ਥਾਣਾ ਮਹਿਤਾ ਦੀ ਪੁਲੀਸ ਨੂੰ ਉਸ ਵੇਲੇ ਵੱਡੀ ਸਫਲਤਾ ਮਿਲੀ ਜਦੋਂ ਬੀਤੀ 6ਮਾਰਚ ਨੂੰ ਥਾਣਾ ਮਹਿਤਾ ਅੰਦਰ ਆਉਂਦੇ ਬੁਟਰ ਕਲਾਂ ਦੇ ਵਾਸੀ ਅਵਤਾਰ ਸਿੰਘ ਪੁੱਤਰ ਅਜੀਤ ਸਿੰਘ ਦੀ ਮੋਟਰ ਵਾਲੇ ਕਮਰੇ ਵਿੱਚ ਕਿਸੇ ਔਰਤ ਦੀ ਲਾਸ਼ ਮਿਲਣ 'ਤੇ ਦਿੱਤੀ ਇਤਲਾਹ ਨੂੰ ਸੁਲਝਾਉਂਦਿਆਂ ਹੋਇਆਂ ਕਤਾਲ ਨੂੰ ਕਾਬੂ ਕਰ ਲਿਆ।ਇਸ ਸਬੰਧੀ ਡੀਐਸਪੀ ਜੰਡਿਆਲਾ ਗੁਰੂ ਗੁਰਪ੍ਰਤਾਪ ਸਿੰਘ ਸਹੋਤਾ ਨੇ ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦਿਆਂ ਹੋਇਆਂ ਕਿਹਾ ਕਿ ਬੀਤੀ ੬ਮਾਰਚ ਨੂੰ ਥਾਣਾ ਮਹਿਤਾ ਵਿੱਚ ਇਕ ਮੁਕਦਮਾਂ ਨੰਬਰ 13 ਧਾਰਾ 302, 34 ਅਵਤਾਰ ਸਿੰਘ ਪੁੱਤਰ ਅਜੀਤ ਸਿੰਘ ਦੀ ਇਤਲਾਹ 'ਤੇ ਦਰਜ ਕੀਤਾ ਗਿਆ ਸੀ।ਇਸ ਕਤਲ ਦੇ ਮਾਮਲੇ ਨੂੰ ਪੁਲੀਸ ਨੇ ਵਿਗਿਆਨਕ ਅਤੇ ਤਕਨੀਕੀ ਤਰੀਕੇ ਨਾਲ ਤਫਤੀਸ਼ ਕਰਕੇ ਦੋਸ਼ੀ ਬਲਵਿੰਦਰ ਸਿੰਘ ਵਾਸੀ ਬੁਟਰ ਸਿਵੀਆਂ ਨੂੰ ਕਾਬੂ ਕਰ ਲਿਆ।ਉਨ੍ਹਾਂ ਦੱਸਿਆ ਕਿ ਅਵਤਾਰ ਸਿੰਘ ਦੀ ਜ਼ਮੀਨ ਜੀਟੀ ਰੋਡ ਡਿਪਸ ਸਕੂਲ ਦੇ ਨੇੜੇ ਹੈ।ਉਥੇ ਹੀ ਉਸਦੀ ਮੋਟਰ ਵੀ ਹੈ ਅਤੇ ਇੱਕ ਕਮਰਾ ਬਣਿਆ ਹੋਇਆ ਹੈ। ਇਸ ਜਗ੍ਹਾ 'ਤੇ ਲੱਗਾ ਬਿਜਲੀ ਦਾ ਟਰਾਂਸਫਰਮਰ ਖਰਾਬ ਹੋਣ ਕਾਰਨ ਉਸਨੇ ਨਿੱਜੀ ਬਿਜਲੀ ਠੀਕ ਕਰਨ ਵਾਲੇ ਕਰਮਚਾਰੀ ਬੁਲਾ ਕਿ ਟਰਾਂਸਫਰਮਰ ਠੀਕ ਕਰਵਾ ਕਿ ਆਪਣੀ ਮੋਟਰ ਵਾਲੇ ਕਮਰੇ ਵਿੱਚ ਤਾਰਾਂ ਲਗਾਉਣ ਵਾਸਤੇ ਗਿਆ ਤਾਂ ਕਮਰੇ ਦਾ ਦਰਵਾਜ਼ਾ ਖੋਲਦਿਆਂ ਵੇਖਿਆ ਕਿ ਕਮਰੇ ਵਿੱਚ ਇਕ ਔਰਤ ਦੀ ਲਾਸ਼ ਨਗਨ ਹਾਲਤ ਵਿੱਚ ਪਈ ਸੀ ਅਤੇ ਉਸਦੇ ਗੱਲ ਵਿੱਚ ਰੱਸੀ ਪਈ ਹੋਈ ਸੀ।