ਕਾਗਰਸ ਪਾਰਟੀ ਦੇ ਸੂਬੇ ਦੇ ਸਾਬਕਾ ਪ੍ਰਧਾਨ ਅਤੇ ਸੰਸਦ ਮੈਬਰ ਸਮਸੇਰ ਸਿੰਘ ਦੂੱਲੋ ਨੇ ਪਿਛਲੇ ਕਈ ਦਿਨਾ ਤੋ ਚਰਨ ਛੋਹ ਗੰਗਾ ਸੰਘਰਸ਼ ਕਮੇਟੀ ਵਲੋ ਸ਼ੁਰੂ ਕੀਤੀ ਗਈ ਭੁੱਖ ਹੜਤਾਲ ਅਤੇ ਮਰਨ ਵਰਤ 'ਚ ਪਹੁੰਚ ਕੇ ਸਮਰਥਨ ਕੀਤਾ। ਸਮਸੇਰ ਸਿੰਘ ਦੂੱਲੋ ਨੇ ਸੰਘਰਸ਼ ਕਮੇਟੀ ਦੇ ਪ੍ਰਧਾਨ ਸਿੰਗਾਰਾ ਰਾਮ ਸਹੂੰਗੜਾ ਨੂੰ ਯਕੀਨ ਦਵਾਇਆ ਕਿ ਉਹ ਹਰ ਤਰਾ ਦੇ ਨਾਲ ਉਹਨਾ ਦਾ ਸਾਥ ਦੇਣਗੇ। ਇਸ ਮੌਕੇ ਪੱਤਰਕਾਰਾ ਨੂੰ ਸੰਬੋਧਨ ਕਰਦਿਆ ਉਹਨਾ ਨੇ ਕਿਹਾ ਕਿ ਪੰਜਾਬ ਅੰਦਰ ਗਰੀਬ ਦੀ ਕੋਈ ਸੁਣਵਾਈ ਨਹੀ ਹੋ ਰਹੀ ਸਗੋ ਆਪਣੀ ਅਵਾਜ ਨੂੰ ਸਰਕਾਰ ਤੱਕ ਪਹੁੰਚਾਉਣ ਵਾਲੇ ਦੀ ਅਵਾਜ ਨੂੰ ਦਵਾਉਣ ਦੀ ਕੋਸ਼ਿਸ਼ ਕੀਤੀ ਜਾਦੀ ਹੈ ਜਿਸ ਦੀ ਮਿਸਾਲ ਸਿੰਗਾਰਾ ਰਾਮ ਸਹੂੰਗੜਾ ਦੇ ਸਮਾਨ ਨੂੰ ਨਹਿਰ ਦੇ ਕੰਢੇ ਰੱਖ ਦਿਤਾ ਗਿਆ ਕਿ ਸ਼ਾਇਦ ਉਹ ਡਰ ਕੇ ਬੈਠ ਜਾਵੇਗਾ ਪਰ ਮੈ ਸ਼ਾਬਾਸਾ ਦਿੰਦਾ ਹਾ ਸਿੰਗਾਰਾ ਰਾਮ ਨੂੰ ਜਿਸ ਨੇ ਲੋਕਾ ਦੀ ਖਾਤਰ ਸ਼ੁਰੂ ਕੀਤੇ ਸੰਘਰਸ਼ ਨੂੰ ਆਚ ਤੱਕ ਨਹੀ ਆਉਣ ਦਿਤੀ।
ਸੂਬੇ ਅੰਦਰ ਪੰਜਾਬ ਸਰਕਾਰ ਵਲੋ ਕੀਤੇ ਜਾਂ ਰਹੇ ਸੰਗਤ ਦਰਸ਼ਨਾ ਵਾਰੇ ਸ.ਦੂੱਲੋ ਨੇ ਕਿਹਾ ਕਿ ਸੂਬੇ ਅੰਦਰ ਰੇਤ ਅਤੇ ਨਸ਼ਿਆ ਤੋ ਇੱਕਠਾ ਕੀਤਾ ਦੋ ਨੰਬਰ ਦਾ ਪੈਸਾ ਵੰਡਿਆ ਜਾਂ ਰਿਹਾ ਹੈ। ਉਹਨਾ ਨੇ ਪਿੰਡਾ ਦੇ ਲੋਕਾਂ ਨੂੰ ਕਿਹਾ ਕਿ ਇਹਨਾਂ ਤੋ ਪੈਸਾ ਲੈ ਲਉ ਤੇ ਪਿੰਡਾ ਦਾ ਵਿਕਾਸ ਕਰਵਾਉ ਪਰ ਵੋਟਾ ਦਾ ਟਾਈਮ ਆਉਣ ਤੇ ਆਪਣੀ ਜਮੀਰ ਤੇ ਵੋਟ ਪਾਉ। ਉਹਨਾਂ ਨੇ ਕਿਹਾ ਕਿ ਅੱਜ ਮੈ ਸਿਰਫ ਜਾਤੀ ਤੌਰ ਤੇ ਸਹੂੰਗੜਾ ਵਲੋ ਕੀਤੇ ਜਾਂ ਰਹੇ ਸੰਘਰਸ਼ 'ਚ ਆਇਆ ਹਾਂ ਇਸ ਲਈ ਕਾਗਰਸ ਦੀ ਕੋਈ ਗੱਲ ਨਹੀ ਕਰਾਗਾ। ਇਸ ਮੌਕੇ ਸਿੰਗਾਰਾ ਰਾਮ ਸਹੂੰਗੜਾ, ਕਾਗਰਸ ਸੇਵਾ ਦਲ ਦੇ ਕਨਵੀਨਰ ਐਡਵੋਕੇਟ ਪੰਕਜ ਕ੍ਰਿਪਾਲ, ਡਾਂ ਹਰਭਜ ਮਹਿਮੀ, ਬਲਵਿੰਦਰ ਸਿੰਘ ਬਿੱਟੂ, ਜੈਲਦਾਰ ਦਵਿੰਦਰ ਸਿੰਘ, ਜਤਿੰਦਰ ਜੋਤੀ ਦੇਣੋਵਾਲ, ਕੁਲਵੰਤ ਭੂੰਨੋ, ਬਲਵੰਤ ਹਿਮਾਚਲ, ਕੁਲਦੀਪ ਘੇੜਾ, ਦਲਜੀਤ ਭਟੋਏ, ਸਰੋਜ ਰਾਣੀ ਗੜੀ ਮਾਨਸੋਵਾਲ,ਮਦਨ ਲਾਲ ਰੰਧਾਵਾਂ, ਸਤਨਾਮ ਸਹੂੰਗੜਾ ਆਦਿ ਹਾਜਰ ਸਨ।