ਵਿਸ਼ਵ ਪੱਧਰ ਤੇ ਅੱਜ ਪਲਾਸਟਿਕ ਇਕ ਗੰਭੀਰ ਸਮੱਸਿਆ ਬਣ ਚੁੱਕੀ ਹੈ। ਇਸ ਦਾ ਇਕ ਇਕ ਹੱਲ ਪਲਾਸਟਿਕ ਦਾ ਰੀਸਾਈਕਲ ਕਰਨਾ ਹੀ ਰਹਿ ਜਾਂਦਾ ਹੈ।ਅਸੀਂ ਇਸੇ ਗੱਲ ਨੂੰ ਧਿਆਨ ਵਿਚ ਰੱਖ ਕੇ ਇਹ ਨਵੀਂ ਇੰਜੈੱਕਟ ਮੋਲਡਿੰਗ ਮਸ਼ੀਨ ਬਣਾਈ ਹੈ।ਇਨ੍ਹਾਂ ਗੱਲ ਦਾ ਪ੍ਰਗਟਾਵਾ ਮਨਪ੍ਰੀਤ ਸਿੰਘ ਨੇ ਜਾਣਕਾਰੀ ਸਾਂਝੀ ਕਰਦੇ ਹੋਏ ਕਹੀ। ਇੰਡੋ ਗਲੋਬਲ ਕਾਲਜ਼ਿਜ ਦੇ ਚਾਰ ਵਿਦਿਆਰਥੀਆਂ ਅਸ਼ੋਕ ਗੁਪਤਾ, ਮਨਪ੍ਰੀਤ ਸਿੰਘ, ਚਿੰਗ ਚਾਂਗ ਅਤੇ ਨਵਨੀਤ ਵੱਲੋਂ ਇਕ ਅਜਿਹੀ ਮੋਲਡਿੰਗ ਮਸ਼ੀਨ ਬਣਾਈ ਹੈ ਜੋ ਕਿ ਕਿਸੇ ਵੀ ਤਰਾਂ ਦੇ ਪਲਾਸਟਿਕ ਨੂੰ ਪਿਘਲਾ ਕੇ ਜ਼ਰੂਰਤ ਅਨੁਸਾਰ ਨਵੀਂ ਸ਼ਕਲ ਵਿਚ ਤਬਦੀਲ ਕਰ ਸਕਦੀ ਹੈ। ਇਨ੍ਹਾਂ ਵਿਦਿਆਰਥੀਆਂ ਨੇ ਦੱਸਿਆਂ ਕਿ ਬੇਸ਼ੱਕ ਇਸ ਪਲਾਸਟਿਕ ਦੀ ਵਰਤੋਂ ਖਾਣ ਪੀਣ ਵਾਲੀਆਂ ਵਰਤੋਂ ਦੀਆਂ ਚੀਜ਼ਾਂ ਵਿਚ ਵਰਤਣਾ ਗਲਤ ਹੋਵੇਗਾ ਪਰ ਇਸ ਨਾਲ ਬਾਲਟੀਆਂ ਅਤੇ ਟੱਬਾਂ ਤੋਂ ਲੈ ਕੇ ਉਦਯੋਗ ਜਗਤ ਵਿਚ ਵਰਤੋਂ ਦੀ ਕਿਸੇ ਵੀ ਤਰਾਂ ਦੀ ਪਲਾਸਟਿਕ ਦੀ ਵਰਤੋ ਕੀਤੀ ਜਾ ਸਕਦੀ ਹੈ। ਅਸ਼ੋਕ ਨੇ ਜਾਣਕਾਰੀ ਸਾਂਝੀ ਕਰਦੇ ਹੋਏ ਦੱਸਿਆਂ ਕਿ ਬੇਸ਼ੱਕ ਇਸ ਤੋਂ ਪਹਿਲਾਂ ਵੀ ਪਲਾਸਟਿਕ ਦੀ ਵਰਤੋਂ ਨਾਲ ਡਾਈ ਰਾਹੀਂ ਪਲਾਸਟਿਕ ਦੀਆਂ ਚੀਜ਼ਾਂ ਬਣਾਈਆਂ ਜਾਂਦੀਆਂ ਹਨ। ਪਰ ਉਨ੍ਹਾਂ ਡਾਈਆਂ ਵਿਚ ਜਿੱਥੇ ਪਲਾਸਟਿਕ ਦੀ ਬਿਹਤਰੀਨ ਕਿਸਮ ਲੋੜੀਂਦੀ ਹੁੰਦੀ ਹੈ ਉੱਥੇ ਹੀ ਪਲਾਸਟਿਕ ਦੀ ਬਰਬਾਦੀ ਵੀ ਹੁੰਦੀ ਹੈ। ਜਦ ਕਿ ਇਸ ਨਵੀਂ ਤਕਨੀਕ ਵਿਚ ਹਰ ਤਰਾਂ ਦੀ ਪਲਾਸਟਿਕ ਵਰਤੀ ਜਾ ਸਕਦੀ ਹੈ।
