ਦੇਸ਼ ਦੀ ਪ੍ਰਮੁੱਖ ਜਨਰਲ ਇੰਸ਼ੋਰੈਂਸ ਕੰਪਨੀ ਯੂਨਾਈਟਡ ਇੰਡੀਆ ਨੇ ਦੇਸ਼ ਦੇ ਅਨੇਕਾਂ ਰਾਜਾਂ ਵਿਚ ਪਿੰਡਾਂ ਤੇ ਸਕੂਲਾਂ ਨੂੰ ਅਡਾਪਟ ਕਰਨ ਦੀ ਲੜੀ ਨੂੰ ਜਾਰੀ ਰੱਖਦੇ ਹੋਏ ਅੱਜ ਅੰਤਰ ਰਾਸ਼ਟਰੀ ਹਿੰਦ-ਪਾਕਿ ਸਰਹੱਦ ਕੰਡੇ ਵਸੇ ਪਿੰਡ ਕਰੀਆਂ ਪਹਿਲਵਾਨ ਦੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਨੂੰ ਅਡਾਪਟ ਕਰਦੇ ਹੋਏ ਉੱਥੋਂ ਦੇ ਵਿਦਿਆਰਥੀਆਂ ਨੂੰ ਸਿੱਖਿਆ ਨਾਲ ਸੰਬੰਧਿਤ ਮੁੱਢਲੀਆਂ ਸਹੂਲਤਾਂ ਉਪਲਬਧ ਕਰਵਾ ਕੇ ਇੱਕ ਮਿਸਾਲ ਕਾਇਮ ਕੀਤੀ ਹੈ। ਕੰਪਨੀ ਦੇ ਮੁੱਖ ਖੇਤਰੀ ਪ੍ਰਬੰਧਕ ਅੰਗਰੂਪ ਸੋਨਮ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਪਤਾ ਲੱਗਾ ਸੀ ਕਿ ਇਸ ਸਕੂਲ ਵਿਚ ਆਸਪਾਸ ਦੇ 15 ਪਿੰਡਾਂ ਦੇ ਕਰੀਬ 700 ਬੱਚੇ ਪੜ੍ਹਣ ਲਈ ਆਉਂਦੇ ਹਨ ਅਤੇ ਬੇਹੱਦ ਮਿਹਨਤੀ ਹਨ ਪਰ ਉਨ੍ਹਾਂ ਨੂੰ ਜ਼ਰੂਰਤ ਅਨੁਸਾਰ ਸਮਾਨ ਨਹੀਂ ਮਿਲ ਰਿਹਾ। ਜਿਸ ਕਾਰਨ ਕੰਪਨੀ ਨੇ ਇਸ ਸਕੂਲ ਨੂੰ ਅਡਾਪਟ ਕਰਨ ਦਾ ਫ਼ੈਸਲਾ ਲੈਂਦੇ ਹੋਏ ਸੀ.ਐਸ.ਆਰ. ਐਕਟੀਵਿਟੀ ਅਧੀਨ ਸਕੂਲ ਨੂੰ ਵਾਟਰ ਕੂਲਰ, ਆਰ.ਓ. ਪਿਓਰੀਫਾਇਰ, 30 ਬੈਂਚ, 10 ਕੰਪਿਊਟਰ ਸੈਟ ਸਮੇਤ ਟੇਬਲ ਅਤੇ ਚੇਅਰ, 20 ਪੱਖੇ ਛੱਤ ਵਾਲੇ ਤੇ ਜਮਾਤਾਂ ਲਈ ਵਾਈਟ ਤੇ ਬਲੈਕ ਬੋਰਡ ਆਦਿ ਸਮਾਨ ਦਿੱਤਾ ਗਿਆ।ਇਸ ਮੌਕੇ ਆਯੋਜਿਤ ਸਾਦੇ ਸਮਾਗਮ ਵਿਚ ਕੰਪਨੀ ਦੇ ਖੇਤਰੀ ਪ੍ਰਬੰਧਕ ਓ.ਪੀ. ਬਿਬਿਆਨ, ਡਵੀਜ਼ਨਲ ਮੈਨੇਜਰ ਰਮੇਸ਼ ਗੋਇਲ, ਡਿਪਟੀ ਮੈਨੇਜਰ ਊਸ਼ਾ ਗਰੋਵਰ ਨੇ ਹਿੱਸਾ ਲਿਆ ਜਦਕਿ ਜ਼ਿਲ੍ਹਾ ਸਿੱਖਿਆ ਅਧਿਕਾਰੀ ਨੇਕ ਸਿੰਘ ਘਾਲਾ ਮੁੱਖ ਮਹਿਮਾਨ ਵਜੋਂ ਸ਼ਾਮਲ ਹੋਏ।