ਪਿੰਡ ਨੰਗਲ ਫੈਜ਼ਗੜ੍ਹ ਅਤੇ ਗੱਬੇ ਮਾਜਰਾ ਵਿਖੇ ਘਰਾਂ ਵਿਚ 100 ਫੀਸਦੀ ਪਾਣੀ ਦੇ ਮੀਟਰ ਅਤੇ ਕੂਨੈਕਸ਼ਨ ਦਿੱਤੇ ਜਾਣਗੇ ਅਤੇ ਪਿੰਡਾਂ ਵਿੱਚ ਪੀਣ ਵਾਲੇ ਸਾਫ ਪਾਣੀ ਦੀ ਸਪਲਾਈ ਰੋਜ਼ਾਨਾ10 ਘੰਟੇ ਦਿੱਤੀ ਜਾਵੇਗੀ। ਇਨਾ੍ਹਂ ਵਿਚਾਰਾਂ ਦਾ ਪ੍ਰਗਟਾਵਾ ਜੱਥੇਦਾਰ ਸ. ਉਜਾਗਰ ਸਿੰਘ ਬਡਾਲੀ ਹਲਕਾ ਇੰਚਾਰਜ ਖਰੜ੍ਹ ਦੀ ਮੌਜੂਦਗੀ ਵਿਚ ਚੇਅਰਪਰਸ਼ਨ ਜ਼ਿਲ੍ਹਾ ਪ੍ਰੀਸ਼ਦ ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ ਬੀਬੀ ਪਰਮਜੀਤ ਕੌਰ ਬਡਾਲੀ ਨੇ ਖਰੜ ਬਲਾਕ ਦੇ ਪਿੰਡ ਨੰਗਲ ਫੈਜ਼ਗੜ੍ਹ ਵਿਖੇ ਨਵੀਂ ਜਲ ਸਪਲਾਈ ਯੋਜਨਾ ਦਾ ਨੀਂਹ ਪੱਥਰ ਰੱਖਣ ਉਪਰੰਤ ਇਸ ਮੌਕੇ ਕਰਵਾਏ ਗਏ ਸਾਦੇ ਤੇ ਪ੍ਰਭਾਵਸ਼ਾਲੀ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਕੀਤਾ।ਬੀਬੀ ਬਡਾਲੀ ਨੇ ਦੱਸਿਆ ਕਿ ਪਿੰਡ ਨੰਗਲ ਫੈਜ਼ਗੜ੍ਹ ਅਤੇ ਗੱਬੇ ਮਾਜਰਾ ਵਿਖੇ ਵਿਸ਼ਵ ਬੈਂਕ ਦੀ ਸਹਾਇਤਾ ਨਾਲ 8 ਇੰਚ ਡਾਇਆ ਦੇ 300 ਮੀਟਰ ਡੂੰਘਾ ਇੱਕ ਨੰਬਰ ਟਿਊਬਵੈਲ ਲਗਾਇਆ ਜਾਣਾ ਹੈ ਅਤੇ ਪਿੰਡ ਵਿੱਚ 25000 ਲੀਟਰ ਸਮਰੱਥਾ ਦੀ ਟੈਂਕੀ ਵੀ ਉਸਾਰੀ ਜਾ ਰਹੀ ਹੈ। ਇਸ ਪਿੰਡ ਲਈ ਵਿਸ਼ਵ ਬੈਂਕ ਪ੍ਰੋਜੈਕਟ ਤਹਿਤ ਕੋਪੋਨੈਂਟ-1ਏ ਅਧੀਨ 52.31 ਲੱਖ ਰੁਪਏ ਦੀ ਰਕਮ ਜਾਰੀ ਕੀਤੀ ਜਾ ਚੁੱਕੀ ਹੈ। ਉਨਾ੍ਹਂ ਦੱਸਿਆ ਕਿ ਪੇਂਡੂ ਜਲ ਸਪਲਾਈ ਅਤੇ ਸੈਨੀਟੇਸ਼ਨ ਵਿਭਾਗ ਦੀ ਗਾਈਡ ਲਾਈਨਜ਼ ਅਨੁਸਾਰ ਵਿਸ਼ਵ ਬੈਂਕ ਪ੍ਰੋਜੈਕਟ ਅਧੀਨ ਕੁੱਲ 0.99 ਲੱਖ ਰੁਪਏ ਲਾਭਪਾਤਰੀ ਹਿੱਸਾ ਪਿੰਡ ਵਾਸੀਆਂ ਵੱਲੋਂ ਪਾਇਆ ਗਿਆ। ਇਹ ਟਿਊਬਵੈਲ ਲੱਗਣ ਨਾਲ ਪਿੰਡ ਫੈਜ਼ਗੜ੍ਹ ਅਤੇ ਗੱਬੇ ਮਾਜਰਾ ਵਿਚ ਪੀਣ ਵਾਲੇ ਪਾਣੀ ਦੀ ਘਾਟ ਖਤਮ ਹੋ ਜਾਵੇਗੀ ਅਤੇ ਪਿੰਡ ਵਾਸੀਆਂ ਨੂੰ ਪੀਣ ਵਾਲਾ ਪਾਣੀ ਪੂਰੀ ਮਾਤਰਾ ਵਿਚ ਮਿਲੇਗਾ।ਇਸ ਮੌਕੇ ਯੂਥ ਅਕਾਲੀ ਆਗੂ ਸ. ਸਾਹਿਬ ਸਿੰਘ ਬਡਾਲੀ, ਮੈਂਬਰ ਐਸ.ਜੀ.ਪੀ.ਸੀ ਸ਼ ਚਰਨਜੀਤ ਸਿੰਘ ਕਾਲੇਵਾਲ, ਉਪ ਮੰਡਲ ਇੰਜੀਨੀਅਰ ਸ਼ ਗੁਰਪ੍ਰੀਤ ਸਿੰਘ, ਜੇ ਈ ਸ੍ਰੀ ਸਰਬਜੀਤ ਸਿੰਘ, ਸ਼ ਗੁਲਜਾਰ ਸਿੰਘ , ਸਰਪੰਚ ਸ਼ ਬਲਵਿੰਦਰ ਸਿੰਘ ਅਤੇ ਸਰਪੰਚ ਸ਼ ਅਮਨਦੀਪ ਸਿੰਘ ਸਮੇਤ ਵੱਡੀ ਗਿਣਤੀ ਵਿਚ ਪਿੰਡ ਵਾਸੀ ਵੀ ਮੌਜੂਦ ਸਨ।