ਦੀ ਮੈਰੀ ਟਾਈਮ ਅਕੈਡਮੀ, ਉਦੋਂ, ਮੋਰਨੀ ਹਿੱਲਜ਼ ਵੱਲੋਂ ਆਪਣੇ ਪਾਸ ਆਉਣ ਹੋਣ ਵਾਲੇ 80 ਕੈਡਿਟਸ ਦਾ ਬਿਹਤਰੀਨ ਪ੍ਰਦਰਸ਼ਨ ਕਰਨ ਵਾਲੇ ਵਿਦਿਆਰਥੀਆਂ ਦਾ ਸਨਮਾਨ ਕੀਤਾ ਗਿਆ। ਜ਼ਿਕਰਯੋਗ ਹੈ ਕਿ ਮੈਰੀ ਟਾਈਮ ਅਕੈਡਮੀ ਮਰਚੈਂਟ ਨੇਵੀ ਵਿਚ ਅਫ਼ਸਰ ਰੈਂਕ ਦੇ ਵਿਦਿਆਰਥੀਆਂ ਨੂੰ ਟਰੇਨਿੰਗ ਦਿੰਦੀ ਹੈ। ਇਸ ਮੌਕੇ ਤੇ ਵਿਦਿਆਰਥੀਆਂ ਨੂੰ ਆਪਣਾ ਕੰਮ ਇਮਾਨਦਾਰੀ ਨਾਲ ਕਰਨ ਦੀ ਸਹੁੰ ਚਕਾਉਦੇ ਹੋਏ ਉਨ੍ਹਾਂ ਨੂੰ ਮਰਚੈਂਟ ਨੇਵੀ ਦੀਆਂ ਟੋਪੀਆਂ,ਬੈਚ ਅਤੇ ਪੱਟੀਆਂ ਪ੍ਰਦਾਨ ਕੀਤੀਆਂ ਗਈਆਂ।ਇਸ ਮੌਕੇ ਤੇ ਟੀ ਐਮ ਸੀ ਦੇ ਗਲੋਬਲ ਹੈੱਡ ਅਨਿਲ ਜਾਸੀ ਨੇ ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੀ ਆਉਣ ਵਾਲੀ ਬਿਹਤਰੀਨ ਜ਼ਿੰਦਗੀ ਲਈ ਵਧਾਈ ਦਿੰਦੇ ਹੋਏ ਕਿਹਾ ਕਿ ਮਰਚੈਂਟ ਨੇਵੀ ਨਾ ਸਿਰਫ਼ ਵਿਸ਼ਵ ਦੇ ਵੱਖ ਵੱਖ ਦੇਸ਼ਾਂ ਵਿਚ ਘੁੰਮਣ ਦਾ ਮੌਕਾ ਦਿੰਦੀ ਹੈ ਬਲਕਿ ਬਿਹਤਰੀਨ ਜ਼ਿੰਦਗੀ ਅਤੇ ਅਥਾਹ ਧਨ ਕਮਾਉਣ ਦੇ ਮੌਕੇ ਪ੍ਰਦਾਨ ਕਰਦੀ ਹੈ।ਅਨਿਲ ਜਾਸੀ ਨੇ ਹੋ ਜਾਣਕਾਰੀ ਦਿੰਦੇ ਹੋਏ ਦੱਸਿਆਂ ਕਿ ਦੁਨੀਆਂ ਦਾ 90% ਵਪਾਰ ਜਹਾਜ਼ਾਂ ਰਾਹੀਂ ਕੀਤਾ ਜਾਂਦਾ ਹੈ। ਤੇਲ ਦੇ ਵੱਡੇ ਵੱਡੇ ਟੈਂਕਰ, ਸਮਾਨ ਦੇ ਜਹਾਜ਼, ਆਟੋਮੋਬਾਇਲ ਜਹਾਜ਼, ਕਾਰਗੋ ਜਹਾਜ਼ ਅਤੇ ਯਾਤਰੀ ਜਹਾਜ਼ਾਂ ਸਮੇਤ ਹੋਰ ਕਈ ਤਰਾਂ ਦੀ ਵਰਤੋਂ ਵਾਲੇ ਜਹਾਜ਼ ਅੱਜ ਵੀ ਸਭ ਤੋਂ ਸਸਤਾ ਅਤੇ ਬਿਹਤਰੀਨ ਯਾਤਾਯਾਤ ਦਾ ਸਾਧਨ ਹਨ। ਮਰਚੈਂਟ ਨੇਵੀ ਵਿਚ ਦੋ ਤਰਾਂ ਦੀ ਡਵੀਜ਼ਨ ਨੇਵੀਗੇਸ਼ਨ ਅਤੇ ਇੰਜੀਨੀਅਰਿੰਗ ਹੁੰਦੇ ਹਨ , ਜੋ ਕਿ ਇਕਠੇ ਮਿਲ ਕੇ ਮਰਚੈਂਟ ਨੇਵੀ ਵਿਚ ਨੌਜਵਾਨ ਮੁੰਡੇ ਕੁੜੀਆਂ ਦੀ ਬਹੁਤ ਜ਼ਿਆਦਾ ਡਿਮਾਂਡ ਹੈ।ਜਦ ਕਿ ਮੈਰੀ ਟਾਈਮ ਅਕੈਡਮੀ ਵੱਲੋਂ ਉੱਤਰੀ ਭਾਰਤ ਦੇ ਨੌਜਵਾਨ ਮੁੰਡੇ ਕੁੜੀਆਂ ਨੂੰ ਇਕ ਲਾਸਾਨੀ ਕਿੱਤੇ ਨਾਲ ਜੋੜਨ ਅਤੇ ਉਨ੍ਹਾਂ ਨੂੰ ਤਿਆਰ ਕਰਨ ਲਈ ਖ਼ਾਸ ਤੋਰ ਤੇ ਤਵੱਜੋ ਦਿਤੀ ਜਾ ਰਹੀ ਹੈ। ਇਸ ਲਈ ਉਨ੍ਹਾਂ ਨੂੰ ਮਿਆਰੀ ਟਰੇਨਿੰਗ, ਜਾਣਕਾਰੀ ਅਤੇ ਮਰਚੈਂਟ ਨੇਵੀ ਨਾਲ ਜੁੜੀਆਂ ਵੱਖ ਵੱਖ ਨੌਕਰੀਆਂ ਦੀ ਯੋਗਤਾ ਤੇ ਮਿਆਰ ਤੇ ਲਿਆਂਦਾ ਜਾਂਦਾ ਹੈ।ਅਖੀਰ ਵਿਚ ਕੈਡਿਡਸ ਵੱਲੋਂ ਮਾਰਚ ਪਾਸਟ ਰਾਹੀਂ ਸਲਾਮੀ ਦਿਤੀ ਗਈ।