ਦੀ ਮਿਲੇਨੀਅਮ ਸਕੂਲ ਫ਼ੇਜ਼ 5 ਵੱਲੋਂ ਛੋਟੀ ਉਮਰ ਦੇ ਬੱਚਿਆਂ ਦੇ ਸੰਪੂਰਨ ਅਤੇ ਸੁਚਾਰੂ ਵਿਕਾਸ ਲਈ ਇਕ ਸੈਮੀਨਾਰ ਦਾ ਆਯੋਜਨ ਕੀਤਾ ਗਿਆ। ਇਸ ਸੈਮੀਨਾਰ ਨੂੰ ਤਿੰਨ ਸੈਸ਼ਨ ਵਿਚ ਵੰਡਿਆ ਗਿਆ ਜਿਸ ਵਿਚ ੨੦੦ ਤੋਂ ਵੀ ਜ਼ਿਆਦਾ ਮਾਪਿਆਂ ਨੇ ਮਾਹਿਰਾਂ ਨਾਲ ਬੱਚਿਆਂ ਦੇ ਸਹੀ ਵਿਕਾਸ ਦੇ ਤਰੀਕੇ ਸਾਂਝੇ ਕੀਤੇ । ਇਸ ਸੈਸ਼ਨ ਦਾ ਮੁੱਖ ਮੰਤਵ ਛੋਟੀ ਉਮਰੇ ਬੱਚਿਆਂ ਦੇ ਸਰੀਰਕ ਅਤੇ ਦਿਮਾਗ਼ੀ ਵਿਕਾਸ ਦੇ ਤਰੀਕੇ, ਸਕਾਰਤਮਕ ਸੋਚ ਦੀ ਜੀਵਨ ਜਾਚ ਦੇ ਨਿਯਮ ਅਤੇ ਭਾਰਤੀ ਬੱਚਿਆਂ ਦੇ ਵਿਕਾਸ ਵਿਚ ਆਉਣ ਵਾਲੀਆਂ ਦਰਪੇਸ਼ ਮੁਸ਼ਕਲਾਂ ਸਾਂਝੀਆਂ ਕਰਨਾ ਸੀ। ਇਸ ਸੈਮੀਨਾਰ ਵਿਚ ਇਹ ਜਾਣਕਾਰੀ ਦੀ ਮਿਲੇਨੀਅਮ ਸਕੂਲ ਦੇ ਸੀ ਈ À ਬਿੰਦੂ ਰਾਣਾ ਨੇ ਖ਼ਾਸ ਤੌਰ ਤੇ ਸ਼ਿਰਕਤ ਕਰਦੇ ਹੋਏ ਸਬੰਧਿਤ ਵਿਸ਼ੇ ਤੇ ਅਹਿਮ ਜਾਣਕਾਰੀ ਸਾਂਝੀ ਕੀਤੀ। ਜ਼ਿਕਰਯੋਗ ਹੈ ਕਿ ਡਾ. ਰਾਨਾ ਅੰਤਰ ਰਾਸ਼ਟਰੀ ਪੱਧਰ ਤੇ ਆਧੁਨਿਕ ਸਿੱਖਿਆਂ ਦੇਣ ਲਈ ਮਸ਼ਹੂਰ ਐਡਕੋਮ ਕੰਪਨੀ ਦੇ ਸੀ ਈ ਵੀ ਹਨ।
ਡਾ. ਰਾਣਾ ਨੇ ਮਾਪਿਆਂ ਨੂੰ ਆਪਣੇ ਸੰਬੋਧਨ ਵਿਚ ਦੱਸਿਆ ਕਿ ਬੱਚੇ ਦੇ ਪਹਿਲੇ 2000 ਦਿਨ ਯਾਨੀ ਪਹਿਲੇ 6 ਸਾਲ ਵਿਚ ਜੋ ਦਿਮਾਗ਼ ਪੂਰੀ ਤਰਾਂ ਵਿਕਸਤ ਹੋ ਜਾਂਦਾ ਹੈ ਉਹੀ ਤਮਾਮ ਉਮਰ ਨਾਲ ਚਲਦਾ ਹੈ। ਛੋਟੀ ਉਮਰੇ ਬੱਚੇ ਦੁਨੀਆ ਨੂੰ ਸਮਝਣ ਲਈ ਆਪਣਾ ਪੂਰਾ ਧਿਆਨ ਅਤੇ ਜ਼ੋਰ ਲਗਾ ਦਿੰਦੇ ਹਨ। ਇਸ ਦੇ ਨਾਲ ਹੀ ਇਸ ਉਮਰੇ ਬੱਚਿਆਂ ਵਿਚ ਹਰ ਚੀਜ਼ ਨੂੰ ਸਮਝਣ ਤੇ ਜਾਣਨ ਦੀ ਪ੍ਰਬਲ ਇੱਛਾ ਹੁੰਦੀ ਹੈ। ਇਸ ਲਈ ਪਹਿਲੇ 6 ਸਾਲ ਹਰ ਬੱਚੇ ਲਈ ਬਹੁਤ ਜ਼ਰੂਰੀ ਹੁੰਦੇ ਹਨ।