ਗੁਰਦੁਆਰਾ ਅਕਾਲੀ ਦਫਤਰ ਖਰੜ ਵਿਖੇ ਸ੍ਰੋਮਣੀ ਅਕਾਲੀ ਦਲ ਦੇ ਸ਼ਹਿਰੀ, ਪੈਡੂ ਸਰਕਲਾਂ ਦੇ ਅਹੁੱਦੇਦਾਰਾਂ ਦੀ ਮੀਟਿੰਗ ਨੂੰ ਸੰਬੋਧਨ ਕਰਦਿਆ ਵਿਧਾਨ ਸਭਾ ਹਲਕਾ ਖਰੜ ਦੇ ਇੰਚਾਰਜ਼ ਜਥੇਦਾਰ ਉਜਾਗਰ ਸਿੰਘ ਬਡਾਲੀ ਨੇ ਆਖਿਆ ਕਿ ਪੰਜਾਬ ਦੇ ਮੁੱਖ ਮੰਤਰੀ ਪਰਕਾਸ਼ ਸਿੰਘ ਬਾਦਲ ਦੀ ਸੋਚ ਸਦਕਾਵਿਧਾਨ ਸਭਾ ਹਲਕਾ ਖਰੜ ਵਿਚ ਵੱਖ-ਵੱਖ ਕੰਮਾਂ ਤੇ 147 ਕਰੋੜ ਰੁਪਏ ਖਰਚ ਕੀਤੇ ਜਾ ਰਹੇ ਹਨ ਅਤੇ ਸਤੰਬਰ ਮਹੀਨੇ ਤੱਕ ਇਸ ਹਲਕੇ ਦੇ ਹਰ ਘਰ ਵਿਚ ਪਹਿਖਾਨਾ, ਸਟਰੀਟ ਲਾਈਟਾਂ, ਗਲੀਆਂ-ਨਾਲੀਆਂ, ਸੜਕਾਂ ਦੀ ਮੁਰੰਮਤ ਸਮੇਤ ਜੋ ਵਿਕਾਸ ਦੇ ਕੰਮ ਚੱਲ ਰਹੇ ਹਨ ਉਹ ਪੂਰੇ ਕਰ ਲਏ ਜਾਣਗੇ। ਉਨ੍ਹਾਂ ਕਿਹਾ ਕਿ ਮਿਊਸਪਲ ਕੌਸਲਰਾਂ ਨੂੰ ਮੀਡੀਆ ਵਿਚ ਜਾਣ ਦੀ ਕੋਈ ਲੋੜ ਨਹੀ ਹੈ ਜਿਸ ਨਾਲ ਪਾਰਟੀ ਨੂੰ ਢਾਹ ਲੱਗਦੀ ਹੈ ਉਹ ਉਨ੍ਹਾਂ ਨੂੰ ਦੱਸਣ ਕਿ ਕਿਥੇ ਕਿਹੜਾ ਕੰਮ ਕਰਵਾਉਣਾ ਹੈ ਉਹ ਕਰਵਾਉਣਗੇ। ਜਥੇਦਾਰ ਬਡਾਲੀ ਨੇ ਆਪ ਪਾਰਟੀ ਦੀ ਲੀਡਰਿਸਪ ਤੇ ਤਿੱਖੇ ਹਮਲੇ ਕਰਦਿਆ ਕਿਹਾ ਕਿ ਇਸ ਪਾਰਟੀ ਨੇ ਕੋਈ ਜਿੱਤਣਾ ਨਹੀਂ ਹੈ । ਇਸ ਮੌਕੇ ਐਸ.ਜੀ.ਪੀ.ਸੀ.ਮੈਂਬਰ ਚਰਨਜੀਤ ਸਿੰਘ ਕਾਲੇਵਾਲ, ਸਾਹਿਬ ਸਿੰਘ ਬਡਾਲੀ ਸਮੇਤ ਹੋਰ ਆਗੂਆਂ ਨੇ ਵੀ ਮੀਟਿੰਗ ਨੂੰ ਸੰਬੋਧਨ ਕੀਤਾ। ਇਸ ਮੌਕੇ ਕੌਸਲ ਪ੍ਰਧਾਨ ਅੰਜੂ ਚੰਦਰ, ਦਰਸ਼ਨ ਸਿੰਘ ਸਿਵਜੋਤ, ਕਰਨੈਲ ਸਿੰਘ ਕੈਲੀ, ਪ੍ਰਗਟ ਸਿੰਘ,ਰਾਜਿੰਦਰ ਸਿੰਘ ਨੰਬਰਦਾਰ, ਕਮਲ ਕਿਸੋਰ ਸ਼ਰਮਾ, ਜਗਜੀਤ ਸਿੰਘ ਲਵਲੀ, ਮਲਕੀਅਤ ਸਿੰਘ ਖੱਟੜਾ, ਸਰਬਜੀਤ ਸਿੰਘ ਗੋਲਾ, ਕਸਮੀਰਾ ਸਿੰਘ, ਹਰਬੰਸ ਸਿੰਘ ਜੱਸਲ, ਰੋਸ਼ਨ ਲਾਲ, ਹਰਸਿਮਰਨ ਸਿੰਘ ਬਿੰਨੀ, ਜਸਪਾਲ ਸਿੰਘ ਬੱਸੀ, ਅਜੀਤ ਸਿੰਘ ਭੱਠੇ ਵਾਲੇ ਸਮੇਤ ਅਕਾਲੀ ਦਲ ਦੇ ਸਹਿਰੀ, ਪੈਡੂ ਸਰਕਲਾਂ ਵੱਖ ਵੱਖ ਵਿੰਗਾਂ ਦੇ ਪ੍ਰਧਾਨ, ਅਹੁੱਦੇਦਾਰ, ਮੈਬਰ, ਵਰਕਰ ਹਾਜ਼ਰ ਸਨ।