ਇਸ ਦੇ ਨਾਲ ਹੀ ਵਾਧੂ ਰਹੀ ਪਲਾਸਟਿਕ ਨੂੰ ਇਨਜ਼ੈਕਟ ਸਿਸਟਮ ਰਾਹੀ ਡਾਈ ਵਿਚ ਪਾਕੇ ਦੁਬਾਰਾ ਵਰਤਿਆਂ ਜਾ ਸਕਦਾ ਹੈ। ਇਸ ਨਾਲ ਉਸ ਦੀ ਮਜ਼ਬੂਤੀ ਵਿਚ ਕੋਈ ਫ਼ਰਕ ਨਹੀਂ ਆਵੇਗਾ। ਇਸ ਟੀਮ ਦੇ ਮੈਂਬਰ ਨਵਨੀਤ ਨੇ ਇਸ ਕੜੀ ਵਿਚ ਹੋਰ ਜਾਣਕਾਰੀ ਸਾਂਝੀ ਕਰਦੇ ਹੋਏ ਦੱਸਿਆਂ ਕਿ ਉਨ੍ਹਾਂ ਦੀ ਇਸ ਨਵੇਕਲੀ ਡਾਈ ਤਕਨੀਕ ਦੀ ਵਰਤੋਂ ਛੋਟੇ ਉਦਯੋਗਾਂ ਵਿਚ ਆਰਾਮ ਨਾਲ ਕੀਤੀ ਜਾ ਸਕਦੀ ਹੈ। ਕਿਉਂਕਿ ਇਸ ਨੂੰ ਬਣਾਉਣ ਦੀ ਲਾਗਤ ਵੀ ਬਹੁਤ ਥੋੜੀ ਆਉਂਦੀ ਹੈ। ਇੰਡੋ ਗਲੋਬਲ ਕਾਲਜ਼ਿਜ ਦੇ ਚੇਅਰਮੈਨ ਸੁਖਦੇਵ ਸਿੰਗਲਾ ਨੇ ਚਾਰਾਂ ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੀ ਇਸ ਉਪਲਬਧੀ ਲਈ ਵਧਾਈ ਦਿੰਦੇ ਹੋਏ ਦੱਸਿਆਂ ਕਿ ਜਿੱਥੇ ਇਕ ਪਾਸੇ ਜਿੱਥੇ ਇੰਡੋ ਗਲੋਬਲ ਗਰੁੱਪ ਵੱਲੋਂ ਵਿਦਿਆਰਥੀਆਂ ਨੂੰ ਨਵੇਕਲੀਆਂ ਖੋਜਾਂ ਲਈ ਹਰ ਤਰਾਂ ਦੀ ਮਦਦ ਦਿਤੀ ਜਾਂਦੀ ਹੈ। ਉੱਥੇ ਹੀ ਹਰ ਵਿਦਿਆਰਥੀ ਨੂੰ ਤਕਨੀਕ ਨਾਲ ਅੱਪ ਟੂ ਡੇਟ ਕਰਦੇ ਹੋਏ ਅਧਿਆਪਕਾਂ ਵੱਲੋਂ ਵੀ ਜਾਣਕਾਰੀ ਦਿਤੀ ਜਾਦੀ ਹੈ ਤਾਂ ਕਿ ਸਾਡੇ ਵਿਦਿਆਰਥੀ ਹਰ ਮੁਕਾਮ ਤੇ ਬਿਹਤਰੀ ਪ੍ਰਦਰਸ਼ਨ ਕਰ ਸਕਣ। ਇਸ ਉਪਲਬਧੀ ਨਾਲ ਉਸ ਕੋਸ਼ਿਸ਼ ਨੂੰ ਹੋਰ ਤਾਕਤ ਮਿਲੀ ਹੈ । ਚੇਅਰਮੈਨ ਸਿੰਗਲਾ ਨੇ ਦੱਸਿਆਂ ਕਿ ਇਸ ਤਕਨੀਕ ਦੀ ਵਰਤੋਂ ਆਟੋਮੋਬਾਇਲ, ਇਲੈਕਟ੍ਰੋਨਿਕ, ਇਲੈਕਟ੍ਰੀਕਲ ਅਤੇ ਮਕੈਨੀਕਲ ਉਦਯੋਗ ਵਿਚ ਇਕ ਨਵੀ ਕ੍ਰਾਂਤੀ ਲਿਆ ਸਕਦੀ ਹੈ।