ਇਸ ਦੇ ਨਾਲ ਹੀ ਡਾ. ਬ੍ਰਿਦਾ ਰਾਣਾ ਨੇ ਪੱਛਮੀ ਦੇਸ਼ਾਂ ਅਤੇ ਭਾਰਤ ਦੇ ਪ੍ਰਾਇਮਰੀ ਸਿੱਖਿਆਂ ਬਾਰੇ ਜਾਣਕਾਰੀ ਸਾਂਝੀ ਕਰਦੇ ਹੋਏ ਕਿਹਾ ਕਿ ਕਿਉਂ ਜੋ 6 ਸਾਲ ਤੱਕ ਬੱਚੇ ਦੇ ਦਿਮਾਗ਼ ਦਾ ਸੁਚਾਰੂ ਰੂਪ ਵਿਚ ਵਿਕਾਸ ਹੋਣਾ ਜ਼ਰੂਰੀ ਹੈ ਇਸ ਲਈ ਅਮਰੀਕਾ ਸਮੇਤ ਪੱਛਮੀ ਸਮਾਜ ਵਿਚ ਕਿੰਡਰ ਗਾਰਡਨ ਦੀ ਪੜਾਈ ਵੱਲ ਵਧੇਰੇ ਧਿਆਨ ਦਿਤਾ ਜਾਂਦਾ ਹੈ।
ਇਹੀ ਕਾਰਨ ਹੈ ਕਿ ਉਨ੍ਹਾਂ ਦੇਸ਼ਾਂ ਵਿਚ ਬੱਚੇ ਲਈ ਪ੍ਰੀ ਨਰਸਰੀ ਅਤੇ ਕੇ.ਜੀ ਕਲਾਸ ਦੀ ਪੜਾਈ ਬਹੁਤ ਮਾਈਏ ਰੱਖਦੀ ਹੈ। ਇਸ ਦੇ ਉਲਟ ਭਾਰਤ ਵਿਚ ਖ਼ਾਸ ਕਰਕੇ ਉੱਤਰੀ ਭਾਰਤ 'ਚ ਆਮ ਤੌਰ ਤੇ ਇਨ੍ਹਾਂ ਕਲਾਸਾਂ ਦੀ ਪੜਾਈ ਮੌਕੇ ਬਹੁਤਾ ਧਿਆਨ ਨਹੀਂ ਦਿਤਾ ਜਾਂਦਾ ਜਿਸ ਦੇ ਚੱਲਦਿਆਂ ਬੱਚੇ ਅੰਤਰ ਰਾਸ਼ਟਰੀ ਪੱਧਰ ਦੇ ਮੁਕਾਬਲਿਆਂ ਵਿਚ ਆਪਣਾ ਸਹੀ ਮੁਕਾਮ ਲੈਣ ਤੋਂ ਪਛੜ ਜਾਂਦੇ ਹਨ। ਇਸ ਮੌਕੇ ਤੇ ਡਾ. ਬ੍ਰਿਦਾ ਰਾਣਾ ਨੇ ਇਕ ਚੰਗਾ ਮਾਂ ਬਾਪ ਦੇ ਗੁਰ ਵੀ ਮਾਪਿਆਂ ਨਾਲ ਸਾਂਝੇ ਕੀਤੇ। ਇਸ ਦੌਰਾਨ ਮਾਪਿਆ ਵੱਲੋਂ ਵੀ ਜਗਇਆਸਾ ਸਹਿਤ ਕਈ ਅਹਿਮ ਸਵਾਲ ਪੁੱਛੇ ਗਏ ਜਿਨ੍ਹਾਂ ਦਾ ਉਨ੍ਹਾਂ ਬਿਹਤਰੀਨ ਤਰੀਕੇ ਨਾਲ ਜਵਾਬ ਦਿਤਾ ।ਇਸ ਮੌਕੇ ਤੇ ਸਕੂਲ ਦੇ ਪ੍ਰਿੰਸੀਪਲ ਪਰਮਿੰਦਰ ਦੁੱਗਲ ਨੇ ਕਿਹਾ ਕਿ ਜੇਕਰ ਮਾਪੇ ਬੱਚਿਆਂ ਨੂੰ ਅੰਤਰ ਰਾਸ਼ਟਰੀ ਪੱਧਰ ਦੇ ਮੁਕਾਬਲਿਆਂ ਲਈ ਤਿਆਰ ਕਰਨਾ ਚਾਹੁਦੇਂ ਹਨ ਤਾਂ ਪ੍ਰੀ ਸਕੂਲ ਦੀ ਪੜਾਈ ਅਤੇ ਸੋਚ ਨੂੰ ਪੂਰੀ ਸਮਝਦਾਰੀ ਨਾਲ ਚੱਲਣਾ ਜ਼ਰੂਰੀ ਹੋ ਜਾਂਦਾ ਹੈ। ਇਸ ਦੇ ਇਲਾਵਾ ਮਾਪਿਆਂ ਨੂੰ ਤੰਦਰੁਸਤੀ, ਪੌਸ਼ਟਿਕ ਅਤੇ ਬੱਚਿਆਂ ਵੱਲੋਂ ਆਮ ਤੌਰ ਤੇ ਪਸੰਦ ਕੀਤੇ ਜਾਣ ਵਾਲੇ ਵਿਅੰਜਨ ਵੀ ਬਣਾ ਕੇ ਦੱਸੇ ਗਏ।