ਇੰਡੋ ਗਲੋਬਲ ਗਰੁੱਪ ਆਫ਼ ਕਾਲਜਿਜ ਅਭੀਪੁਰ ਵੱਲੋਂ ਕੈਂਪਸ ਵਿਚ ਪੇਪਰ ਬੈਟਰੀ ਸਬੰਧੀ ਜਾਣਕਾਰੀ ਦੇਣ ਲਈ ਇਕ ਵਰਕਸ਼ਾਪ ਦਾ ਆਯੋਜਨ ਕੀਤਾ ਗਿਆ। ਇਸ ਵਰਕਸ਼ਾਪ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਇੰਡੋ ਗਲੋਬਲ ਦੇ ਸੀ ਈ ਓ ਮਾਨਵ ਸਿੰਗਲਾ ਨੇ ਦੱਸਿਆਂ ਕਿ ਇਸ ਵਰਕਸ਼ਾਪ ਦੇ ਆਯੋਜਨ ਦਾ ਮੁੱਖ ਮੰਤਵ ਵਿਦਿਆਰਥੀਆਂ ਨੂੰ ਨਵੇਕਲੀ ਤਕਨੀਕ ਨਾਲ ਜਾਣੂ ਕਰਾਉਦੇਂ ਹੋਏ ਬਹੁਤ ਆਸਾਨ ਅਤੇ ਕੁਦਰਤ ਪ੍ਰੇਮੀ ਤਰੀਕੇ ਨਾਲ ਬਿਜਲੀ ਸਟੋਰ ਕਰਨ ਦਾ ਤਰੀਕਾ ਸਮਝਾਇਆ ਗਿਆ। ਮਾਨਵ ਸਿੰਗਲਾ ਨੇ ਅਨੁਸਾਰ ਪੇਪਰ ਬੈਟਰੀ ਤਕਨੀਕ ਇਕ ਅਜਿਹੀ ਤਕਨੀਕ ਹੈ ਬੈਟਰ ਬਹੁਤ ਪਤਲੀ, ਲਚਕਦਾਰ ਉਤਪਾਦਨ ਉਪਕਰਨ ਹੈ ਜਿਸ ਦਾ ਨਿਰਮਾਣ ਨੈਨੋਟੂਬਜ਼ ਨੂੰ ਸੈਲੂਲੋਜ ਆਧਾਰਿਤ ਕਾਗ਼ਜ਼ ਦੀ ਇਕ ਰਵਾਇਤੀ ਸ਼ੀਟ ਨਾਲ ਬਣਾ ਕੇ ਕੀਤਾ ਜਾਂਦਾ ਹੈ। ਉੱਚ ਊਰਜਾ ਵਾਲੀ ਇਹ ਪੇਪਰ ਬੈਟਰੀ ਸੁਪਰ ਕੈਪਸਿਟਰ ਦੇ ਤੌਰ ਤੇ ਕੰਮ ਕਰਦੀ ਹੈ ਜੋ ਕਿ ਰਵਾਇਤੀ ਇਲੈਕਟ੍ਰਾਨਿਕਸ ਵਿਚ ਵੱਖਰੇ ਦੋ ਭਾਗਾਂ ਦਾ ਸੰਯੋਗ ਹੈ। ਇਹ ਸੁਮੇਲ ਹੀ ਬੈਟਰੀ ਨੂੰ ਲੰਬੇ ਸਮੇਂ, ਸਥਾਈ ਪਾਵਰ ਉਤਪਾਦਨ ਅਤੇ ਊਰਜਾ ਦੀ ਵਰਤੋਂ ਲਈ ਸਹਾਈ ਹੁੰਦਾ ਹੈ। ਮਾਨਵ ਸਿੰਗਲਾ ਅਨੁਸਾਰ ਪੇਪਰ ਬੈਟਰੀਜ਼ ਸਾਈਜ਼ ਵਿਚ ਛੋਟੀ ਹੋਣ ਅਤੇ ਜ਼ਿਆਦਾ ਕੈਪਸਿਟੀ ਹੋਣ ਕਰਕੇ ਅਗਲੀ ਪੀੜੀ ਦੇ ਇਲੈਕਟ੍ਰੋਨਿਕਸ, ਮੈਡੀਕਲ ਉਪਕਰਨ ਅਤੇ ਹਾਈਬ੍ਰਿਡ ਵਾਹਨਾਂ ਵਿਚ ਵਰਤੀ ਜਾ ਸਕਦੀ ਹੈ।ਇਸ ਦੇ ਇਲਾਵਾ ਇਸ ਦੀ ਵਰਤੋਂ ਸਮਾਰਟ ਡਿਜੀਟਲ ਘੜੀਆਂ, ਸਮਾਰਟ ਕਾਰਡਾਂ ਵਿਚ ਕੀਤੀ ਜਾ ਸਕਦੀ ਹੈ। ਉਨ੍ਹਾਂ ਜਾਣਕਾਰੀ ਸਾਂਝੀ ਕਰਦੇ ਹੋਏ ਕਿਹਾ ਪੇਪਰ ਬੈਟਰੀਜ਼ ਨੂੰ ਨਾ ਸਿਰਫ਼ ਫੋਲਡ ਕੀਤਾ ਜਾ ਸਕਦਾ ਹੈ ਬਲਕਿ ਕੱਟ ਕੇ ਕਿਸੇ ਵੀ ਤਰਾਂ ਦੀ ਸ਼ਕਲ ਦਿਤੀ ਜਾ ਸਕਦੀ ਹੈ। ਇੰਡੋ ਗਲੋਬਲ ਦੇ ਚੇਅਰਮੈਨ ਸੁਖਦੇਵ ਸਿੰਗਲਾ ਨੇ ਵਿਦਿਆਰਥੀਆਂ ਨੂੰ ਆਪਣੇ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਅੱਜ ਦੀ ਤੇਜ਼ ਤਰਾਰ ਜ਼ਿੰਦਗੀ ਦੌਰਾਨ ਜਿੱਥੇ ਰੋਜ਼ਾਨਾ ਤਕਨੀਕ ਬਦਲ ਰਹੀ ਹੈ ਉੱਥੇ ਹਰ ਨੌਜਵਾਨ ਅੱਪ ਟੂ ਡੇਟ ਰਹਿਣਾ ਚਾਹੀਦਾ ਹੈ। ਇਸ ਤਰਾਂ ਦੀ ਸੈਮੀਨਾਰ ਵਿਦਿਆਰਥੀਆਂ ਨੂੰ ਅੱਪ ਟੂ ਡੇਟ ਕਰਨ ਵਿਚ ਸਹਾਈ ਹੁੰਦੇ ਹਨ।