ਇੰਡੋ ਗਲੋਬਲ ਗਰੁੱਪ ਆਫ਼ ਕਾਲਜਿਜ਼ ਦੇ ਮਕੈਨੀਕਲ ਵਿਭਾਗ ਦੇ ਵਿਦਿਆਰਥੀਆਂ ਅਨੁਰੱਧ ਮਿੱਤਰਾ, ਵਿਕਾਸ,ਤਨਵੀਰ ਵਿਰਦੀ ਅਤੇ ਸੈਮਕੇਟ ਬਾਂਸਲ ਨੇ ਇਕ ਅਜਿਹੀ ਰੈਬੋਟਿਕਸ ਬਾਂਹ ਤਿਆਰ ਕੀਤੀ ਹੈ। ਜਿਸ ਦੀ ਵਰਤੋਂ ਨਾਲ ਭਾਰੀਆਂ ਵਸਤਾਂ ਆਸਨੀ ਨਾਲ ਚੁੱਕੀਆਂ ਜਾ ਸਕਦੀ ਹਨ। ਇਨਾ ਵਿਦਿਆਰਥੀਆਂ ਨੇ ਇਸ ਰੋਬੋਟ ਹੱਥ ਸਬੰਧੀ ਜਾਣਕਾਰੀ ਸਾਂਝੀ ਕਰਦੇ ਹੋਏ ਦੱਸਿਆਂ ਕਿ ਇਸ ਮਸ਼ੀਨ ਨੂੰ ਬਿਨਾਂ ਬਿਜਲੀ ਜਾਂ ਬੈਟਰੀ ਦੇ ਤਰੀਕੇ ਨਾਲ ਚਲਾਇਆਂ ਜਾ ਸਕਦਾ ਹੈ, ਜਦ ਕਿ ਇਸ ਦੀ ਕੀਮਤ ਵੀ ਬਾਜ਼ਾਰ ਤੋਂ ਕਿਤੇ ਘੱਟ ਹੈ। ਇਨ੍ਹਾਂ ਵਿਦਿਆਰਥੀਆਂ ਨੇ ਮਸ਼ੀਨ ਦਾ ਛੋਟਾ ਮਾਡਲ ਪੇਸ਼ ਕਰਦੇ ਹੋਏ ਦੱਸਿਆਂ ਕਿ ਮਸ਼ੀਨ ਨਾਲ ਜੁੜੀਆਂ ਪਾਈਪਾਂ ਵਿਚ ਫਲੂਡ ਭਰ ਕੇ ਹਾਈਡ੍ਰੋਕਿਲ ਤਰੀਕੇ ਨਾਲ ਇਸ ਨੂੰ ਬਣਾਇਆਂ ਗਿਆ ਹੈ। ਜਿਸ ਵਿਚ ਸੈਮੀ ਆਟੋਮੈਟਿਕ, ਲਚਕੀਲਾ, ਘੱਟ ਲਾਗਤ,ਵਰਤੋਂ ਵਿਚ ਆਸਾਨ ਅਤੇ ਲੋੜ ਅਨੁਸਾਰ ਝੁਕ ਸਕਣ ਜਿਹੇ ਕਈ ਫ਼ਾਇਦੇ ਹਨ। ਕਿਉਂਕਿ ਇਹ ਗੀਅਰਜ਼,ਕੰਮ ਅਤੇ ਲੀਵਰ ਦੇ ਗੁੰਝਲਦਾਰ ਪ੍ਰਣਾਲੀਆਂ ਦੀ ਲੋੜ ਨੂੰ ਖ਼ਤਮ ਕਰਦੇ ਹਨ। ਇਸ ਲਈ ਮੋਸ਼ਨ ਨੂੰ ਠੋਸ ਮਸ਼ੀਨ ਅੰਗਾਂ ਦੀ ਵਰਤੋਂ ਵਿਚ ਸੁਸਤ ਹੋਣ ਤੋਂ ਬਿਨਾਂ ਟਰਾਂਸਮੀਟਰ ਲਗਾਇਆਂ ਜਾ ਸਕਦਾ ਹੈ।
ਇੰਡੋ ਗਲੋਬਲ ਗਰੁੱਪ ਦੇ ਸੀ ਈ À ਮਾਨਵ ਸਿੰਗਲਾ ਨੇ ਜਾਣਕਾਰੀ ਸਾਂਝੀ ਕਰਦੇ ਹੋਏ ਦੱਸਿਆਂ ਕਿ ਇਸ ਮਸ਼ੀਨ ਦੀ ਸਫਲਤਾ ਪੂਰਵਕ ਪਰਖ ਹੋ ਚੁੱਕੀ ਹੈ। ਜਿਸ ਦੀ ਸਹਾਇਤਾ ਨਾਲ ਹਲਕੇ ਭਾਰ ਚੁੱਕਣ ਲਈ ਵਰਤੋਂ ਹੋ ਸਕਦੀ ਹੈ। ਜਦ ਕਿ ਇਸ ਮਸ਼ੀਨ ਦੇ ਜੋੜੇ ਜ਼ਰੂਰਤ ਅਨੁਸਾਰ ਬਦਲਦੇ ਹੋਏ ਕਿਸੇ ਵੀ ਹਲਕੇ ਕੰਮ ਦੀ ਵਰਤੋਂ ਲਈ ਕੀਤੀ ਜਾ ਸਕਦੀ ਹੈ। ਇੰਡੋ ਗਲੋਬਲ ਗਰੁੱਪ ਦੇ ਚੇਅਰਮੈਨ ਸੁਖਦੇਵ ਸਿੰਗਲਾ ਨੇ ਜਾਣਕਾਰੀ ਸਾਂਝੀ ਕਰਦੇ ਹੋਏ ਦੱਸਿਆਂ ਕਿ ਉਨ੍ਹਾਂ ਵੱਲੋਂ ਸਦਾ ਵਿਦਿਆਰਥੀਆਂ ਨੂੰ ਕੁੱਝ ਨਵਾਂ ਕਰਨ ਦੀ ਪ੍ਰੇਰਨਾ ਦਿਤੀ ਜਾਂਦੀ ਹੈ। ਕਿਸੇ ਵੀ ਨਵੇਂ ਪ੍ਰੋਜੈਕਟਰ ਬਣਾਉਣ ਲਈ ਇਸ ਸਬੰਧੀ ਹਰ ਗਾਈਡ ਲਾਈਨ ਵੀ ਸਟਾਫ਼ ਵੱਲੋਂ ਦਿਤੀ ਜਾਦੀ ਹੈ। ਚੇਅਰਮੈਨ ਸਿੰਗਲਾ ਨੇ ਇਨਾ ਵਿਦਿਆਰਥੀਆਂ ਵੱਲੋਂ ਤਿਆਰ ਕੀਤੇ ਪ੍ਰੋਜੈਕਟ ਦੀ ਲਾਈਵ ਡੈਮੋਸਟ੍ਰੇਸ਼ਨ ਵੀ ਲਈ ਗਈ ਜੋ ਕਿ ਪੂਰੀ ਤਰਾਂ ਸਫਲ ਰਹੀ।