ਗਿਆਨ ਜੋਤੀ ਗਰੁੱਪ ਆਫ਼ ਇੰਸਚਿਟਿਊਸ਼ਨਜ਼ ਵਲੋਂ ਭਾਰਤ ਦੇ ਲੋਹ ਪੁਰਸ਼ ਮੰਨੇ ਜਾਂਦੇ ਸਰਦਾਰ ਵੱਲਭ ਭਾਈ ਪਟੇਲ ਨੂੰ ਸ਼ਰਧਾਜਲੀ ਦਿੰਦੇ ਹੋਏ ਕੈਂਪਸ ਵਿਚ ਭਾਸ਼ਣ ਮੁਕਾਬਲਿਆਂ ਦਾ ਆਯੋਜਨ ਕੀਤਾ ਗਿਆ। ਇਨਾਂ ਮੁਕਾਬਲਿਆਂ ਵਿਚ ਵਿਦਿਆਰਥੀਆਂ ਨੇ ਹਿੱਸਾ ਲੈਂਦੇ ਹੋਏ ਸਖਤ ਮੁਕਾਬਲਾ ਦਿਤਾ। ਇਕ ਪਾਸੇ ਜਿਥੇ ਲਗਭਗ ਸਾਰੇ ਵਿਦਿਆਰਥੀਆਂ ਨੇ ਬਹੁਤ ਚੰਗਾ ਪ੍ਰਦਸ਼ਨ ਕੀਤਾ । ਇਨਾਂ ਮੁਕਾਬਲਿਆਂ 'ਚ ਹਿੱਸਾ ਲੈਣ ਵਾਲੇ ਸਾਰੇ ਵਿਦਿਆਰਥੀਆਂ ਦੀ ਮਿਹਨਤ ਦੀ ਸਰਾਹਨਾ ਕਰਦੇ ਹੋਏ ਗਿਆਨ ਜੋਤੀ ਗਰੁੱਪ ਦੇ ਚੇਅਰਮੈਨ ਜੇ ਐੱਸ ਬੇਦੀ ਨੇ ਕਿਹਾ ਕਿ ੧੬੦੦ ਭਾਸ਼ਾਵਾਂ, ੬੪੦੦ ਤੋਂ ਵੀ ਜ਼ਿਆਦਾ ਜਾਤਾਂ ਅਤੇ ੫੦੦ ਤੋਂ ਵੀ ਜ਼ਿਆਦਾ ਰਾਜਾਂ ਵਿਚ ਵੰਡੇ ਆਜ਼ਾਦੀ ਸਮੇਂ ਦੇ ਖਿੱਡ ਰਹੇ ਭਾਰਤ ਨੂੰ ਜੋੜਨ ਲਈ ਜੋ ਮਿਹਨਤ ਸਰਦਾਰ ਪਟੇਲ ਨੇ ਕੀਤੀ ਉਹ ਆਪਣੇ ਆਪ ਵਿਚ ਇਕ ਮਿਸਾਲ ਹੈ। ਉਨਾਂ ਕਿਹਾ ਕਿ ਅੱਜ ਅਸੀਂ ਜੇਕਰ ਭਾਰਤ ਵਿਚ ਧਰਮਨਿਰਪੱਖ,ਜਾਤ¸ਪਾਤ ਵੰਡ ਮੁਕਤ ਦੇਸ਼ ਅਤੇ ਭਾਰਤ ਜਿਹੇ ਗਣਤੰਤਰ ਵਿਚ ਆਜ਼ਾਦੀ ਨਾਲ ਜੀ ਰਹੇ ਹਾਂ ਤਾਂ ਇਸ ਲਈ ਸਾਨੂੰ ਸਰਦਾਰ ਪਟੇਲ ਦਾ ਰਿਣੀ ਹੋਣਾ ਚਾਹੀਦਾ ਹੈ। ਉਨਾਂ ਅੱਗੇ ਜਾਣਕਾਰੀ ਸਾਂਝੀ ਕਰਦੇ ਹੋਏ ਕਿਹਾ ਕਿ ਵਿਦਿਆਰਥੀਆਂ ਨਾਲ ਸਰਦਾਰ ਪਟੇਲ ਦੀ ਅਗਵਾਈ ਵਿਚ ਸ਼ੁਰੂ ਹੋਏ ਭਾਰਤ ਛੱਡੋਂ ਅੰਦੋਲਨ ਅਤੇ ਉਨਾਂ ਦੇ ਦੇਸ਼ ਦੀ ਆਜ਼ਾਦੀ ਦੇ ਯੋਗਦਾਨ ਨੂੰ ਵੀ ਸਾਂਝਾ ਕੀਤਾ।