ਜੁਲਾਈ: ਡਾ. ਬੀ.ਆਰ. ਅੰਬੇਦਕਰ ਦੇ 125ਵੇਂ ਜਨਮ ਦਿਵਸ ਨੂੰ ਸਮਰਪਿਤ ਸੂਬੇ ਦੀਆਂ ਸਮੂਹ ਯੂਨੀਵਰਸਿਟੀਆਂ ਵਿਚ ਡਾ. ਅੰਬੇਦਕਰ ਦੇ ਜੀਵਨ, ਦਰਸ਼ਨ ਅਤੇ ਕਾਰਜਾਂ ਸਬੰਧੀ ਲੜੀਵਾਰ ਸੈਮੀਨਾਰ ਕਰਵਾਉਣ ਸਬੰਧੀ ਅੱਜ ਇਥੇ ਸਪੀਕਰ, ਪੰਜਾਬ ਡਾ. ਚਰਨਜੀਤ ਸਿੰਘ ਅਟਵਾਲ ਦੀ ਅਗਵਾਈ ਅਧੀਨ ਵਿਧਾਨ ਸਭਾ ਸਕੱਰੇਤ ਵਿਚ ਉੱਚ ਪਧਰੀ ਮੀਟਿੰਗ ਕੀਤੀ ਗਈ। ਇਸ ਉੱਚ ਪੱਧਰੀ ਮੀਟਿੰਗ ਵਿਚ ਡਾ.ਅਟਵਾਲ ਨੇ ਕਿਹਾ ਕਿ ਭਾਰਤੀ ਸੰਵਿਧਾਨ ਦੇ ਪਿਤਾਮਾ ਦੀ ਫਿਲਾਸਫੀ,ਭਾਰਤ ਦੇ ਸੰਵਿਧਾਨ, ਉਨ੍ਹਾਂ ਦੀ ਵੱਖ-ਵੱਖ ਪੱਖਾਂ ਬਾਰੇ ਪਹੁੰਚ, ਸਮਾਜ ਦੇ ਲੋੜਵੰਦ ਲੋਕਾਂ ਲਈ ਕੀਤੇ ਕਾਰਜਾਂ ਅਤੇ ਚਰਚਾ ਕਰਨ ਲਈ ਲਈ ਯੂਨੀਵਰਸਟੀਆਂ ਇਹ ਖਾਸ ਸੈਮੀਨਾਰ ਆਯੋਜਿਤ ਕੀਤੇ ਗਏ ਹਨ।ਉਨਾਂ ਕਿਹਾ ਕਿ ਅੋਰਤਾਂ ਦੇ ਸ਼ਕਤੀਕਰਨ ਵਿੱਚ ਬਾਬਾ ਸਾਹਿਬ ਦਾ ਬੇਮਿਸਾਲ ਯੋਗਦਾਨ ਹੈ ਉਨਾਂ ਦੇ ਯਤਨਾਂ ਸਦਕਾ ਹੀ ਅੱਜ ਅੋਰਤਾਂ ਨੇ ਹਰ ਖੇਤਰ ਵਿਚ ਨਾਮਣਾ ਖੱਟਿਆ ਹੈ।ਉਨਾਂ ਕਿਹਾ ਕਿ ਵਿਧਾਨ ਸਭਾ ਸਕਤੱਰੇਤ ਵਿਚ ਬਾਬਾ ਸਾਹਿਬ ਦਾ ਬੁੱਤ ਜਲਦ ਸਥਾਪਿਤ ਕੀਤਾ ਜਾਵੇਗਾ ਜਿਸ ਲਈ ਇਕ ਵਿਸ਼ੇਸ਼ ਕਮੇਟੀ ਦੀ ਨਿਗਰਾਨੀ ਅਧੀਨ ਬਾਬਾ ਸਾਹਿਬ ਦਾ ਬੁੱਤ ਗਵਾਲੀਅਰ ਵਿਖੇ ਬਣਾਇਆ ਜਾ ਰਿਹਾ ਹੈ । ਸਾਬਕਾ ਐਮ.ਐਲ.ਏ ਅਤੇ ਡਾ. ਬੀ.ਆਰ. ਅੰਬੇਦਕਰ ਦੇ 125ਵਾਂ ਜਨਮ ਉਤਸਵ ਮਨਾਉਣ ਸਬੰਧੀ ਕਮੇਟੀ ਦੇ ਕੋ-ਕਨਵੀਨਰ ਇੰਦਰ ਇਕਬਾਲ ਸਿੰਘ ਅਟਵਾਲ ਨੇ ਕਿਹਾ ਕਿ ਇਹਨਾਂ ਸੈਮੀਨਾਰਾਂ ਵਿੱਚ ਸੰਸਦੀ ਲੋਕਤੰਤਰ-ਬਾਬਾ ਸਾਹਿਬ ਦੇ ਵਿਚਾਰ, ਆਰਥਿਕ ਵਿਕਾਸ-ਡਾ.