ਬਹੁਜਨ ਸਮਾਜ ਪਾਰਟੀ ਵੱਲੋ ਗੜਸ਼ੰਕਰ ਵਿਖੇ ਕੀਤੀ ਜਾ ਰਹੀ ਇਤਿਹਾਸਕ ਰੈਲੀ ਵਿੱਚ ਸ. ਅਵਤਾਰ ਸਿੰਘ ਕਰੀਮਪੁਰੀ ਨੇ ਪਿੰਡ ਮਹਿਦੂਦ , ਬਡੇਸਰੋ, ਚੱਕ ਦੀਆ ਭਰਮੀਆ ਮੀਟਿੰਗਾ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ 40 ਸਾਲ ਕਾਗਰਸ ਨੇ 21 ਸਾਲ ਅਕਾਲੀ-ਬੀਜੇਪੀ ਨੇ ਪੰਜਾਬ ਨੂੰ ਲੁੱਟਿਆ ਅਤੇ ਹੁਣ ਵੋਟਾ ਨੇੜੇ ਆਉਣ ਤੇ ਲੋਕਾ ਨੂੰ ਝੂਠੇ ਲਾਰੇ ਲਾ ਕੇ ਲੁੱਟਣ ਦੀ ਤਿਆਰੀ ਵਿੱਚ ਹਨ। ਜਿਹੜੀਆ ਸਰਕਾਰਾ ਨੇ ਇਨਾ ਚਿਰ ਰਾਜ ਕੀਤਾ ਹੋਵੇ ਉਸ ਸੂਬੇ ਦੇ ਨੋਜਵਾਨ ਬੇਰੁਜਗਾਰ ਫਿਰ ਰਹੇ ਹਨ। ਦਲਿਤ ਵਿਦਿਆਰਥੀਆ ਨੂੰ ਵਜੀਫੇ ਨਹੀ ਮਿਲ ਰਹੇ। ਸਰਕਾਰੀ ਹਸਪਤਾਲ ਮੁੱਢਲੀਆ ਸਹੂਲਤਾ ਤੋ ਵਾਝੇ ਹਨ ,ਛੋਟੇ ਤੋ ਛੋਟੇ ਟੈਸਟ ਵੀ ਲੋਕੀ ਬਾਹਰੋ ਕਰਵਾ ਰਹੇ ਹਨ ਅਤੇ ਪੰਜਾਬ ਦੇ ਕਰਤਾ ਧਰਤਾ ਵੀ ਲੋਕਾਂ ਨੂੰ ਸੰਗਤ ਦਰਸ਼ਨ ਵਿੱਚ ਗਰਾਟਾ ਦੇ ਕੇ ਬੇਵਕੂਫ ਬਣਾ ਰਹੇ ਹਨ। ਉਨਾ ਨੇ ਕਿਹਾ ਕਿ ਜੇਕਰ ਅਸੀ ਪੰਜਾਬ ਨੂੰ ਬਚਾਉਣਾ ਚਾਹੁੰਦੇ ਹਾ ਤਾ ਸਾਨੂੰ ਬਸਪਾ ਦੇ ਨੀਲੇ ਝੰਡੇ ਥੱਲੇ ਇੱਕਠਾ ਹੋਣਾ ਪਵੇਗਾ ਤਾ ਜੋ ਪੰਜਾਬ ਦਾ ਸਹੀ ਦਿਸ਼ਾ ਵੱਲ ਵਿਕਾਸ ਹੋ ਸਕੇ। ਉਨਾ ਨੇ ਅੱਗੇ ਕਿਹਾ ਕਿ ਕੇਦਰ ਦੇ ਵਿੱਚ ਸਰਕਾਰ ਬਣਨ ਲੱਗਿਆ ਸਭ ਤੋ ਪਹਿਲਾ ਕਾਲਾ ਧਨ ਵਾਪਸ ਲਿਆਉਣ ਦੀ ਭਾਜਪਾ ਨੇ ਗੱਲ ਕੀਤੀ ਅਤੇ ਝੂਠਾ ਲਾਰਾ ਲਾਇਆ ਕਿ ਹਰ ਜੀਅ ਨੂੰ 15-15 ਲੱਖ ਰੁਪਈਆ ਉਨਾ ਦੇ ਅਕਾਉਟ ਵਿੱਚ ਪਹੁੰਚ ਜਾਵੇਗਾ ਤੇ ਹੁਣ ਕਾਲਾ ਧਨ ਵਾਪਸ ਲਿਆਉਣ ਵਾਲਾ ਬਾਬਾ ਆਪਣੀਆ ਦਵਾਈਆ ਤੇ ਰਾਸ਼ਨ ਵੇਚ ਰਿਹਾ ਹੈ ਅਤੇ ਮੋਦੀ ਮਨ ਕੀ ਬਾਤ ਕਰ ਰਿਹਾ ਹੈ। ਉਨਾ ਨੇ ਲੋਕਾ ਨੂੰ ਅਪੀਲ ਕੀਤੀ ਕਿ ਇਨਾ ਦੇ ਝੂਠੇ ਲਾਰਿਆ ਤੋ ਵੱਚ ਕੇ ਇੱਕ ਮੌਕਾ ਬਸਪਾ ਨੂੰ ਦਿਉ। ਉਨਾ ਕਿਹਾ ਕਿ ਗੜਸ਼ੰਕਰ ਵਿਖੇ 15 ਅਗਸਤ ਨੂੰ ਕੀਤੀ ਜਾ ਰਹੀ ਰੈਲੀ ਇਤਿਹਾਸਕ ਹੋਵੇਗੀ ਅਤੇ ਇਸ ਦਿਨ ਕਈ ਆਗੂ ਆਪਣੀਆ ਆਪਣੀਆ ਪਾਰਟੀਆ ਛੱਡ ਕੇ ਬਸਪਾ ਵਿੱਚ ਸ਼ਾਮਲ ਹੋਣਗੇ। ਇਸ ਮੌਕੇ ਤੇ ਉਨਾ ਦੇ ਨਾਲ ਰਸ਼ਪਾਲ ਰਾਜੂ, ਚੋਧਰੀ ਗੁਰਨਾਮ ਸਿੰਘ, ਬਖਸੀਸ ਭੀਮ, ਸ਼੍ਰੀ ਗੁਰਲਾਲ ਸੈਲਾ , ਦਿਨੇਸ਼ ਪੱਪੂ ,ਰਾਕੇਸ਼ ਕਿੱਟੀ ਆਦਿ ਹਾਜਰ ਸਨ।