ਪੰਜਾਬ ਬਾਲ ਅਧਿਕਾਰ ਸੁਰੱਖਿਆ ਕਮਿਸ਼ਨ ਵੱਲੋਂ ਮਾਣਯੋਗ ਪੰਜਾਬ ਐਂਡ ਹਰਿਆਣਾ ਹਾਈ ਕੋਰਟ ਦੇ ਦਿਸ਼ਾ ਨਿਰਦੇਸ਼ਾ ਅਨੁਸਾਰ ਸੇਫ ਸਕੂਲ ਵਾਹਨ ਸਕੀਮ ਨੂੰ ਇੰਨ ਬਿੰਨ ਲਾਗੂ ਕਰਾਉਣ ਲਈ ਗਠਿਤ ਕੀਤੀ ਕਮੇਟੀ ਵੱਲੋਂ ਡੇਰਾਬਸੀ ਦੇ ਵੱਖ ਵੱਖ ਸਕੂਲਾਂ ਦੀਆਂ ਬੱਸਾਂ ਦੀ ਅਚਣਚੇਤੀ ਚੈਕਿੰਗ ਕੀਤੀ ਗਈ । ਕਮੇਟੀ ਦੇ ਮੈਂਬਰ ਡਿਪਟੀ ਡਾਇਰੈਕਟਰ ਸੈਕੰਡਰੀ ਸਿੱਖਿਆ ਅਮਰੀਸ਼ ਕੁਮਾਰ ਸ਼ੁਕਲਾ, ਐਮ.ਵੀ.ਆਈ ਸ਼੍ਰੀ ਰਣਪ੍ਰੀਤ ਸਿੰਘ ਭਿਓਰਾ, ਏਡੀਟੀਓ ਸ੍ਰੀ ਸਿਮਰਨ ਸਿੰਘ ਸਰਾਂ, ਏਡੀਟੀਓ (ਹੈ.ਕੁ) ਸੁਰਿੰਦਰ ਸਿੰਘ , ਟਰੈਫਿਕ ਪੁਲਿਸ ਦੇ ਅਧਿਕਾਰੀ ਅਤੇ ਕਮਿਸ਼ਨ ਦੀ ਗੈਰ-ਸਰਕਾਰੀ ਮੈਂਬਰ ਜਿਲਾ੍ਹ ਪ੍ਰਧਾਨ ਇਸਤਰੀ ਅਕਾਲੀ ਦਲ(ਸ਼ਹਿਰੀ) ਬੀਬੀ ਕੁਲਦੀਪ ਕੌਰ ਕੰਗ ਜਿਨਾਂਹ ਵੱਲੋਂ ਸਕੂਲਾਂ ਦੀਆਂ ਬੱਸਾਂ ਦੀ ਚੈਕਿੰਗ ਕੀਤੀ ਗਈ ਅਤੇ ਡਰਾਇਵਰਾਂ ਦੇ ਲਾਇਸੰਸ ਵੀ ਵੇਖੇ ਗਏ। ਸੇਫ ਸਕੂਲ ਵਾਹਨ ਸਕੀਮ ਤਹਿਤ ਡੇਰਾਬਸੀ ਅਤੇ ਇਸ ਇਲਾਕੇ ਦੇ ਨੇੜੇ ਤੇੜੇ ਪੈਂਦੇ ਵੱਖ ਵੱਖ ਸਕੂਲਾਂ ਦੀਆਂ ਕਰੀਬ 70 ਬੱਸਾਂ ਦੀ ਚੈਕਿੰਗ ਕੀਤੀ ਗਈ ਅਤੇ ਦੋ ਸਕੂਲਾਂ ਦੀਆਂ ਬੱਸਾਂ ਜਿਨਾਂਹ ਵਿਚ ਸੁਖਮਨੀ ਸਕੂਲ ਡੇਰਾਬਸੀ, ਅਤੇ ਨਿਊ ਐਗਿੰਲ ਪਬਲਿਕ ਸਕੂਲ ਦੀਆਂ ਬੱਸਾਂ ਦੇ ਕਾਗਜ਼ਾਤ ਆਦਿ ਨਾਂ ਪੂਰੇ ਹੋਣ ਤੇ ਉਨਾਂਹ ਨੂੰ ਥਾਣੇ ਚ ਬੰਦ ਕਰ ਦਿੱਤਾ ਗਿਆ ਅਤੇ ਛੇ ਬੱਸਾਂ ਦੇ ਚਲਾਣ ਕੀਤੇ ਗਏ। ਕਮੇਟੀ ਦੇ ਸਮੂਹ ਮੈਂਬਰਾਂ ਵੱਲੋਂ ਵੱਖ ਵੱਖ ਸਕੂਲਾਂ ਦੀਆਂ ਪ੍ਰਬੰਧਕੀ ਕਮੇਟੀਆਂ ਨਾਲ ਨਾਲ ਮੀਟਿੰਗਾਂ ਵੀ ਕੀਤੀ ਗਈਆਂ ਅਤੇ ਉਨਾਂ੍ਹ ਨੂੰ ਸੇਫ ਸਕੂਲ ਵਾਹਨ ਸਕੀਮ ਤਹਿਤ ਆਪੋ ਆਪਣੇ ਸਕੂਲ ਦੀਆਂ ਬੱਸਾਂ ਚ ਜੋ ਖਾਮੀਆਂ ਸਨ ਉਨਾਂ੍ਹ ਨੂੰ ਤੁਰੰਤ ਦੂਰ ਕਰਨ ਦੀਆਂ ਹਦਾਇਤਾਂ ਦਿੱਤੀਆਂ ਗਈਆਂ । ਕਮੇਟੀ ਵੱਲੋਂ ਸੁਖਮਨੀ ਸਕੂਲ ਡੇਰਾਬਸੀ, ਨਿਊ ਐਗਿੰਲ ਪਬਲਿਕ ਸਕੂਲ, ਭਾਰਤੀ ਪਬਲਿਕ ਸਕੂਲ ਡੇਰਾਬਸੀ, ਡੀ.ਏ.ਵੀ. ਪਬਲਿਕ ਸਕੂਲ , ਗੁਰੂ ਕੁਲ ਸਕੂਲ, ਅਤੇ ਬੁੱਢਾ ਦਲ ਪਬਲਿਕ ਸਕੂਲ ਜ਼ੀਰਕਪੁਰ (ਲੋਹਗੜ੍ਹ) ਅਤੇ ਹੋਰਨਾਂ ਸਕੂਲਾਂ ਚ ਜਾ ਕੇ ਸੇਫ ਸਕੂਲ ਵਾਹਨ ਤਹਿਤ ਸਕੂਲ ਬੱਸਾਂ ਦੀ ਚੈਕਿੰਗ ਕੀਤੀ ।