ਕੁਐਸਟ ਗਰੁੱਪ ਆਫ਼ ਇੰਸਟਿਚਿਉਸ਼ਨਜ਼ ਵੱਲੋਂ ਅਧਿਆਪਕਾਂ ਨੂੰ ਸਿੱਖਿਆਂ ਦੇ ਖੇਤਰ ਵਿਚ ਆ ਰਹੇ ਬਦਲਾਵਾਂ, ਬਿਹਤਰੀਨ ਕੈਰੀਅਰ ਦੇ ਮੌਕਿਆਂ ਅਤੇ ਸਿੱਖਿਆਂ ਦੀ ਪ੍ਰਭਾਵ ਸ਼ੀਲਤਾ ਸ਼ੀਲਤਾ ਸਬੰਧੀ ਅੱਪ ਟੂ ਡੇਟ ਕਰਨ ਲਈ ਫੈਕਲਟੀ ਡਿਵੈਲਪਮੈਂਟ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਗਿਆ।ਇਸ ਪ੍ਰੋਗਰਾਮ ਦੀ ਸ਼ੁਰੂਆਤ ਕੁਐਸਟ ਗਰੁੱਪ ਦੇ ਚੇਅਰਮੈਨ ਡੀ ਐੱਸ ਸੇਖੋਂ ਵੱਲੋਂ ਦੀਪ ਸ਼ਿਖਾ ਜਲਾ ਕੇ ਕੀਤੀ ਗਈ। ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ ਵੱਲੋਂ ਸਪਾਂਸਰ ਕੀਤੇ ਗਏ ਇਸ ਇਸ ਐਫ਼ ਡੀ ਪੀ ਪ੍ਰੋਗਰਾਮ 'ਚ ਪੀ ਟੀ ਯੂ ਦੇ ਕਾਲਜਾਂ ਦੇ 40 ਤੋਂ ਵੀ ਜ਼ਿਆਦਾ ਅਧਿਆਪਕਾਂ ਨੇ ਹਿੱਸਾ ਲੈਦੇ ਹੋਏ ਸਬੰਧਿਤ ਵਿਸ਼ੇ ਤੇ ਵਿਚਾਰ ਸਾਂਝੇ ਕੀਤੇ । ਇਸ ਮੌਕੇ ਤੇ ਪੈਕ ਯੂਨੀਵਰਸਿਟੀ ਦੇ ਕੰਪਿਊਟਰ ਵਿਭਾਗ ਦੇ ਹੈੱਡ ਡਾ. ਸੰਜੇ ਬਾਤਿਸ਼ ਨੇ ਆਈ ਟੀ ਦੀ ਸਹਾਇਤਾ ਨਾਲ ਪੜਾਉਣ ਦੇ ਤਰੀਕੇ ਖੋਜਣ ਵਿਸ਼ੇ ਤੇ ਅਹਿਮ ਜਾਣਕਾਰੀ ਹਾਜ਼ਰ ਅਧਿਆਪਕਾਂ ਦਾ ਨਾਲ ਸਾਂਝੀ ਕੀਤੀ। ਜਦ ਕਿ ਥਾਪਰ ਯੂਨੀਵਰਸਿਟੀ ਪਟਿਆਲਾ ਦੇ ਸਾਬਕਾ ਪ੍ਰੋਫੈਸਰ ਸੁੰਦਰ ਸਿੰਘ ਨੇ ਤਣਾਓ ਅਤੇ ਟਾਈਮ ਮੈਨੇਜਮੈਂਟ ਵਿਸ਼ੇ ਤੇ, ਡਾ. ਮਨੋਜ ਬਾਲੀ, ਪ੍ਰਿੰਸੀਪਲ ਲਹਿਰਾ ਗਾਗਾ ਕਾਲਜ ਨੇ ਸਿੱਖਿਆਂ ਵਿਚ ਗੁਣਵੱਤਾ ਦੇ ਨਿਯਮ, ਡਾ. ਪੀ ਕੇ ਬਾਂਸਲ ਡਾਇਰੈਕਟਰ ਜਰਨਲ ਕੁਐਸਟ ਗਰੁੱਪ ਨੇ ਸਿੱਖਿਆਂ ਸਿੱਖਣ ਦੀ ਪ੍ਰਕਿਰਿਆ, ਡਾ. ਪੀ ਐੱਸ ਭੀਮ ਬਾਰਾ, ਡੀਨ ਥਾਪਰ ਯੂਨੀਵਰਸਿਟੀ ਨੇ ਬਿਹਤਰੀਨ ਤਰੀਕੇ ਨਾਲ ਸਿੱਖਿਆਂ ਕਿਸ ਤਰਾਂ ਦਿਤੀ ਜਾਵੇ ਜਿਹ ਅਹਿਮ ਵਿਸ਼ਿਆਂ ਤੇ ਆਪਣੇ ਵਡਮੁੱਲੇ ਵਿਚਾਰ ਸਾਂਝੇ ਕੀਤੇ।