ਮੁੱਖ ਖੇਤਰੀ ਪ੍ਰਬੰਧਕ ਅੰਗਰੂਪ ਸੋਨਮ ਨੇ ਕਿਹਾ ਕਿ ਯੁਨਾਈਟਡ ਇੰਡੀਆ ਇੰਸ਼ੋਰੈਂਸ ਕੰਪਨੀ ਹੁਣ ਤੱਕ 100 ਪਿੰਡਾਂ ਅਤੇ 260 ਸਕੂਲਾਂ ਨੂੰ ਅਡਾਪਟ ਕਰ ਚੁੱਕੀ ਹੈ ਅਤੇ ਇਹ ਦੇਸ਼ ਦੀ ਪ੍ਰਮੁੱਖ ਇੰਸ਼ੋਰੈਂਸ ਕੰਪਨੀਆਂ ਵਿਚ ਆਉਂਦੀ ਹੈ। ਅਧਿਕਾਰੀਆਂ ਨੇ ਕੰਪਨੀ ਦੁਆਰਾ ਚਲਾਈਆਂ ਜਾ ਰਹੀਆਂ ਸੀ.ਆਰ.ਐਸ ਐਕਟੀਵੀਟਜ਼ ਦੀ ਜਾਣਕਾਰੀ ਦਿੱਤੀ ਤੇ ਦੇਸ਼ ਵਿਚ ਇੰਸ਼ੋਰੈਂਸ ਸੈਕਟਰ ਵਿਚ ਦਿੱਤੀਆਂ ਜਾ ਰਹੀਆਂ ਸੇਵਾਵਾਂ ਦਾ ਸੰਖੇਪ ਬਿਉਰਾ ਪੇਸ਼ ਕੀਤਾ। ਸਮਾਗਮ ਵਿਚ ਸਕੂਲ ਦੇ ਬੱਚਿਆਂ ਦੇ ਵਿਚਕਾਰ ਇੰਸ਼ੋਰੈਂਸ ਸੈਕਟਰ ਸਬੰਧੀ ਕੁਇਜ਼ ਮੁਕਾਬਲੇ ਕਰਵਾਏ ਗਏ ਤੇ ਇਨ੍ਹਾਂ ਮੁਬਲਿਆਂ ਦੇ ਜੇਤੂਆਂ ਤੋਂ ਇਲਾਵਾ ਸਕੂਲ ਦੇ ਹੋਰ ਪ੍ਰਤਿਭਾਵਾਨ ਵਿਦਿਆਰਥੀਆਂ ਨੂੰ ਸਨਮਾਨਿਤ ਕੀਤਾ ਗਿਆ।ਜ਼ਿਲ੍ਹਾ ਸਿੱਖਿਆ ਅਧਿਕਾਰੀ ਨੇਕ ਸਿੰਘ ਘਾਲਾ ਅਤੇ ਸਕੂਲ ਪ੍ਰਿੰਸੀਪਲ ਸ਼੍ਰੀਮਤੀ ਸੁਨੀਤਾ ਨੇ ਕੰਪਨੀ ਵੱਲੋਂ ਸਕੂਲ ਤੇ ਬੱਚਿਆਂ ਨੂੰ ਦਿੱਤੇ ਗਏ ਸਹਿਯੋਗ ਦੇ ਲਈ ਕੰਪਨੀ ਦਾ ਧੰਨਵਾਦ ਕੀਤਾ। ਸਕੂਲ ਦੇ ਵਿਦਿਆਰਥੀਆਂ ਵੱਲੋਂ ਸਭਿਆਚਾਰਕ ਪ੍ਰੋਗਰਾਮ ਪੇਸ਼ ਕੀਤਾ ਗਿਆ। ਕੰਪਨੀ ਦੇ ਬਰਾਂਚ ਮੈਨੇਜਰ ਅਜੈ ਗੋਇਲ ਨੇ ਇਸ ਅਡਾਪਟ ਪ੍ਰੋਗਰਾਮ ਨੂੰ ਸਫਲ ਬਣਾਉਣ ਲਈ ਸਿੱਖਿਆ ਵਿਭਾਗ ਦੇ ਅਧਿਕਾਰੀਆਂ, ਸਕੂਲ ਪ੍ਰਿੰਸੀਪਲ, ਸਟਾਫ਼ ਤੇ ਸਕੂਲ ਪ੍ਰਬੰਧਕ ਕਮੇਟੀ ਦੇ ਮੈਂਬਰਾਂ ਦਾ ਧੰਨਵਾਦ ਕੀਤਾ ਤੇ ਸਮੇਂ ਸਮੇਂ ਤੇ ਕੰਪਨੀ ਵੱਲੋਂ ਸਹਿਯੋਗ ਦੇਣ ਦਾ ਵਿਸ਼ਵਾਸ ਦਿੱਤਾ।