ਨੇੜਲੇ ਪਿੰਡ ਸ਼ਾਮਪੁਰ ਵਿਖੇ ਗੋਸਵਾਮੀ ਕਲੱਬ ਵੱਲੋਂ ਕੁਸ਼ਤੀ ਦੰਗਲ ਕਰਵਾਇਆ ਗਿਆ । ਇਸ ਕੁਸ਼ਤੀ ਦੰਗਲ ਵਿੱਚ ਮੁਹਾਲੀ ਤੋਂ ਵਿਧਾਇਕ ਬਲਬੀਰ ਸਿੰਘ ਸਿੱਧੂ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ ਤੇ ਝੰਡੀ ਦੀ ਕੁਸ਼ਤੀ ਦੇ ਪਹਿਲਵਾਨਾਂ ਦੀ ਹੱਥਜੋੜੀ ਕਰਵਾਈ । ਝੰਡੀ ਦੀ ਕੁਸ਼ਤੀ ਲਈ ਤਕਰੀਬਨ ਅੱਧਾ ਘੰਟਾ ਚੱਲੇ ਮੁਕਾਬਲੇ ਵਿੱਚ ਅਮਿਤ ਪਟਿਆਲਾ ਨੇ ਸੋਨੂੰ ਚੰਡੀਗੜ੍ਹ ਨੂੰ ਚਿੱਤ ਕੀਤਾ ।ਕਲੱਬ ਦੇ ਪ੍ਰਬੰਧਕਾਂ ਵੱਲੋਂ ਅਮਿਤ ਪਟਿਆਲਾ ਨੂੰ ਕਹੱਤਰ ਹਜ਼ਾਰ ਅਤੇ ਸੋਨੂੰ ਚੰਡੀਗੜ੍ਹ ਨੂੰ ਇਕਵੰਜਾ ਹਜ਼ਾਰ ਦਾ ਨਗਦ ਇਨਾਮ ਦਿੱਤਾ ਗਿਆ । ਇਸ ਮੌਕੇ ਵਿਧਾਇਕ ਸ੍ਰੀ ਸਿੱਧੂ ਨੇ ਗੋਸਵਾਮੀ ਕਲੱਬ ਦੇ ਪ੍ਰਬੰਧਕਾਂ ਦੀ ਭਰਭੂਰ ਸਲਾਘਾ ਕਰਦਿਆਂ ਕਿਹਾ ਖੇਡਾਂ ਨੌਜਵਾਨ ਪੀੜ੍ਹੀ ਨੂੰ ਨਸ਼ਿਆਂ ਤੋਂ ਦੂਰ ਕਰਕੇ ਚੰਗੇ ਕੰਮਾ ਵੱਲੋ ਪ੍ਰੇਰਿਤ ਕਰਦੀਆਂ ਹਨ ਤੇ ਨੌਜਵਾਨਾਂ ਨੂੰ ਨਸ਼ਿਆਂ ਵਾਲੇ ਪਾਸੇ ਜਾਣ ਤੋਂ ਰੋਕਦੀਆਂ ਹਨ । ਉਨ੍ਹਾਂ ਕਿਹਾ ਕਿ ਸੂਬੇ ਵਿੱਚ ਕਾਂਗਰਸ ਪਾਰਟੀ ਦੀ ਸਬਕਾਰ ਬਣਨ ਤੋਂ ਮਗਰੋਂ ਖੇਡਾਂ ਲਈ ਵਿਸੇਸ਼ ਫੰਡ ਕਾਇਮ ਕੀਤੇ ਜਾਣਗੇ । ਇਸ ਮੌਕੇ ਕਲੱਬ ਦੇ ਪ੍ਰਬੰਧਕਾਂ ਅਤੇ ਪਿੰਡ ਨਿਵਾਸੀਆਂ ਵੱਲੋਂ ਵਿਧਾਇਕ ਸੀ੍ਰ ਸਿੱਧੂ ਦਾ ਵਿਸੇਸ਼ ਤੌਰ ਤੇ ਸਨਮਾਨ ਵੀ ਕੀਤਾ । ਸ੍ਰੀ ਸਿੱਧੂ ਨੇ ਆਪਣੇ ਵੱਲੋਂ ਕਲੱਬ ਦੀ ਮਾਲੀ ਮਦਦ ਵੀ ਕੀਤੀ । ਇਸ ਮੌਕੇ ਹੋਰਨਾ ਤੋਂ ਇਲਾਵਾ ਕਲੱਬ ਦੇ ਪ੍ਰਧਾਨ ਜਸਮੇਰ ਗਿਰ, ਬ੍ਰਿਜ ਲਾਲ, ਡਿੰਪਲ ਗਿਰ, ਨਿਰਮੈਲ ਗਿਰ, ਰਣਜੀਤ ਗਿਰ, ਕੁਲਦੀਪ ਗਿਰ ਲਾਡੀ, ਕਰਮਜੀਤ ਕਾਮੀ, ਧਰਮਵੀਰ, ਮੋਹਣ ਸਿੰਘ ਬਠਲਾਣਾਂ ਪ੍ਰਧਾਨ ਬਲਾਕ ਕਾਂਗਰਸ ਕਮੇਟੀ (ਦਿਹਾਤੀ) ਮੁਹਾਲੀ, ਗੁਰਚਰਨ ਸਿੰਘ ਮੀਤ ਪ੍ਰਧਾਨ, ਮਨਜੀਤ ਸਿੰਘ ਤੰਗੋਰੀ ਪ੍ਰਧਾਨ ਜੱਟ ਮਹਾਂਸਭਾ ਬਲਾਕ ਖਰੜ, ਹਰਨੇਕ ਸਿੰਘ ਨੇਕੀ ਸਨੇਟਾ, ਛੱਜਾ ਸਿੰਘ ਸਰਪੰਚ ਕੁਰੜੀ, ਦਲਜੀਤ ਸਿੰਘ ਪ੍ਰਧਾਨ ਜੱਟ ਮਹਾਂਸਭਾ ਜ਼ਿਲ੍ਹਾ ਮੁਹਾਲੀ, ਦਵਿੰਦਰ ਸਿੰਘ ਸਾਬਕਾ ਸਰਪੰਚ ਕੁਰੜਾ, ਸ਼ੇਰ ਸਿੰਘ ਦੈੜੀ, ਭੁਪਿੰਦਰ ਕੁਮਾਰ ਨਗਾਰੀ, ਟਹਿਲ ਸਿੰਘ ਮਾਣਕਪੁਰ ਕੱਲਰ, ਕਰਮ ਸਿੰਘ ਸਰਪੰਚ ਮਾਣਕਪੁਰ ਕੱਲਰ, ਭਜਨ ਸਿੰਘ ਰਾਏਪੁਰ ਕਲਾਂ ਵੀ ਮੌਜੂਦ ਸਨ ।