Web Admin

5 ਦਰਿਆ ਨਿਊਜ਼

ਮੋਰਿੰਡਾ , 17 Aug 2013

ਸਥਾਨਕ ਖੁਫੀਆ ਵਿਭਾਗ ਦੀ ਟੀਮ ਨੂੰ ਉਸ ਸਮੇਂ ਵੱਡੀ ਪ੍ਰਾਪਤੀ ਹਾਸਿਲ ਹੋਈ ਜਦੋਂ ਜ਼ਿਲ੍ਹਾ ਰੂਪਨਗਰ ਦੀ ਮਾਨਯੋਗ ਅਦਾਲਤ ਵੱਲੋਂ ਸੰਨ 2007 ਤੋਂ ਭਗੌੜੇ ਕੀਤੇ ਵਿਅਕਤੀ ਜੋ ਕਿ ਵੱਖ-ਵੱਖ ਥਾਂਵਾ 'ਤੇ ਭੇਖ ਬਦਲ ਕੇ ਰਹਿ ਰਿਹਾ ਸੀ ਗ੍ਰਿਫਤਾਰ ਕਰ ਲਿਆ। ਜ਼ਿਕਰਯੋਗ ਹੈ ਕਿ ਜ਼ਿਲ੍ਹਾ ਪੁਲਿਸ ਮੁੱਖੀ ਇੰਦਰ ਮੋਹਨ ਸਿੰਘ ਵੱਲੋਂ ਪੁਲਿਸ ਦੇ ਖੁਫੀਆ ਵਿਭਾਗ ਨੂੰ ਨਸ਼ੇ ਦੇ ਸੋਦਾਗਰਾਂ ਖ਼ਿਲਾਫ ਕਾਰਵਾਈ ਕਰਨ ਅਤੇ ਸਮਾਜ ਵਿਰੋਧੀ ਅਨਸਰਾਂ ਨੂੰ ਫੜਨ ਸਮੇਤ ਕਈ ਹੋਰ ਵਿਸ਼ੇਸ਼ ਅਧਿਕਾਰ ਦੇ ਦਿੱਤੇ ਸਨ। ਅੱਜ ਦੀ ਇਸ ਕਾਰਵਾਈ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਖੁਫੀਆ ਵਿਭਾਗ  ਦੇ ਇੰਸਪੈਕਟਰ  ਹਰਨੇਕ ਸਿੰਘ , ਹੋਲਦਾਰ ਜਸਵਿੰਦਰ ਸਿੰਘ ਕੰਗ , ਮਲਕੀਤ ਸਿੰਘ , ਪਰਮਜੀਤ ਸਿੰਘ ਅਤੇ ਹੋਲਦਾਰ ਬਲਿਹਾਰ ਸਿੰੰਘ ਨੇ ਦੱਸਿਆ ਕਿ ਭਜਨ ਦਾਸ ਪੁੱਤਰ ਮਹਿੰਦਰ ਦਾਸ ਵਾਸੀ ਪਿੰਡ ਬਲਦੇਵ ਨਗਰ (ਰੂਰਲ) ਮੋਰਿੰਡਾ ਨੂੰ 5 ਨਬੰਵਰ 2007 ਤੋਂ ਸਿਵਲ ਜੱਜ ਸੀਨੀਅਰ ਡਵਿਜ਼ਨ ਰੂਪਨਗਰ ਵੱਲੋਂ ਕਿਸੇ ਕੇਸ ਵਿੱਚ ਭਗੌੜਾ ਕਰਾਰ ਕਰ ਦਿੱਤਾ ਗਿਆ ਸੀ। ਭਜਨ ਦਾਸ ਉਸ ਸਮੇਂ ਤੋਂ ਹੀ ਵੱਖ-ਵੱਖ ਸ਼ਹਿਰਾਂ ਵਿੱਚ ਭੇਖ਼ ਬਦਲਕੇ ਰਹਿ ਰਿਹਾ ਸੀ ਅਤੇ ਪੁਲਿਸ ਨੂੰ ਚਕਮਾ ਦੇ ਰਿਹਾ ਸੀ ਪ੍ਰੰਤੂ ਅੱਜ ਖੁਫੀਆ Îਿਵਭਾਗ ਦੇ ਮੁਲਾਜਮਾਂ ਦੀ ਟੀਮ ਵੱਲੋਂ ਉਸ ਨੂੰ ਗ੍ਰਿਫਤਾਰ ਕਰਕੇ ਸਥਾਨਕ ਪੁਲਿਸ ਦੇ ਹਵਾਲੇ ਕਰ ਦਿੱਤਾ ਗਿਆ ਹੈ। ਪੁਲਿਸ ਥਾਣਾ ਮੋਰਿੰਡਾ ਵੱਲੋਂ ਉਕਤ ਦੋਸ਼ੀ ਵਿੱਰੁਧ ਪਰਚਾ ਦਰਜ਼ ਕਰਕੇ ਅਗਲੀ ਕਾਰਵਾਈ ਨੂੰ ਅਮਲ ਵਿੱਚ ਲਿਆਂਦਾ ਗਿਆ ਹੈ।