ਸਾਬਕਾ ਪੰਜਾਬ ਕੈਬਿਨੇਟ ਮੰਤਰੀ ਤੇ ਸਾਬਕਾ ਵਿਧਾਇਕ ਡਾ. ਹਰਬੰਸ ਲਾਲ ਨੇ ਪੰਜਾਬ ਕਾਂਗਰਸ ਪ੍ਰਧਾਨ ਤੇ ਕਪੂਰਥਲਾ ਤੋਂ ਵਿਧਾਇਕ ਰਾਣਾ ਗੁਰਜੀਤ 'ਤੇ ਉਨ੍ਹਾਂ ਵੱਲੋਂ ਜਗਮੀਤ ਬਰਾੜ ਦੀ ਬਾਂਹ 'ਤੇ ਕਥਿਤ ਨਿਸ਼ਾਨ ਸਬੰਧੀ ਲਗਾਏ ਦੋਸ਼ਾਂ ਦਾ ਜ਼ੋਰਦਾਰ ਜਵਾਬ ਦਿੱਤਾ ਹੈ।ਇਥੇ ਜ਼ਾਰ ਬਿਆਨ 'ਚ ਦੋ ਹੋਰ ਸਾਬਕਾ ਵਿਧਾਇਕ ਤਰਸੇਮ ਜੋਧਾਂ ਤੇ ਵਿਜੈ ਸਾਥੀ ਨੇ ਕਿਹਾ ਹੈ ਕਿ ਰਾਣਾ ਗੁਰਜੀਤ ਨੂੰ ਸਰਵਜਨਿਕ ਤੌਰ 'ਤੇ ਕੈਪਟਨ ਅਮਰਿੰਦਰ ਦੇ ਗੋਲਡ ਮੈਡਲਿਸਟ ਚਮਚੇ ਵਜੋਂ ਜਾਣਿਆ ਜਾਂਦਾ ਹੈ। ਉਸਦਾ ਬਿਆਨ ਹੋਰ ਕੁਝ ਨਹੀਂ ਬਲਕਿ ਆਪਣੇ ਆਕਾ ਪ੍ਰਤੀ ਆਪਣੀ ਇਮਾਨਦਾਰੀ ਸਾਬਤ ਕਰਨ ਦਾ ਟੋਟਕਾ ਹੈ। ਜੇ ਉਹ ਰਣਇੰਦਰ ਸਿੰਘ ਨਾਲ ਰਿਓ ਓਲੰਪਿਕ ਜਾਂਦੇ, ਤਾਂ ਸ਼ਾਇਦ ਭਾਰਤ ਨੂੰ ਚਮਚਾ ਗਿਰੀ 'ਚ ਇਕ ਗੋਲਡ ਮੈਡਲ ਮਿੱਲ ਜਾਂਦਾ।ਉਨ੍ਹਾਂ ਨੇ ਕਿਹਾ ਕਿ ਜਗਮੀਤ ਬਰਾੜ ਨੇ ਸਿਰਫ ਸੱਚਾਈ ਨੂੰ ਰੋਸ਼ਨੀ 'ਚ ਲਿਆਉਂਦਾ ਸੀ, ਜਿਸਦਾ ਜ਼ਿਕਰ ਈ.ਡੀ ਦੀ ਜ਼ਾਂਚ ਦੌਰਾਨ ਵੀ ਕੀਤਾ ਅਿਗਾ ਹੈ ਅਤੇ ਆਉਂਦਿਆਂ ਦਿਨਾਂ 'ਚ ਹੋਰ ਜਾਣਕਾਰੀ ਰਿਲੀਜ਼ ਕੀਤੀ ਜਾਵੇਗੀ। ਕੈਪਟਨ ਇਨ੍ਹਾਂ ਤੱਥਾਂ ਤੋਂ ਕਿੰਨਾ ਬੱਚ ਸਕਣਗੇ? ਕੀ ਉਹ ਹੁਣ ਕੇਵਲ ਢਿਲੋਂ ਤੇ ਬੀ.ਆਈ.ਐਸ ਚਾਹਲ ਨੂੰ ਵੀ ਭੇਜਣਗੇ?