ਅੰਬੇਦਕਰ ਦ੍ਰਿਸ਼ਟੀਕੋਣ, ਮੀਡੀਆ ਅਤੇ ਡਾ. ਅੰਬੇਦਕਰ , ਬਾਬਾ ਸਾਹਿਬ ਦਾ ਸਿੱਖਿਆ ਪ੍ਰਤੀ ਨਜ਼ਰੀਆ ਬਾਬਾ ਸਾਹਿਬ ਅਤੇ ਭਾਰਤੀ ਸੰਵਿਧਾਨ ਸਬੰਧੀ ਵਿਸ਼ਿਆਂ ਨੂੰ ਕਵਰ ਕੀਤਾ ਜਾਵੇਗਾ।ਉਨਾਂ ਕਿਹਾ ਕਿ ਪੰਜਾਬ ਯੂਨੀਵਰਸਟੀ ਪਟਿਆਲਾ ਵਿੱਚ 5 ਅਗਸਤ 2016, ਪੰਜਾਬ ਯੂਨਵਰਸਟੀ ਚੰਡੀਗੜ੍ਹ ਵਿਖੇ 30 ਅਗਸਤ 2016, ਲਵਲੀ ਯੂਨੀਵਰਸਟੀ ਜਲੰਧਰ 7 ਸਤੰਬਰ 2016, ਗੁਰੁ ਨਾਨਕ ਦੇਵ ਯੂਨੀਵਰਸਟੀ, ਅੰਮ੍ਰਿਤਸਰ ਵਿਖੇ 23 ਸਤੰਬਰ 2016, ਸੈਂਟਰਲ ਯੂਨੀਵਰਸਟੀ ਬੰਠਿਡਾ ਵਿਖੇ 7 ਅਕਤੂਬਰ 2016 ਅਤੇ ਪੀ.ਟੀ.ਯੂ. ਜਲੰਧਰ ਵਿਖੇ 21 ਅਕਤੂਬਰ 2016 ਨੂੰ ਵਿਸ਼ੇਸ਼ ਰੂਪ ੱਿਵਚ ਸੈਮੀਨਾਰਾਂ ਦਾ ਆਯੋਜਨ ਕੀਤਾ ਜਾਵੇਗਾ।
ਮੁੱਖ ਸੰਸਦੀ ਸਕੱਤਰ ਸੌਮ ਪ੍ਰਕਾਸ਼ ਨੇ ਕਿਹਾ ਕਿ ਬਾਬਾ ਸਾਹਿਬ 125ਵੇਂ ਜਨਮ ਦਿਵਸ ਨੂੰ ਸਮਰਪਿਤ ਇਹਨਾਂ ਸੈਮੀਨਾਰਾਂ ਦਾ ਆਯੋਜਨ ਆਪਣੇ ਆਪ ਵਿੱਚ ਇਕ ਵਿਲੱਖਣ ਉਪਰਾਲਾ ਹੈ ਜਿਸ ਨਾਲ ਨੋਜੁਆਨ ਪੀੜ੍ਹੀ ਜਾਗਰੂਕ ਹੋਵੇਗੀ ਅਤੇ ਅੱਜ ਦੇ ਸਮੇਂ ਵਿਚ ਇਹ ਬਹੁਤ ਜਰੂਰੀ ਹੋ ਗਿਆ ਹੈ ਕਿ ਨੋਜੁਆਨਾਂ ਨੂੰ ਆਪਣੇ ਇਤਿਹਾਸ ਨਾਲ ਜੋੜਿਆ ਅਤੇ ਇਹਨਾਂ ਸੈਮੀਨਾਰਾਂ ਦੁਆਰਾ ਬਾਬਾ ਸਾਹਿਬ ਦੀਆਂ ਜੀਵਨੀ, ਉੱਚੀ ਸੋਚ ਅਤੇ ਸੰਘਰਸ਼ਈ ਜੀਵਨ ਦੀ ਵਿੱਲਖਣ ਜਾਣਕਾਰੀ ਮਿਲੇਗੀ।