ਵੂਮੈੂਨ ਐਂਡ ਚਾਈਲਡ ਕੇਅਰ ਸੁਸਾਇਟੀ ਚੰਡੀਗੜ ਵਲੋਂ ਰੰਗੀਲਪੁਰ ਵਿਖੇ ਲਗਾਏ ਮੁਫਤ ਸਿਹਤ ਜਾਂਚ ਕੈਂਪ ਦਾ ਸੀਨੀਅਰ ਪੁਲਿਸ ਕਪਤਾਨ ਸ਼੍ਰੀ ਰਾਜਬਚਨ ਸਿੰਘ ਸੰਧੂ ਨੇ ਕੀਤਾ।ਇਸ ਮੌਕੇ ਸ਼੍ਰੀ ਸੰਧੂ ਨੇ ਕਿਹਾ ਕਿ ਇਸ ਪੱਛੜੇ ਇਲਾਕੇ ਵਿਚ ਪਿੰਡਾਂ ਵਿਚ ਰਹਿੰਦੇ ਲੋਕਾਂ ਲਈ ਕੈਂਪ ਲਗਾਉਣਾ ਇਕ ਚੰਗਾ ਉਪਰਾਲਾ ਹੈ ।ੳਨਾਂ ਕਿਹਾ ਕਿ ਨੂਰਪੁਰਬੇਦੀ ਵਿਖੇ ਪੀਰ ਜਿੰਦਾ ਸ਼ਹੀਦ ਸੁਸਾਇਟੀ ਵਲੋਂ ਕਈ ਸਮਾਜ ਭਲਾਈ ਦੇ ਕੰਮ ਕੀਤੇ ਜਾਂਦੇ ਹਨ ਅਤੇ ਚੰਗਾ ਹੋਵੇਗਾ ਜੇਕਰ ਇਸ ਸੰਸਥਾ ਨੂਰਪੁਰਬੇਦੀ ਵਿਖੇ ਪੀਰ ਜਿੰਦਾ ਸ਼ਹੀਦ ਦੇ ਅਸਥਾਨ ਤੇ ਵੀਰਵਾਰ ਵਾਲੇ ਦਿਨ ਵੀ ਕੈਂਪ ਦਾ ਆਯੋਜਨ ਕਰੇ ਜੋ ਕਿ ਉਸ ਇਲਾਕੇ ਦੇ ਲੋਕਾਂ ਲਈ ਬਹੁਤ ਸਹਾਈ ਸਿੱਧ ਹੋਵੇਗਾ।ਇਸ ਮੌਕੇ ਕੈਂਪ ਦੇ ਮੁੱਖ ਆਯੋਜਕ ਸ਼੍ਰੀ ਕਮਲਜੀਤ ਸਿੰਘ ਮੁੱਖ ਆਯੋਜਕ ਨੇ ਦਸਿਆ ਕਿ 19 ਅਪ੍ਰੈਲ ਨੂੰ ਨੂਰਪੁਰਬੇਦੀ ਵਿਖੇ ਵੀ ਅਜਿਹੇ ਹੀ ਕੈਂਪ ਦਾ ਆਯੋਜਨ ਕੀਤਾ ਜਾਵੇਗਾ।ਉਨਾਂ ਇਹ ਵੀ ਦਸਿਆ ਕਿ ਅੱਜ ਜਿਨਾ ਵਿਅਕਤੀਆਂ ਨੂੰ ਅੱਖਾਂ ਦੇ ਮਹਿਰਾਂ ਵਲੋਂ ਮੋਤੀਆਂ ਬਿੰਦ ਦੇ ਉਪਰੇਸ਼ਨ ਕਰਾਉਣ ਲਈ ਕਿਹਾ ਜਾਵੇਗਾ ੳਨਾਂ ਦਾ 09 ਅਪ੍ਰੈਲ ਤੋਂ 14 ਅਪ੍ਰੈਲ ਤੱਕ ਗਰੇਵਾਲ ਆਈ ਸੈਂਟਰ ਵਿਖੇ ਮੁਫਤ ਉਪ੍ਰੇਸ਼ਨ ਕੀਤੇ ਜਾਣਗੇ।ਇਸ ਮੌਕੇ ਜ਼ੈਲਦਾਰ ਸਤਵਿੰਦਰ ਸਿੰਘ ਚੈੜੀਆਂ ਨੇ ਇਸ ਸੰਸਥਾ ਵਲੋਂ ਮੁਫਤ ਕੈਂਪ ਲਗਾਉਣ ਲਈ ਵੂਮੈੂਨ ਐਂਡ ਚਾਈਲਡ ਕੇਅਰ ਸੁਸਾਇਟੀ ਦਾ ਧੰਨਵਾਦ ਕਰਦਿਆਂ ਕਿ ਪਿੰਡਾਂ ਵਿਚ ਰਹਿੰਦੇ ਲੋਕ ਜੋ ਕਿ ਸ਼ਹਿਰ ਵਿਚ ਹਸਪਤਾਲ ਵਿਚ ਚੈਕ ਅਪ ਕਰਾਉਣ ਲਈ ਜਾਦੇ ਹਨ ਪਰੰਤੂ ਲੰਬੀਆਂ ਲਾਈਨਾ ਕਰਕੇ ਨਿਰਾਸ਼ ਹੋ ਕੇ ਵਾਪਿਸ ਪਰਤਦੇ ਹਨ ਲਈ ਵੀ ਬਹੁਤ ਸਹਾਈ ਹੋਵੇਗਾ । ਇਸ ਕੈਂਪ ਦੌਰਾਨ ਅੱਖਾਂ,ਕੰਨ,ਨਕ ਅਤੇ ਗਲੇ ਦੇ ਰੋਗਾਂ ਦੇ ਮਹਿਰਾਂ ਵਲੋਂ ਮੁਫਤ ਚੈਕ ਅਪ ਕੀਤਾ ਗਿਆ ਤੇ ਮੁਫਤ ਦਵਾਈਆਂ ਵੀ ਦਿਤੀਆਂ ਗਈਆਂ ।ਇਸ ਕੈਂਪ ਦੌਰਾਨ ਹੋਰਨਾ ਤੋਂ ਇਲਾਵਾ ਜ਼ੈਲਦਾਰ ਸਤਵਿੰਦਰ ਸਿੰਘ ਚੈੜੀਆਂ,ਸ਼੍ਰੀਮਤੀ ਕਮਲਜੀਤ ਕੌਰ ਸਰਪੰਚ,ਸ਼੍ਰੀ ਮੇਹਰ ਸਿੰਘ ਸਰਪੰਚ,ਸ਼੍ਰੀ ਸਮੀਰ ਕੁਮਾਰ ਸਾਬਕਾ ਸਰਪੰਚ,ਸ਼੍ਰੀ ਰਣਬੀਰ ਸ਼ਰਮਾ,ਸ੍ਰੀ ਰਣਜੋਧ ਸਿੰਘ,ਸ਼੍ਰੀ ਜਗਤਾਰ ਸਿੰਘ ਸਾਬਕਾ ਸਰਪੰਚ ਵਿ ਹਾਜਰ ਸਨ।