂ ਨੂੰ ਸੰਚਾਰੂ ਢੰਗ ਨਾਲ ਕਰਨ ਅਤੇ ਸ਼ਰਧਾਲੂਆਂ ਨੂੰ ਬੇਹਤਰ ਸਹੂਲਤਾਂ ਦੇ ਕੇ ਨਿਰਵਿਘਨ ਇਸਤਿਹਾਰ ਨੂੰ ਨੇਪਰੇ ਚਾੜਨ ਲਈ ਸ੍ਰੀ ਗੁਰੂ ਗੋਬਿੰਦ ਸਿੰਘ ਸਪੋਰਟਸ ਐਂਡ ਕਲਚਰਲ ਕਲੱਬ ਰਜਿ. ਸ੍ਰੀ ਅਨੰਦਪੁਰ ਸਾਹਿਬ ਵੱਲੋ ਅੱਜ ਵਿਰਾਸਤ-ਏ-ਖਾਲਸਾ ਦੇ ਆਡੀਟੋਰੀਅਮ ਵਿਚ ਡਿਪਟੀ ਕਮਿਸ਼ਨਰ ਗੁਰਨੀਤ ਤੇਜ,ਆਈ.ਏ.ਐਸ., ਜਿਲ੍ਹਾ ਪੁਲਿਸ ਮੁੱਖੀ ਰਾਜਬੱਚਨ ਸਿੰਘ ਸੰਧੂ,ਵਧੀਕ ਡਿਪਟੀ ਕਮਿਸ਼ਨਰ ਲਖਮੀਰ ਸਿੰਘ ਰਾਜਪੂਤ, ਰਕੇਸ਼ ਕੁਮਾਰ ਗਰਗ ਐਸ.ਡੀ.ਐਮ.ਸ੍ਰੀ ਅਨੰਦਪੁਰ ਸਾਹਿਬ, ਰੂਹੀ ਦੁੱਗ ਆਈ.ਏ.ਐਸ. ਐਸ.ਡੀ.ਐਮ.ਸ੍ਰੀ ਚਮਕੌਰ ਸਾਹਿਬ, ਰਮਿੰਦਰ ਸਿੰਘ ਕਾਹਲੋਂ ਡੀ.ਐਸ.ਪੀ.ਸ੍ਰੀ ਅਨੰਦਪੁਰ ਸਾਹਿਬ ਦਾ ਵਿਸੇਸ਼ ਸਨਮਾਨ ਕੀਤਾ ਗਿਆ। ਇਸ ਮੋਕੇ ਸੇਵਾ ਦੇ ਪੂੰਜ ਸੰਤ ਬਾਬਾ ਲਾਭ ਸਿੰਘ ਜੀ ਕਿਲ੍ਹਾ ਅਨੰਦਗੜ੍ਹ ਸਾਹਿਬ ਵਾਲਿਆ ਨੇ ਸਿਰੋਪਾਉ ਪਾ ਕੇ ਉਹਨਾਂ ਦਾ ਸਨਮਾਨ ਕੀਤਾ। ਇਸ ਮੋਕੇ ਡਿਪਟੀ ਕਮਿਸ਼ਨਰ ਗੁਰਨੀਤ ਤੇਜ ਨੇ ਕਿਹਾ ਕਿ ਉਸਾਰੂ ਅਤੇ ਸਾਰਥਕ ਸੋਚ ਰੱਖ ਕੇ ਸੁਰੂ ਕੀਤਾ ਕੋਈ ਵੀ ਕੰਮ ਜਦੋ ਆਪਣੇ ਅਨਜਾਮ ਤੇ ਪੁੱਜਦਾ ਹੈ ਤਾਂ ਉਸਦੇ ਨਤੀਜੇ ਸਕਾਰਆਤਮਕ ਹੀ ਹੁੰਦੇ ਹਨ ਜਦੋਂ ਹੋਲੇ ਮਹੱਲੇ ਦਾ ਤਿਉਹਾਰ ਮਨਾਉਣ ਲਈ ਅਸੀਂ ਪ੍ਰਬੰਧਾ ਦੀ ਰੂਪ ਰੇਖਾ ਤਿਆਰ ਕੀਤੀ ਤਾਂ ਉਸ ਸਮੇਂ ਅਧਿਕਾਰੀਆਂ ਦੇ ਪਿਛਲੇ ਤਜਰਬਿਆਂ ਨੂੰ ਮੱਦੇ ਨਜਰ ਰੱਖਦੇ ਹੋਏ ਪ੍ਰਬੰਧ ਕੀਤੇ। ਅਸੀਂ ਪਿਛਲੇ ਸਮੇਂ ਦੋਰਾਨ ਪ੍ਰਬੰਧਾਂ ਵਿਚ ਰਹੀਆਂ ਖਾਮੀਆਂ ਅਤੇ ਅਲੋਚਨਾਂ ਨੂੰ ਵੀ ਧਿਆਨ ਵਿਚ ਰੱਖਿਆ ਅਤੇ ਪ੍ਰਸਾਸ਼ਨ ਦੇ 3500 ਅਧਿਕਾਰੀਆਂ ਤੇ ਕਰਮਚਾਰੀਆਂ ਨੇ ਲਗਾਤਾਰ 6 ਦਿਨ ਪੂਰੀ ਮਿਹਨਤ ਤੇ ਲਗਨ ਨਾਲ ਆਪਣੀ ਡਿਊਟੀ ਨਿਭਾਈ ਜਿਸਦੇ ਨਤੀਜੇ ਅੱਜ ਸਾਡੇ ਸਾਹਮਣੇ ਹਨ। ਉਹਨਾਂ ਕਿਹਾ ਕਿ ਬੱਸ ਅੱਡੇ ਤੋਂ ਤਖਤ ਸ੍ਰੀ ਕੇਸਗੜ੍ਹ ਸਾਹਿਬ ਜਾ ਕੇ ਮੱਥਾ ਟੇਕਣ ਦੀ ਸਮੁੱਚੀ ਪ੍ਰਕੀਰਿਆਂ ਜਿਸਨੂੰ ਇਸ ਵਾਰ ਕੇਵਲ ਅੱਧਾ ਘੰਟਾ ਲੱਗਿਆ ਉਸਨੂੰ ਪਿਛਲੇ ਸਮੇਂ ਦੋਰਾਨ ਪੰਜ ਤੋ ਛੇ ਘੰਟੇ ਲੱਗਦੇ ਸਨ। ਪਾਰਕਿੰਗ ਅਤੇ ਵਾਹਨ ਮੁਕਤ ਹੋਲਾ ਮਹੱਲਾ ਵੀ ਸਾਡਾ ਇਕ ਕਾਰਗਰ ਉਪਰਾਲਾ ਸੀ।
ਉਹਨਾ ਕਿਹਾ ਕਿ ਪ੍ਰੈਸ ਵਲੋਂ ਵੀ ਉਹਨਾਂ ਦੇ ਇਸ ਉਪਰਾਲੇ ਵਿਚ ਭਰਭੂਰ ਸਹਿਯੋਗ ਦਿੱਤਾ ਗਿਆ।ਐਸ.ਐਸ.ਪੀ. ਰੂਪਨਗਰ ਸ੍ਰੀ ਰਾਜਬੱਚਨ ਸਿੰਘ ਸੰਧੂ ਨੇ ਕਿਹਾ ਕਿ ਅਸੀਂ ਪੁਲਿਸ ਅਧਿਕਾਰੀਆਂ ਅਤੇ ਕਰਮਚਾਰੀਆ ਨੂੰ ਸਰਧਾਲੂਆਂ ਨਾਲ ਮਿੱਤਰਤਾ ਵਾਲਾ ਵਿਵਹਾਰ ਰੱਖਣ, ਬਜੁਰਗਾ, ਅੋਰਤਾ ਅਤੇ ਬੱਚਿਆਂ ਲਈ ਸੇਵਾ ਦੀ ਭਾਵਨਾਂ ਨਾਲ ਡਿਊਟੀ ਕਰਨ ਦੀ ਪ੍ਰਰੇਨਾ ਦਿੱਤੀ। ਜਿਸਨਾਲ ਲੋਕਾਂ ਵਿਚ ਪੁਲਿਸ ਪ੍ਰਤੀ ਸੋਚ ਬਦਲੀ ਹੈ। ਵਧੀਕ ਡਿਪਟੀ ਕਮਿਸ਼ਨਰ ਲਖਮੀਰ ਸਿੰਘ ਰਾਜਪੂਤ ਨੇ ਕਿਹਾ ਕਿ ਮੇਲਾ ਅਫਸਰ ਅਤੇ ਸਹਾਇਕ ਮੇਲਾ ਅਫਸਰ ਸ੍ਰੀ ਰਕੇਸ਼ ਕੁਮਾਰ ਗਰਗ ਅਤੇ ਰੂਹੀ ਦੁੱਗ ਦੇ ਪਿਛਲੇ ਤਜਰਬਿਆਂ ਨੂੰ ਧਿਆਨ ਵਿਚ ਰੱਖ ਕੇ ਅਸੀਂ ਇਹ ਪ੍ਰਬੰਧ ਕੀਤੇ ਹਨ। ਕਲੱਬ ਦੇ ਪ੍ਰਧਾਨ ਹਕੀਮ ਹਰਮਿੰਦਰ ਪਾਲ ਸਿੰਘ ਮਿਨਹਾਸ ਨੇ ਕਿਹਾ ਕਿ 1999 ਵਿਚ ਹੋਏ ਪ੍ਰਬੰਧਾ ਲਈ ਅਸੀਂ ਉਸਨੂੰ ਦੇ ਅਧਿਕਾਰੀਆਂ ਦਾ ਸਨਮਾਨ ਕੀਤਾ ਸੀ ਅੱਜ ਜਿਲੇ ਦੇ ਪ੍ਰਸਾਸ਼ਨ ਤੇ ਪੁਲਿਸ ਦੇ ਅਧਿਕਾਰੀਆਂ ਨੇ ਜੋ ਹੋਲੇ ਮਹੱਲੇ ਮੋਕੇ ਪ੍ਰਬੰਧ ਕੀਤੇ ਹਨ ਉਹਨਾਂ ਤੋਂ ਲੱਖਾਂ ਸ਼ਰਧਾਲੂ ਅਤੇ ਸੰਗਤਾਂ ਹੀ ਪ੍ਰਭਾਵਿੱਤ ਨਹੀਂ ਹਨ ਸਗੋਂ ਸਥਾਨਕ ਸ਼ਹਿਰ ਵਾਸੀ ਅਤੇ ਆਲੇ ਦੁਆਲੇ ਦੇ ਪਿੰਡਾਂ ਦੇ ਲੋਕ ਵੀ ਪ੍ਰਸਾਸ਼ਨ ਦੀ ਇਸ ਬੇਹਤਰੀਨ ਕਾਰਗੁਜਾਰੀ ਦੀ ਸ਼ਲਾਘਾ ਕਰ ਰਹੇ ਹਨ। ਇਸ ਮੋਕੇ ਮੀਡਿਆ ਦੇ ਕਈ ਪੱਤਰਕਾਰਾਂ, ਸਹਾਇਕ ਲੋਕ ਸੰਪਰਕ ਅਫਸਰ ਸ੍ਰੀ ਹਰੀਸ਼ ਕਾਲੜਾ, ਐਸ.ਐਚ.ਉ. ਹਰਕੀਰਤ ਸਿੰਘ ਅਤੇ ਕੁਲਵੀਰ ਸਿੰਘ ਕੰਗ ਦਾ ਵੀ ਵਿਸੇਸ਼ ਸਨਮਾਨ ਕੀਤਾ ਗਿਆ। ਇਸ ਤੋਂ ਪਹਿਲਾਂ ਡਿਪਟੀ ਕਮਿਸ਼ਨਰ ਸ੍ਰੀਮਤੀ ਗੁਰਨੀਤ ਤੇਜ ਅਤੇ ਐਸ.ਐਸ਼.ਪੀ. ਸੀ੍ਰ ਰਾਜਬੱਚਨ ਸਿੰਘ ਸੰਧੂ ਨੇ ਪੰਜ ਪਿਆਰਾ ਪਾਰਕ ਵਿਚ ਪੌਦਾ ਲਗਾਇਆ। ਇਸ ਮੋਕੇ ਇਸ ਆਡੀਟੋਰੀਅਮ ਵਿਚ ਨਗਰ ਦੇ ਪੰਤਵੱਤੇ ਵੱਡੀ ਗਿਣਤੀ ਵਿਚ ਹਾਜਰ ਸਨ।