ਫਿਲਮ 'ਉੜਤਾ ਪੰਜਾਬ' ਜਿਸ ਤੇ ਰੋਕ ਲਗਵਾਉਣ ਲਈ ਸੂਬੇ ਦੀ ਅਕਾਲੀ ਭਾਜਪਾ ਸਰਕਾਰ ਨੇ ਹਰ ਹੱਥ ਕੰਡਾ ਵਰਤਿਆ ਪਰ ਅਦਾਲਤ ਦੇ ਦਖਲ ਤੋਂ ਬਾਅਦ ਏਹ ਫਿਲਮ ਜਨਤਾ ਦੀ ਕਚਿਹਰੀ ਵਿੱਚ ਆਈ ਜਿਸ ਨੂੰ ਸੂਬੇ ਦੇ ਲੋਕਾਂ ਨੇ ਹੰਝੂ ਭਰੀਆਂ ਅੱਖਾਂ ਨਾਲ ਰੱਜ ਕੇ ਸਰਾਇਆ ਅਤੇ ਨਸ਼ੇ ਦੇ ਲਈ ਜਿੰਮੇਂਵਾਰ ਸਮਾਜ ਵਿਰੋਧੀ ਅਨਸ਼ਰਾਂ ਨੂੰ ਰੱਜ ਕੇ ਕੋਸਿਆ ਜਿਨ੍ਹਾਂ ਵਿੱਚ ਸਿਆਸੀ ਆਗੂ ਵੀ ਸ਼ਾਮਿਲ ਹਨ। ਇਨ੍ਹਾਂ ਸਬਦਾਂ ਦਾ ਪ੍ਰਗਟਾਵਾ ਬਸਪਾ ਦੇ ਸੂਬਾ ਪ੍ਰਧਾਨ ਅਤੇ ਸਾਬਕਾ ਰਾਜ ਸਭਾ ਮੈਂਬਰ ਅਵਤਾਰ ਸਿੰਘ ਕਰੀਮਪੁਰੀ ਨੇ ਕੀਤਾ। ਉਨ੍ਹਾਂ ਦੱਸਿਆ ਕਿ ਸੂਬਾ ਇੰਚਾਰਜ ਡਾ: ਮੇਘਰਾਜ, ਕੋਆਡੀਨੇਟਰ ਪ੍ਰਕਾਸ ਭਾਰਤੀ, ਚੌਧਰੀ ਗੁਰਨਾਮ ਸਿੰਘ ਅਤੇ ਖਲਨਾਇਕ ਸਭਾ ਦੇ ਕੌਮੀਂ ਪ੍ਰਧਾਨ ਬਿੰਦਰ ਸਿੰਘ ਖਰੜ੍ਹ ਦੀ ਹਾਜਰੀ 'ਚ ਉਨ੍ਹਾਂ ਅੰਮ੍ਰਿਤਸਰ ਵਿਖੇ ਏਹ ਫਿਲਮ ਦੇਖੀ ਹੈ ਅਤੇ ਫਿਲਮ ਦੇਖਣ ਤੋਂ ਬਾਅਦ ਦਰਬਾਰ ਸਾਹਿਬ ਵਿਖੇ ਅਰਦਾਸ ਕਰਕੇ ਪੰਜਾਬ ਨੂੰ ਨਸ਼ਾ ਮੁਕਤ ਕਰਨ ਦਾ ਸਕਲੰਪ ਲਿਆ ਹੈ। ਉਨ੍ਹਾਂ ਦੱਸਿਆ ਕਿ ਏਹ ਫਿਲਮ ਸੱਤਾਧਾਰੀ ਪਾਰਟੀਆਂ ਦੇ ਕਈ ਆਗੂਆਂ ਦੇ ਨਸ਼ਾ ਤਸ਼ਕਰੀ ਦੇ ਸਬੰਧ ਵਿੱਚ ਪਾਜ ਉਧੇੜਦੀ ਹੈ ਜਿਸ ਕਾਰਨ ਸਰਕਾਰ ਨਹੀ ਸੀ ਚਾਹੁੰਦੀ ਕਿ ਏਹ ਫਿਲਮ ਲੋਕਾਂ ਤੱਕ ਜਾਵੇ। ਉਨ੍ਹਾਂ ਦੱਸਿਆ ਕਿ ਨਸ਼ਿਆਂ ਕਾਰਨ ਜੋ ਪੰਜਾਬ ਦੀ ਬਰਬਾਦੀ ਹੋਈ ਹੈ, ਉਹ ਨਸ਼ੇ ਦੇ ਸੌਦਾਗਰਾਂ, ਜਿਨ੍ਹਾਂ ਨੂੰ ਸੱਤਾਧਾਰੀ ਪਾਰਟੀ ਦੀ ਸਰਪ੍ਰਸਤੀ ਹਾਸ਼ਿਲ ਹੈ, ਕਾਰਨ ਹੋਈ ਹੈ।
ਉਨ੍ਹਾਂ ਕਿਹਾ ਕਿ ਏਹ ਫਿਲਮ ਪੰਜਾਬ ਦੇ ਲੋਕਾਂ ਲਈ ਜਿੰਨੀ ਦਰਦਨਾਕ ਹੈ ਉਨੀਂ ਹੀ ਹੁਕਮਰਾਨਾਂ ਲਈ ਸ਼ਰਮਨਾਕ ਹੈ। ਇਸ ਤੋਂ ਇਲਾਵਾ ਉਨ੍ਹਾਂ ਆਮ ਆਦਮੀਂ ਪਾਰਟੀ ਦੇ ਸੰਸਦ ਵੱਲੋਂ ਦਿੱਤੇ ਸਰਕਾਰ ਟੀਚਰਾਂ ਦੇ ਉਸ ਬਿਆਨ ਦੀ ਵੀ ਨਿੰਦਾ ਕੀਤੀ ਜਿਸ ਵਿੱਚ ਉਨ੍ਹਾ ਸਰਕਾਰੀ ਟੀਚਰਾਂ ਤੇ ਬੇਬੁਨਿਆਦ ਆਰੋਪ ਲਗਾਉਂਦਿਆਂ ਉਨ੍ਹਾਂ ਦੀ ਕਾਰਜ ਸ਼ੈਲੀ ਦਾ ਮਜਾਕ ਉਡਾਇਆ ਸੀ। ਉਨ੍ਹਾਂ ਹੁਸਿਆਰਪੁਰ ਦੀ ਮੁੱਖ ਸੜਕ ਨੂੰ ਚੌੜੀ ਕਰਨ ਲਈ ਕਈ ਕਰੋੜ ਦੇ ਘੁਟਾਲੇ ਹੋਣ ਦੀ ਸ਼ੰਕਾਂ ਕਰਦਿਆਂ ਇਸਦੀ ਭ੍ਰਿਸਟਾਚਾਰ ਐਕਟ ਤਹਿਤ ਜਾਂਚ ਦੀ ਮੰਗ ਕੀਤੀ ਅਤੇ ਜਿੰਮੇਵਾਰ ਵਿਆਕਤੀਆਂ ਤੇ ਤੁੰਰਤ ਮਾਮਲਾ ਦਰਜ ਕਰਨ ਲਈ ਕਿਹਾ। ਉਨ੍ਹਾਂ ਦੱਸਿਆ ਕਿ ਇਸ ਸੜਕ ਨੂੰ ਚੌੜੀ ਕਰਨ ਲਈ ਜਿਸ ਜਮੀਨ ਦੀ ਜਰੂਰਤ ਸੀ ਉਹ ਸੱਤਾਧਾਰੀ ਆਗੂਆਂ ਨੇ ਕਿਸਾਨਾਂ 'ਚ ਖੌਫ ਪੈਦਾ ਕਰਕੇ ਘੱਟ ਕੀਮਤ ਤੇ ਉਨ੍ਹਾਂ ਤੋਂ ਖਰੀਦ ਲਈ ਅਤੇ ਬਾਅਦ ਵਿੱਚ ਸਰਕਾਰ ਨੂੰ ਮਹਿੰਗੇ ਭਾਅ ਤੇ ਵੇਚ ਦਿੱਤਾ। ਉਨ੍ਹਾਂ ਇਸ ਫਰਕ ਦੇ ਪੈਸੇ ਨੂੰ ਵੀ ਲੈਂਡ ਮਾਫੀਆ ਤੋਂ ਵਾਪਸ ਲੈ ਕੇ ਕਿਸਾਨਾਂ ਨੂੰ ਦੇਣ ਦੀ ਮੰਗ ਕੀਤੀ। ਇਸ ਤੋਂ ਇਲਾਵਾ ਉਨ੍ਹਾਂ ਕਿਹਾ ਕਿ ਬਸਪਾ ਪਹਿਲਾਂ ਤੋਂ ਹੀ ਕਹਿੰਦੀ ਆ ਰਹੀ ਹੈ ਕਿ ਸੱਤਾਧਾਰੀ ਪਾਰਟੀ ਪੰਜਾਬ ਵਿੱਚ ਲੋਕਾਂ 'ਚ ਖੌਫ ਪੈਦਾ ਕਰਨ ਲਈ ਗੈਂਗਸਟਰ ਨੂੰ ਉਤਸ਼ਾਹਿਤ ਕਰ ਰਹੀ ਹੈ। ਲੁਧਿਆਣਾ ਵਿੱਚ ਇਸ ਗੈਂਗਸਟਰ ਵਿੱਚ ਸੱਤਾਧਾਰੀ ਪਾਰਟੀ ਦੇ ਆਗੂਆਂ ਦੀ ਗ੍ਰਿਫਤਾਰੀ ਨੇ ਏਹ ਸਾਬਿਤ ਕਰ ਦਿੱਤਾ ਹੈ ਅਸਲ ਮੁੱਦਿਆਂ ਤੋਂ ਲੋਕਾਂ ਦਾ ਧਿਆਨ ਹਟਾਉਣ ਲਈ ਸਰਕਾਰ ਹੀ ਪੰਜਾਬ ਦਾ ਅਮਨ ਤੇ ਕਾਨੂੰਨ ਵਿਵਸਥਾ ਖਰਾਬ ਕਰ ਰਹੀ ਹੈ ਅਤੇ ਅਜਿਹੀ ਸਰਕਾਰ ਨੂੰ ਜੜ੍ਹ ਤੋਂ ਖਤਮ ਕਰਨ ਲਈ ਜਨਤਾ ਨੂੰ ਸਕੰਲਪ ਲੈਣਾ ਚਾਹੀਦਾ ਹੈ।