ਬਰਾੜ 'ਤੇ ਅਕਾਲੀਆਂ ਦੀ ਸ਼ੈਅ 'ਤੇ ਬੋਲਣ ਸਬੰਧੀ ਲਗਾਏ ਨਿਰਾਧਾਰ ਦੋਸ਼ਾਂ 'ਤੇ ਪ੍ਰਤੀਕ੍ਰਿਆ ਜਾਹਿਰ ਕਰਦਿਆਂ ਉਨ੍ਹਾਂ ਨੇ ਕਿਹਾ ਕਿ ਅੱਜ ਜਗਮੀਤ ਬਰਾੜ ਪੰਜਾਬ ਦੇ ਭਲਾ ਚਾਹੁਣ ਵਾਲੇ ਲੋਕਾਂ ਲਈ ਉਮੀਦ ਦੀ ਰੋਸ਼ਨੀ ਬਣ ਚੁੱਕੇ ਹਨ, ਜਿਹੜੇ ਨਸ਼ਾ ਤਸਕਰ ਅਕਾਲੀਆਂ ਤੇ ਹਵਾਲਾ ਦੀਆਂ ਡੀਲਾਂ ਕਰਨ ਵਾਲੇ ਕਾਂਗਰਸੀਆਂ ਤੋਂ ਤੰਗ ਆ ਚੁੱਕੇ ਹਨ। ਉਹ ਸਾਰੇ ਜ਼ਿੰਦਗੀ ਬਾਦਲਾਂ ਖਿਲਾਫ ਲੜੇ ਹਨ, ਕਿਰਪਾ ਕਰਕੇ ਅਜਿਹਾ ਕੁਝ ਵੀ ਹਾਸਾਜਨਕ ਕਹਿਣ ਤੋਂ ਪਹਿਲਾਂ ਆਪਣਾ ਦਿਮਾਗ ਚੈੱਕ ਕਰਵਾਓ।ਵਿਜੈ ਸਾਥੀ ਨੇ ਕਿਹਾ ਕਿ ਬਰਾੜ ਨੇ 2013 'ਚ ਨਸ਼ਿਆਂ ਖਿਲਾਫ ਇਕ ਅਰਜੀ ਦਾਖਲ ਕੀਤੀ ਸੀ ਅਤੇ ਕੈਪਟਨ ਨੇ ਮਜੀਠੀਆ ਨੂੰ ਬਚਾਉਂਦਿਆਂ ਸੀ.ਬੀ.ਆਈ ਜਾਂਚ ਨੂੰ ਰੋਕ ਦਿੱਤਾ ਸੀ। ਸਾਨੂੰ ਦੱਸੋ ਤੁਹਾਡਾ ਕੈਪਟਨ-ਮਜੀਠੀਆ-ਸੁਖਬੀਰ ਦੀ ਸਾਂਝੇਦਾਰੀ 'ਚ ਮੁਨੀਮ ਵਜੋਂ ਕੀ ਹਿੱਸਾ ਹੈ।ਇਸ ਲੜੀ ਹੇਠ ਸਾਡੇ ਤੇ ਸਾਡੇ ਆਗੂ ਵਾਸਤੇ ਪੰਜਾਬ ਸੱਭ ਤੋਂ ਪਹਿਲਾਂ ਹੈ, ਨਾ ਕਿ ਸਾਡੇ ਸਿਆਸੀ ਹਿੱਤ ਅਤੇ ਅਸੀਂ ਆਪਣੀਆਂ ਆਤਮਾਵਾਂ ਤੇ ਆਤਮ ਸਨਮਾਨ ਨੂੰ ਰਾਜੇ ਵੱਲੋਂ ਸੁੱਟੇ ਕੁਝ ਸੋਨੇ ਦੇ ਸਿੱਕਿਆਂ ਲਈ ਨਹੀਂ ਵੇਚ ਦਿੱਤਾ ਹੈ। ਤੁਸੀਂ ਸ਼ਾਇਦ ਇਕ ਝੂਠੇ ਰਾਜੇ ਪ੍ਰਤੀ ਇਮਾਨਦਾਰੀ ਦਰਸ਼ਾ ਸਕਦੇ ਹੋ, ਲੇਕਿਨ ਸਾਡੀ ਇਮਾਨਦਾਰੀ ਉਸ ਵਿਅਕਤੀ ਪ੍ਰਤੀ ਹੈ, ਜਿਹੜਾ ਬੀਤੇ 3 ਦਹਾਕਿਆਂ ਤੋਂ ਪੰਜਾਬ ਦੇ ਲੋਕਾਂ ਲਈ ਲੜ ਰਿਹਾ ਹੈ। ਉਹ ਉਦੋਂ ਪੰਜਾਬ ਵਾਸਤੇ ਪਾਰਲੀਮੈਂਟ 'ਚ ਲੜ ਰਿਹਾ ਸੀ, ਜਦੋਂ ਤੁਸੀਂ ਇਥੇ ਪੋਂਟੀ ਚੱਢੇ ਨਾਲ ਸਾਂਝੇਦਾਰੀ 'ਚ ਗੈਰ ਕਾਨੂੰਨੀ ਸ਼ਰਾਬ ਵੇਚ ਰਹੇ ਸੀ।ਸੂਤਰਾਂ ਮੁਤਾਬਿਕ ਜਗਮੀਤ ਬਰਾੜ ਰਾਣਾ ਗੁਰਜੀਤ ਤੇ ਹੋਰਨਾਂ ਖਿਲਾਫ ਖਾਲਿਸਤਾਨੀ ਨਿਸ਼ਾਨ ਦੇ ਮਾਮਲੇ 'ਚ ਮਾਣਹਾਨੀ ਦਾ ਕੇਸ ਕਰਨ ਬਾਰੇ ਵਿਚਾਰ ਕਰ ਰਹੇ ਹਨ। ਜਦੋਂ ਇਸ ਬਾਰੇ ਤਰਸੇਮ ਜੋਧਾਂ ਤੋਂ ਪੁੱਛਿਆ ਗਿਆ, ਤਾਂ ਉਨ੍ਹਾਂ ਨੇ ਕਿਹਾ ਕਿ ਬਰਾੜ ਇਕ ਸੱਚੇ ਰਾਸ਼ਟਰਵਾਦੀ ਹਨ ਅਤੇ ਇਸਨੂੰ ਸਾਬਤ ਕਰਨ ਵਾਸਤੇ ਉਹ ਅਜ਼ਾਦ ਹਨ, ਲੇਕਿਨ ਜਿਹੜੇ ਭਾਸ਼ਣ ਕੈਪਟਨ ਨੇ ਖਾਲਿਸਤਾਨ ਦੇ ਝੰਡੇ ਹੇਠਾਂ ਦਿੱਤੇ ਸਨ ਤੇ ਜਿਹੜੇ ਬਤੌਰ ਸੀ.ਐਮ 2005 'ਚ ਉਨ੍ਹਾਂ ਨੇ ਖਾਲਿਸਤਾਨੀ ਸਮਰਥਕਾਂ ਕੋਲ ਗੇੜੇ ਕੱਢੇ ਸਨ ਅਤੇ ਖਾਲਿਸਤਾਨ ਲਈ ਉਨ੍ਹਾਂ ਵੱਲੋਂ ਯੂ.ਐਨ ਜਨਰਲ ਸਕੱਤਰ ਨੂੰ ਦਿੱਤੇ ਮੰਗ ਪੱਤਰ ਬਾਰੇ ਕੀ ਕਹੀਏ।