ਉਨਾਂ ਕਿਹਾ ਕਿ ਬਾਬਾ ਸਾਹਿਬ ਦੀਆਂ ਕਿਤਾਬਾਂ ਦਾ ਲੜੀਵਾਰ ਪੰਜਾਬੀ ਵਿੱਚ ਅਨੁਵਾਦ ਕੀਤਾ ਜਾਵੇਗਾ। ਪੰਜਾਬ ਰਾਜ ਅਨੁਸੂਚਿਤ ਜਾਤੀ ਕਮਿਸ਼ਨ ਦੇ ਚੇਅਰਮੈਨ ਰਾਜੇਸ਼ ਬਾਘਾ ਨੇ ਕਿਹਾ ਕਿ ਡਾ. ਬੀ.ਆਰ. ਅੰਬੇਦਕਰ ਦੇ 125ਵੇਂ ਜਨਮ ਦਿਵਸ ਨੂੰ ਸਮਰਪਿਤ ਸੈਮੀਨਾਰਾਂ ਵਿਚ ਉੱਘੇ ਸਕਾਲਰ, ਰਾਜਸੀ ਬੁੱਧੀਜੀਵੀ, ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਪੱਧਰ ਦੇ ਅਕਾਦਮਿਕ ਮਾਹਰਾਂ ਵੱਲੋਂ ਹਿੱਸਾ ਲਿਆ ਜਾਵੇਗਾ ਤਾਂ ਜੋ ਵਿਦਿਆਰਥੀਆਂ ਨੂੰ ਬਾਬਾ ਸਾਹਿਬ ਦੇ ਜੀਵਨ ਪ੍ਰਤੀ ਪ੍ਰੇਰਨਾ ਦਿੱਤੀ ਜਾ ਸਕੇ।ਦੇਸ਼ ਦੇ ਸੰਵਿਧਾਨ ਦੇ ਨਿਰਮਾਤਾ ਬਾਬਾ ਸਾਹਿਬ ਦੇ ਸਬੰਧਤ ਸੈਮੀਨਾਰ ਸੂਬੇ ਦੀਆਂ ਯੁਨੀਵਰਸਟੀਆਂ ਦੁਆਰਾ ਕਰਵਾਏ ਜਾ ਰਹੇ ਹਨ ਜਿਸ ਦੁਆਰਾ ਸੂਬੇ ਦੀ ਨੋਜੁਆਨ ਪੀੜ੍ਹੀ ਨੂੰ ਬਾਬਾ ਸਾਹਿਬ ਜੀ ਦੇ ਕ੍ਰਾਤੀਂਕਾਰੀ ਜੀਵਨੀ ਦੇ ਮੁਕੰਮਲ ਪਹਿਲੂਆਂ ਬਾਰੇ ਜਾਣਨ ਦਾ ਸੁਨਹਿਰੀ ਮੌਕਾ ਵੀ ਮਿਲੇਗਾ। ਇਸ ਮੀਟਿੰਗ ਵਿੱਚ ਡਾ. ਜਸਪਾਲ ਸਿੰਘ ਵਾਈਸ ਚਾਂਸਲਰ ਪੰਜਾਬੀ ਯੂਨੀਵਰਸਟੀ ,ਰਾਕੇਸ਼ ਵਰਮਾ ਵਾਈਸ ਚਾਂਸਲਰ ਪੀ.ਟੀ.ਯੂ., ਡਾ. ਜਗਦੀਪ ਸਿੰਘ ਰਜਿਸਟਰਾਰ ਸੈਂਟਰਲ ਯੂਨੀਵਰਸਟੀ ਬੰਠਿਡਾ,ਟੀ.ਕੇ. ਗੋਇਲ ਡੀ.ਪੀ.ਆਈ., ਪ੍ਰੋਫੈਸਰ ਏ.ਐਸ.ਬਰਾੜ ਵਾਈਸ ਚਾਂਸਲਰ ਗੁਰੁ ਨਾਨਕ ਦੇਵ ਯੂਨੀਵਰਸਟੀ, ਦੇਸ ਰਾਜ ਕਾਲੀ, ਡਾ.ਕਮਲਾ ਪੀ.ਯੂ. ਚੰਡੀਗੜ੍ਹ,ਪ੍ਰੋਫੈਸਰ ਇਮਾਨ ਉੱਲ ਨਾਹਰ ਪੀ.ਯੂ. ਚੰਡੀਗੜ੍ਹ ਅਤੇ ਅਨਿਲ ਕੁਮਾਰ ਹਾਜਰ ਸਨ।