ਇਸ ਦੇ ਇਲਾਵਾ ਡਾ. ਪੀ ਕੇ ਸਿੰਗਲਾ, ਡਾ. ਵਿਜੇ ਜਡਾਨ, ਚਿਤਕਾਰਾ ਯੂਨੀਵਰਸਿਟੀ ਰਾਜਪੁਰਾ ਨੇ ਵੀ ਅਧਿਆਪਕਾਂ ਨੂੰ ਪ੍ਰਭਾਵਸ਼ਾਲੀ ਸਿੱਖਿਆਂ ਦੇ ਤਰੀਕੇ,ਅਧਿਆਪਕ ਦੇ ਮੁੱਢਲੇ ਅਤੇ ਸਕਾਰਤਮਕ ਗੁਣ, ਚੰਗੇ ਅਧਿਆਪਕ ਦੇ ਬਿਹਤਰੀਨ ਪ੍ਰੈਕਟੀਕਲ ਸੈਸ਼ਨ, ਜਾਣਕਾਰੀ ਭਰਪੂਰ ਲੈਕਚਰ ਦੇ ਨਾਲ ਵਧੀਆਂ ਸਰੋਤਾ ਬਣਨ ਦੀ ਕਲਾ, ਵਧੀਆਂ ਉਸਤਾਦ ਦੇ ਗੁਣਾਂ ਸਮੇਤ ਕਈ ਅਹਿਮ ਨੁਕਤੇ ਸਾਂਝੇ ਕੀਤੇ। ਉਨ੍ਹਾਂ ਆਪਣੇ ਸੰਬੋਧਨ ਵਿਚ ਕਿਹਾ ਕਿ ਇਕ ਅਧਿਆਪਕ ਦਾ ਅਹਿਮ ਕੰਮ ਆਪਣੇ ਵਿਦਿਆਰਥੀ ਨੂੰ ਅਕੈਡਮਿਕ ਸਿੱਖਿਆਂ ਦੇ ਨਾਲ ਨਾਲ ਉਸਦੀ ਅੰਦਰੂਨੀ ਬਹੁਮੁਖੀ ਪ੍ਰਤਿਭਾਵਾਂ ਨੂੰ ਉਜਾਗਰ ਕਰਨਾ, ਸੁਚਾਰੂ ਸੋਚ ਦੀ ਉਸਾਰੀ ਕਰਨਾ, ਸਮਾਜਿਕ ਜ਼ਿੰਮੇਵਾਰੀ ਦੀ ਭਾਵਨਾ ਦਾ ਉਜਾਗਰ ਕਰਨਾ ਅਤੇ ਇਕ ਚੰਗੇ ਤੇ ਜ਼ਿੰਮੇਵਾਰ ਨਾਗਰਿਕ ਬਣਾਉਣਾ ਵੀ ਹੁੰਦਾ ਹੈ ।
ਇਸ ਮੌਕੇ ਤੇ ਕੁਐਸਟ ਗਰੁੱਪ ਦੇ ਚੇਅਰਮੈਨ ਡੀ ਐੱਸ ਸੇਖੋਂ ਨੇ ਪੀ ਟੀ ਯੂ ਵੱਲੋਂ ਇਸ ਐਫ ਡੀ ਪੀ ਲਈ ਉਨ੍ਹਾਂ ਦੇ ਸਹਿਯੋਗ ਅਤੇ ਹਾਜ਼ਰ ਸਾਰੇ ਬੁੱਧੀ-ਜੀਵੀਆਂ ਦਾ ਤਹਿਦਿੱਲੋਂ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਰੋਜ਼ਾਨਾ ਟੈਕਨੌਲੋਜੀ ਵਿਚ ਆ ਰਹੇ ਬਦਲਾਵਾਂ ਦੇ ਚੱਲਦਿਆਂ ਅੱਜ ਇਕ ਅਧਿਆਪਕ ਲਈ ਸਭ ਤੋਂ ਵੱਡਾ ਚੈਲੰਜ਼ ਆਪਣੇ ਆਪਣੇ ਆਪ ਨੂੰ ਅਤੇ ਵਿਦਿਆਰਥੀਆਂ ਨੂੰ ਆਪ ਟੂ ਡੇਟ ਰੱਖਣਾ ਹੁੰਦਾ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ ਅੱਜ ਵਿਸ਼ਵ ਪੱਧਰ ਤੇ ਵੱਧ ਰਹੇ ਮੁਕਾਬਲੇ ਦੇ ਚੱਲਦਿਆਂ ਹਰ ਵਿਦਿਆਰਥੀ ਨੂੰ ਇਸ ਲਈ ਤਿਆਰ ਕਰਨਾ ਹੀ ਅੱਜ ਅਧਿਆਪਕਾਂ ਦੀ ਮੁੱਖ ਜ਼ਿੰਮੇਵਾਰੀ ਬਣਦੀ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਹਾਜਿਰ ਅਧਿਆਪਕਾਂ ਨੂੰ ਪ੍ਰੇਰਨਾ ਦਿੰਦੇ ਹੋਏ ਕਿਹਾ ਕਿ ਅਧਿਆਪਕ ਵਰਗ ਨੂੰ ਵਿਦਿਆਰਥੀਆਂ ਨੂੰ ਹਰ ਤਰਾਂ ਦੀ ਜਾਣਕਾਰੀ ਦੇਣ ਲਈ ਤਿਆਰ ਰਹਿਣਾ ਚਾਹੀਦਾ ਹੈ ਉਸ ਲਈ ਨਵੀਆਂ ਨਵੀਆਂ ਚੀਜ਼ਾਂ ਸਿੱਖਣੀਆਂ ਚਾਹੀਦੀਆਂ ਹਨ ਤਾਂ ਜੋ ਉਹ ਆਪਣੇ ਵਿਦਿਆਰਥੀਆਂ ਨੂੰ ਅੱਪ-ਟੂ-ਡੇਟ ਰੱਖ ਸਕੇ। ਇਸ ਦੇ ਨਾਲ ਹੀ ਵਾਈਸ ਚੇਅਰਮੈਨ ਐੱਚ ਪੀ ਐੱਸ ਕਾਂਡਾ ਨੇ ਇਕ ਚੰਗੇ ਅਧਿਆਪਕ ਲਈ ਉੱਚੇ ਚਰਿੱਤਰ,ਵਧੀਆਂ ਪੜਾਉਣ ਦੇ ਤਰੀਕੇ, ਨਵੀਆਂ ਨਵੀਆਂ ਪੜਾਈ ਦੀਆਂ ਤਕਨੀਕਾਂ ਅਤੇ ਟੀਮ ਵਰਕ ਜਿਹੇ ਵਿਸ਼ਿਆਂ ਤੇ ਆਪਣੇ ਵਿਚਾਰ ਰੱਖੇ। ਵਾਈਸ ਚੇਅਰਮੈਨ ਜੇ ਪੀ ਐੱਸ ਧਾਲੀਵਾਲ ਨੇ ਆਪਣੇ ਸੰਬੋਧਨ ਵਿਚ ਕਿਹਾ ਕਿ ਇਕ ਅਧਿਆਪਕ ਇਕ ਬੱਚੇ ਦਾ ਵਿਕਾਸ ਨਹੀਂ ਬਲਕਿ ਦੇਸ਼ ਦੇ ਵਿਕਾਸ ਵਿਚ ਆਪਣਾ ਯੋਗਦਾਨ ਪਾਉਂਦਾ ਹੈ। ਉਨ੍ਹਾਂ ਹਾਜ਼ਰ ਅਧਿਆਪਕਾਂ ਨੂੰ ਇਸ ਸੈਸ਼ਨ ਰਾਹੀਂ ਹਾਸਿਲ ਕੀਤੀ ਅਹਿਮ ਜਾਣਕਾਰੀ ਆਪਣੇ ਪ੍ਰੋਫੈਸ਼ਨਲ ਜ਼ਿੰਦਗੀ ਵਿਚ ਪ੍ਰਯੋਗ ਕਰਨ ਦੀ ਪ੍ਰੇਰਨਾ ਦਿੰਦੇ ਹੋਏ ਬਿਹਤਰੀਨ ਵਿਦਿਆਰਥੀ ਤਿਆਰ ਕਰਨ ਲਈ ਕਿਹਾ।