ਕੁਲਦੀਪ ਸਿੰਘ ਚਾਹਲ, ਆਈ.ਪੀ.ਐਸ, ਸੀਨੀਅਰ ਕਪਤਾਨ ਪੁਲਿਸ, ਐਸ.ਏ.ਐਸ.ਨਗਰ ਦੀਆਂ ਹਦਾਇਤਾਂ ਅਨੁਸਾਰ ਹਰਬੀਰ ਸਿੰਘ ਅਟਵਾਲ, ਪੀਪੀਐਸ, ਕਪਤਾਨ ਪੁਲਿਸ (ਤਫਤੀਸ਼) ਮੋਹਾਲੀ ਦੀ ਨਿਗਰਾਨੀ ਹੇਠ ਇੰਸਪੈਕਟਰ ਲਖਵਿੰਦਰ ਸਿੰਘ ਇੰਚਾਰਜ ਆਰਥਿਕ ਅਪਰਾਧ ਸ਼ਾਖਾ(ਤਫਤੀਸ਼) ਦੀ ਸਰਪ੍ਰਸਤੀ ਹੇਠ ਏ ਐਸ ਆਈ ਓਂਕਾਰ ਸਿੰਘ ਨੇ ਸਮੇਤ ਪੁਲਿਸ ਪਾਰਟੀ ਦੇ ਮੁਕਦਮਾ ਨੰਬਰ 66 ਮਿਤੀ 30-03-2017 ਅ/ਧ 406, 419, 420, 465, 467,468, 471, 120ਬੀ ਆਈ ਪੀ ਸੀ ਥਾਣਾ ਸਿਟੀ ਖਰੜ ਜਿਲ੍ਹਾ ਐਸ ਏ ਐਸ ਨਗਰ ਦੇ ਦੋਸੀ ਰਾਜੇਸ ਖੰਨਾ ਪੁੱਤਰ ਸੱਤ ਪ੍ਰਕਾਸ ਖੰਨਾ ਵਾਸੀ ਮਕਾਨ ਨੰਬਰ 3566 ਬਸਤੀ ਸੇਖ ਜਲੰਧਰ ਹਾਲ ਵਾਸੀ ਮਕਾਨ ਨੰਬਰ 1112 ਸੈਕਟਰ 12 ਏ ਪੰਚਕੂਲਾ ਹਰਿਆਣਾ ਨੂੰ ਹਸਬ ਜਾਬਤਾ ਗ੍ਰਿਫਤਾਰ ਕੀਤਾ ਗਿਆ ਹੈ। ਦੋਸੀ ਰਾਜੇਸ ਖੰਨਾ ਸਤੰਬਰ 2012 ਤੋਂ ਨਵੰਬਰ 2013 ਤੱਕ ਯੂਕੋ ਬੈਂਕ ਖਰੜ ਵਿੱਚ ਬਤੌਰ ਸੀਨੀਅਰ ਬਰਾਂਚ ਮੈਨੇਜਰ ਤਾਇਨਾਤ ਰਿਹਾ ਹੈ। ਜਿਸ ਨੇ ਆਪਣੀ ਤਾਇਨਾਤੀ ਦੋਰਾਨ ਆਪਣੇ ਏਜੰਟਾਂ ਦਵਿੰਦਰ ਕੁਮਾਰ ਵਾਸੀ ਪੰਚਕੂਲਾ, ਕਰਨਵੀਰ ਸਿੰਘ ਵਾਸੀ ਖਰੜ ਅਤੇ ਵਿਵੇਕ ਕੁਮਾਰ ਵਾਸੀ ਨਵਾਂ ਗਰਾਂਓ ਨਾਲ ਮਿਲੀ ਭੁਗਤ ਕਰਕੇ ਆਮ ਪਬਲਿਕ ਦੇ ਭੋਲੇ ਭਾਲੇ ਵਿਅਕਤੀਆਂ ਨੂੰ ਪਰਸਨਲ ਜਾਂ ਵਹੀਕਲ ਲੋਨ ਦਿਵਾਉਣ ਦਾ ਝਾਸਾਂ ਦੇ ਕੇ ਤੇ ਉਨਾਂ ਵਿਅਕਤਆਂ ਦੇ ਰਿਹਾਇਸ਼ੀ ਪਰੂਫ ਹਾਸਲ ਕਰਕੇ ਲੋਨ ਪਾਸ ਨਹੀ ਹੋਣ ਬਾਰੇ ਕਹਿ ਦਿੰਦੇ ਸੀ ਤੇ ਉਨਾਂ ਰਿਹਾਇਸੀ ਪਰੂਫਾਂ ਨਾਲ ਬਾਕੀ ਜਾਅਲੀ ਕਾਗਜਾਤ (ਜਾਅਲੀ ਆਈ ਟੀ ਆਰ, ਜਾਅਲੀ ਕੁਟੇਸ਼ਨ, ਜਾਅਲੀ ਇੰਸੋਰੈਸ, ਜਾਅਲੀ ਆਰਜੀ ਵਹੀਕਲ ਨੰਬਰ) ਤਿਆਰ ਕਰਕੇ ਕੁੱਲ 28 ਵਹੀਕਲ ਲੋਨ ਪਾਸ ਕਰਕੇ ਅਤੇ ਵੱਖ -2 ਬੈਕਾਂ ਵਿੱਚ ਮਹਾਂਵੀਰ ਆਟੋ ਮੋਬਾਇਲ ਪਿੰਡ ਤੇ ਡਾਕ ਭੰਗਰੋਟੂ, ਮੰਡੀ (ਹਿਮਾਚਲ) ਹਿਮਗਿਰੀ ਹਿਊਡਈ ਫੇਜ਼-9 ਐਸ.ਏ.ਐਸ. ਨਗਰ, ਕ੍ਰਿਸ਼ਨਾਂ ਆਟੋ ਜੋਨ ਇੰਡਸਟਰੀਅਲ ਏਰੀਆ ਚੰਡੀਗੜ੍ਹ, ਪਾਇਨਰ ਟੋਓਇਟਾ, ਅਥਰਾਈਜਡ ਡੀਲਰ ਈ.ਐਮ.ਐਮ, ਪੀ ਮੋਟਰ ਲਿਮ: ਇੰਡਸਟਰੀਅਲ ਏਰੀਆ ਫੇਜ਼ 1 ਚੰਡੀਗੜ੍ਹ, ਟਰਾਈਸਿਟੀ ਆਟੋਜ਼, ਮਾਰਤੀ ਸੰਜੂਕੀ ਜੀਰਕਪੁਰ, ਏ.ਬੀ.ਆਟੋਮੋਬਾਇਲਜ਼ ਇੰਡਸਟਰੀਅਲ ਫੇਜ਼-7, ਐਸ.ਏ.ਐਸ. ਨਗਰ ਅਤੇ ਏ.ਬੀ. ਆਟੋ ਮੋਬਾਇਲਜ਼, ਇੰਡਸਟਰੀਅਲ ਏਰੀਆ ਫੇਜ਼ 2 ਚੰਡੀਗੜ੍ਹ ਵੱਖ ਵੱਖ ਕੰਪਨੀਆਂ ਦੇ ਨਾਮ ਤੇ ਜਾਅਲੀ ਖਾਤੇ ਖੁਲਵਾ ਕੇ ਅਤੇ ਉਨ੍ਹਾਂ ਖਾਤਿਆਂ ਵਿਚ ਡਰਾਫਟਾਂ ਨੂੰ ਜਮ੍ਹਾਂ ਕਰਵਾਕੇ ਅਤੇ ਉਨ੍ਹਾਂ ਜਾਅਲੀ ਖਾਤਿਆਂ ਵਿਚੋਂ ਰਕਮ ਡਰਾਅ ਕਰਵਾਕੇ 03 ਕਰੋੜ 58 ਲੱਖ 68 ਹਜ਼ਾਰ ਰੁਪਏ ਦੀ ਠੱਗੀ ਮਾਰੀ ਹੈ। ਦੋਸੀ ਰਾਜੇਸ ਖੰਨਾ ਨੇ ਆਪਣੀ ਤਾਇਨਾਤੀ ਦੋਰਾਨ ਕੁੱਲ 113 ਵਹੀਕਲ ਲੋਨ ਪਾਸ ਕੀਤੇ ਸਨ। ਜਿਨ੍ਹਾਂ ਸਬੰਧੀ ਵੀ ਤਫਤੀਸ਼ ਕੀਤੀ ਜਾ ਰਹੀ ਹੈ। ਜਦੋਂ ਕਿ ਬੈਂਕ ਦਾ ਪਿਛਲੇ ਪੰਜ ਸਾਲਾਂ ਦੇ ਰਿਕਾਰਡ ਨੂੰ ਚੈੱਕ ਕਰਨ ਤੋਂ ਪਾਇਆ ਗਿਆ ਕਿ ਯੂ ਕੋ ਬੈਂਕ ਬਰਾਂਚ ਖਰੜ ਵੱਲੋਂ ਇੱਕ ਸਾਲ ਵਿੱਚ ਤਿੰਨ ਤੋਂ ਵੱਧ ਲੋਨ ਪਾਸ ਨਹੀ ਕੀਤੇ ਗਏ ਹਨ। ਦੋਸੀ ਰਾਜੇਸ ਖੰਨਾ ਪਾਸੋਂ ਪੁੱਛਗਿਛ ਜਾਰੀ ਹੈ। ਜੋ ਹੋਰ ਸੁਰਾਗ ਲੱਗਣ ਦੀ ਉਮੀਦ ਹੈ। ਬਾਕੀ ਦੋਸ਼ੀਆਂ ਦੀ ਤਲਾਸ ਜਾਰੀ ਹੈ।