ਇਸ ਬਾਰੇ ਉਸਨੇ ਆਪਣੇ ਪਿੰਡ ਦੇ ਸੈਕਟਰੀ ਸੁਰਿੰਦਰ ਸਿੰਘ ਅਤੇ ਪ੍ਰਗਟ ਸਿੰਘ ਮੈਂਬਰ ਨੂੰ ਨਾਲ ਲੈ ਕਿ ਪੁਲੀਸ ਥਾਣਾ ਮਹਿਤਾ ਵਿਖੇ ਇਤਲਾਹ ਦਿੱਤੀ।ਇਸ ਬਾਰੇ ਐਸਐਚਉ ਅਮਨਦੀਪ ਸਿੰਘ ਨੇ ਆਪਣੇ ਉਚ ਅਧਿਕਾਰੀਆਂ ਨੂੰ ਸੂਚਿਤ ਕਰਕੇ ਮੌਕੇ 'ਤੇ ਪੁਲੀਸ ਪਾਰਟੀ ਨਾਲ ਪਹੁੰਚੇ।ਇਸ ਸਬੰਧੀ ਉਚ ਅਧਿਕਾਰੀਆਂ ਵਲੋਂ ਵੀ ਮੌਕੇ ਦਾ ਮੁਆਇਨਾ ਕਰਕੇ ਦਿਸ਼ਾ ਨਿਰਦੇਸ਼ ਜਾਰੀ ਕੀਤੇ।ਜਾਂਚ ਦੌਰਾਨ ਬਲਵਿੰਦਰ ਸਿੰਘ ਬਿਲੂ ਪੁਤਰ ਦਲੀਪ ਸਿੰਘ ਨੂੰ ਸ਼ੱਕ ਦੇ ਅਦਾਰ 'ਤੇ ਕਾਬੂ ਕਰਕੇ ਪੁੱਛ-ਗਿੱਛ ਕੀਤੀ ਤਾਂ ਇਸ ਨੇ ਦੱਸਿਆ ਕਿ ਕਰੀਬ ਇੱਕ ਮਹੀਨਾ ਪਹਿਲਾਂ ਤੋਂ ਅਮਰਜੀਤ ਕੌਰ ਪਤਨੀ ਅਵਤਾਰ ਸਿੰਘ ਕੌਮ ਮੱਜਬ੍ਹੀ ਸਿੱਖ 45 ਸਾਲਾ ਨਾਲ ਉਸਦੇ ਨਜਾਇਜ਼ ਸਬੰਧ ਸਨ। ਉਹ ਅਮਰਜੀਤ ਕੌਰ ਨੂੰ ਮਿਲਣ ਵਾਸਤੇ ੫ਮਾਰਚ ਨੂੰ ਅਵਤਾਰ ਸਿੰਘ ਦੀ ਮੋਟਰ 'ਤੇ ਲੈ ਗਿਆ।ਜਿੱਥੇ ਉਨ੍ਹਾਂ ਦੋਨਾਂ ਵਿਚ ਕਿਸੇ ਗੱਲ ਤੋਂ ਝਗੜਾ ਹੋ ਗਿਆ ਅਤੇ ਤੈਸ਼ ਵਿੱਚ ਆ ਕਿ ਉਸਨੇ ਰੱਸੀ ਨਾਲ ਅਮਰਜੀਤ ਕੌਰ ਦਾ ਗੱਲ ਘੁਟ ਕਿ ਮਾਰ ਦਿੱਤਾ।ਪੁੱਛ-ਗਿੱਛ ਦੌਰਾਨ ਦੋਸ਼ੀ ਨੇ ਅਮਰਜੀਤ ਕੌਰ ਦੇ ਕੱਪੜੇ ਬ੍ਰਾਮਦ ਕਰਵਾਏ।ਦੋਸ਼ੀ ਨੂੰ ਅਦਾਲਤ ਵਿੱਚ ਪੇਸ਼ ਕਰ ਕਰਕੇ ਰਿਮਾਂਡ ਹਾਸਲ ਕੀਤਾ ਜਾਵੇਗਾ ਅਤੇ ਮਾਮਲੇ ਦੀ ਡੂੰਘਾਈ ਨਾਲ ਤਫਤੀਸ਼ ਕੀਤੀ ਜਾਵੇਗੀ।