ਤ੍ਰਿਣਮੂਲ ਕਾਂਗਰਸ ਦੇ ਕੌਮੀ ਮੀਤ ਪ੍ਰਧਾਨ ਤੇ ਸਾਬਕਾ ਰੇਲ ਮੰਤਰੀ ਮੁਕੁਲ ਰਾਏ ਨੇ ਅੱਜ ਅੰਮ੍ਰਿਤਸਰ ਦਾ ਦੌਰਾ ਕੀਤਾ। ਉਨ੍ਹਾਂ ਨੇ ਆਪਣੇ ਦਿਨ ਦੀ ਸ਼ੁਰੂਆਤ ਸ੍ਰੀ ਦਰਬਾਰ ਸਾਹਿਬ ਤੇ ਜਲਿਆਂਵਾਲਾ ਬਾਗ 'ਚ ਮੱਥਾ ਟੇਕ ਕੇ ਕੀਤੀ ਅਤੇ ਬਾਅਦ ਵਿੱਚ ਮੋਦੀ ਸਰਕਾਰ ਵੱਲੋਂ ਨੋਟਬੰਦੀ ਤੇ ਸੀ.ਬੀ.ਆਈ ਦੀ ਦੁਰਵਰਤੋਂ ਖਿਲਾਫ ਰੋਸ ਮਾਰਚ ਦੀ ਅਗਵਾਈ ਕੀਤੀ।ਬਾਅਦ ਵਿੱਚ ਅਯੋਜਿਤ ਪ੍ਰੈਸ ਕਾਨਫਰੰਸ 'ਚ ਉਨ੍ਹਾਂ ਨੇ ਪੁਸ਼ਟੀ ਕੀਤੀ ਕਿ ਆਉਂਦੀਆਂ ਵਿਧਾਨ ਸਭਾ ਚੋਣਾਂ 'ਚ ਟੀ.ਐਮ.ਸੀ ਹੋਰ ਸੀਟਾਂ 'ਤੇ ਵੀ ਲੜੇਗੀ ਅਤੇ ਪਾਰਟੀ ਉਮੀਦਵਾਰਾਂ ਦੀ ਅਗਲੀ ਸੂਚੀ ਜ਼ਲਦੀ ਹੀ ਜ਼ਾਰੀ ਕੀਤੀ ਜਾਵੇਗੀ। ਉਨ੍ਹਾਂ ਨੇ ਆਪ ਨਾਲ ਚੋਣ ਤੋਂ ਪਹਿਲਾਂ ਗਠਜੋੜ ਦੀ ਸੰਭਾਵਨਾਵਾਂ ਤੋਂ ਵੀ ਇਨਕਾਰ ਕੀਤਾ ਤੇ ਕਿਹਾ ਕਿ ਗੱਲਬਾਤ ਦਾ ਸਮਾਂ ਹੁਣ ਖਤਮ ਹੋ ਚੁੱਕਾ ਹੈ ਅਤੇ ਟੀ.ਐਮ.ਸੀ ਇਕੱਲੇ ਅੱਗੇ ਵੱਧਣ ਨੂੰ ਤਿਆਰ ਹੈ।ਉਨ੍ਹਾਂ ਨੇ ਐਨ.ਡੀ.ਏ ਸਰਕਾਰ ਦੀ ਨਿੰਦਾ ਕਰਦਿਆਂ ਕਿਹਾ ਕਿ ਇਸ ਫਾਸੀਵਾਦੀ ਸਰਕਾਰ ਨੇ ਲੋਕਾਂ ਨੂੰ ਨੋਟਬੰਦੀ ਦੇ ਨਾਂਮ ਉਪਰ ਗੁੰਮਰਾਹ ਕੀਤਾ ਹੈ ਤੇ ਇਕ ਕਾਰਪੋਰੇਟ ਏਜੰਡੇ ਖਾਤਿਰ ਸ਼ਾਸਨ ਦੀ ਗਲਤ ਵਰਤੋਂ ਕੀਤੀ ਹੈ, ਜਿਹੜੀ ਹੁਣ ਵਿਰੋਧੀ ਧਿਰ ਖਿਲਾਫ ਸਰਕਾਰੀ ਏਜੰਸੀਆਂ ਦੀ ਦੁਰਵਰਤੋਂ ਕਰ ਰਹੀ ਹੈ।
ਲੇਕਿਨ ਸਾਡੀ ਨਿਡਰ ਆਗੂ ਮਮਤਾ ਜੀ ਦੀ ਅਗਵਾਈ ਹੇਠ ਅਸੀਂ ਹਰ ਕਦਮ, ਹਰ ਮੰਚ 'ਤੇ ਇਸ ਫਾਸੀਵਾਦੀ ਸਰਕਾਰ ਖਿਲਾਫ ਲੜਾਂਗੇ ਅਤੇ ਅਸੀਂ ਅਜਿਹੇ ਦਬਾਆਂ ਸਾਹਮਣੇ ਹਾਰ ਨਹੀਂ ਮੰਨਾਂਗੇ।ਇਸੇ ਤਰ੍ਹਾਂ, ਜਦੋਂ ਅਰਵਿੰਦ ਕੇਜਰੀਵਾਲ ਦੇ ਪੰਜਾਬ ਦਾ ਮੁੱਖ ਅਹੁਦੇ ਦਾ ਚੇਹਰਾ ਹੋਣ ਬਾਰੇ ਮਨੀਸ਼ ਸਿਸੋਦੀਆ ਦੇ ਬਿਆਨ ਬਾਰੇ ਪੁੱਛਿਆ ਗਿਆ, ਤਾਂ ਜਗਮੀਤ ਬਰਾੜ ਨੇ ਕਿਹਾ ਕਿ ਹਾਲਾਂਕਿ ਇਹ ਉਨ੍ਹਾਂ ਦਾ ਅੰਦਰੂਨੀ ਮਾਮਲਾ ਹੈ, ਲੇਕਿਨ ਬਤੌਰ ਪੰਜਾਬੀ ਉਹ ਮਾਂਯੂਸ ਹਨ ਕਿ ਆਪ ਨੂੰ ਇਸ ਅਹੁਦੇ ਲਈ ਕੋਈ ਕਾਬਿਲ ਪੰਜਾਬੀ ਨਹੀਂ ਮਿਲਿਆ। ਸਵਾਲ ਇਹ ਹੈ ਕਿ ਕੀ ਇਨ੍ਹਾਂ ਦੇ ਕੌਮੀ ਲੀਡਰ ਤੇ ਅਬਜਰਵਰ ਸਮਝਦੇ ਹਨ ਕਿ ਪੰਜਾਬੀ ਪੰਜਾਬ ਨੂੰ ਸੰਭਾਲਣ ਦੇ ਕਾਬਿਲ ਨਹੀਂ ਹਨ? ਇਸ ਨਾਲ ਇਨ੍ਹਾਂ ਦੇ ਚੇਹਰੇ ਤੋਂ ਮਖੌਟਾ ਉਤਰ ਗਿਆ ਹੈ।ਅੱਜ ਦੇ ਪ੍ਰੋਗਰਾਮਾਂ 'ਚ ਟੀ.ਐਮ.ਸੀ ਉਮੀਦਵਾਰ ਗਿਰਿਜ ਰਜੋਰਾ ਤੇ ਵਿਜੈ ਸਾਥੀ ਦੇ ਨਾਲ ਗੁਰਬਚਨ ਸਿੰਘ ਸਰਲ, ਮਨਜੀਤ ਸਿੰਘ, ਗੁਰਦਾਸ ਗਿਰਧਰ, ਗੁਰਬੀਰ ਸੰਧੂ, ਸੰਤ ਸਿੰਘ ਘੱਗਾ, ਸਮਰਾਟ ਤੋਪਾਦਾਰ ਤੇ ਕਬੀਰ ਸਰਦਾਰ ਵੀ ਸ਼ਾਮਿਲ ਰਹੇ।