ਪੰਜਾਬ ਡੈਮੋਕ੍ਰੈਟਿਕ ਪਾਰਟੀ ਭਾਰਤੀ ਚੋਣ ਕਮੀਸ਼ਨ ਤੋਂ ਪੰਜੀਕ੍ਰਿਤ ਸਿਆਸੀ ਪਾਰਟੀ ਹੈ। ਇਸ ਪਾਰਟੀ ਦਾ ਚੋਣ ਕਮੀਸ਼ਨ ਨਾਲ ਪੰਜੀਕਰਨ ੮ ਮਾਰਚ ੨੦੧੬ ਨੂੰ ਹੋ ਚੁਕਿਆ ਹੈ। ਪਾਰਟੀ ਦਾ ਮੁੱਖ ਅਜੰਡਾ ਬੁਨਿਆਦੀ ਸਹੂਲਤਾਂ ਅਤੇ ਸਮਾਜਿਕ ਸੁਰੱਖਿਆ ਉਪਲਬਧ ਕਰਵਾਉਣਾ ਹੈ।ਪੰਜਾਬ ਡੈਮੋਕ੍ਰੈਟਿਕ ਪਾਰਟੀ ਦੇ ਪ੍ਰਧਾਨ ਗੁਰਕਿਰਪਾਲ ਸਿੰਘ ਪੰਜਾਬ ਨੇ ਕਿਹਾ ਕਿ ਪਾਰਟੀ ਆਪਣੇ ਇਸ ਅਜੰਡੇ ਨੂੰ ਮੁੱਖ ਰੱਖਦੇ ਹੋਏ ਬਾਪੂ ਸੂਰਤ ਸਿੰਘ ਖਾਲਸਾ ਜੀ ਦੀ ਜੰਗ ਨੂੰ ਪੂਰਾ ਸਮਰਥਨ ਦਿੰਦੀ ਹੈ, ਅਤੇ ਇਹ ਫੈਸਲਾ ਵੀ ਕਰਦੇ ਹਾਂ ਕੀ ਜੇਕਰ ੨੦੧੭ ਵਿੱਚ ਪੰਜਾਬ ਡੈਮੋਕ੍ਰੈਟਿਕ ਪਾਰਟੀ ਦੀ ਸਰਕਾਰ ਬਣਦੀ ਹੈ ਤਾਂ ਪਾਰਟੀਂ ਸਬ ਤੋਂ ਪਹਿਲਾਂ ਜਿਨ੍ਹਾਂ ਕੈਦੀਆਂ ਦੀ ਸਜ਼ਾ ਪੂਰੀ ਹੋ ਚੁੱਕੀ ਹੈ ਉਨ੍ਹਾਂ ਨੂੰ ਰਿਹਾਅ ਕਰਵਾਇਆ ਜਾਵੇਗਾ। ਉਹ ਕੈਦੀ ਭਾਵੇਂ ਕਿਸੇ ਵੀ ਜਾਤ ਜਾਂ ਧਰਮ ਨਾਲ ਸੰਬੰਧ ਰੱਖਦਾ ਹੋਵੇ।ਪਾਰਟੀ ਦੇ ਪ੍ਰਧਾਨ ਗੁਰਕਿਰਪਾਲ ਸਿੰਘ ਪੰਜਾਬ ਨੇ ਦੱਸਿਆ ਕਿ, '' ਕੈਦੀ ਭਾਵੇਂ ਕਿਸੇ ਵੀ ਜਾਤ ਜਾਂ ਧਰਮ ਨਾਲ ਸੰਬੰਧ ਰੱਖਦਾ ਹੋਵੇ, ਜਦ ਉਸ ਦੀ ਸਜ਼ਾ ਖਤਮ ਹੋ ਜਾਵੇ ਤਾਂ ਉਸ ਨੂੰ ਜੇਲ੍ਹ ਤੋਂ ਆਜ਼ਾਦੀ ਦੇ ਦੇਣੀ ਚਾਹੀਦੀ ਹੈ।
ਪੰਜਾਬ ਡੈਮੋਕ੍ਰੈਟਿਕ ਪਾਰਟੀ ਦੇ ਸੰਵਿਧਾਨ ਮੁਤਾਬਕ ਸਮਾਜਿਕ ਸੁਰੱਖਿਆ ਅਤੇ ਬੁਨਿਆਦੀ ਸਹੂਲਤਾਂ ਉਪਲਬਧ ਕਰਵਾਉਣਾ ਪਾਰਟੀ ਦੀ ਮੁੱਖ ਅਜੰਡਾ ਹੈ ਅਤੇ ਕੈਦੀ ਦੀ ਸਜ਼ਾ ਪੂਰੀ ਹੋਣ ਤੋਂ ਬਾਅਦ ਉਸ ਦੀ ਸੁਤੰਤਰਤਾ ਉਸ ਦਾ ਮਨੁੱਖੀ ਅਧੀਕਾਰ ਹੈ। ਉਨ੍ਹਾਂ ਨੂੰ ਇਨਸਾਫ਼ ਦਵਾਉਣਾ ਸਰਕਾਰਾਂ ਦੀ ਮੁੱਖ ਜ਼ਿਮੇਵਾਰੀ ਹੈ । ਇਸ ਲਈ ਪੰਜਾਬ ਡੈਮੋਕ੍ਰੈਟਿਕ ਪਾਰਟੀ ਆਪਣੇ ਇਸ ਫ਼ੈਸਲੇ ਤੇ ਗਰਵ ਵੀ ਕਰਦੀ ਹੈ ਅਤੇ ਉਨ੍ਹਾਂ ਸਮਾਜ ਸੇਵੀ ਅਤੇ ਮਨੁਖੀ ਅਧੀਕਾਰਾਂ ਦੀ ਲੜਾਈ ਲੜ੍ਹ ਰਹੀ ਸੰਸਥਾਵਾਂ ਨੂੰ ਇਹ ਪੁਛਣਾ ਚਾਹੁੰਦੇਂ ਹਾਂ ਕਿ ਉਹ ਸਬ ਇਸ ਮਾਮਲੇ ਵਿੱਚ ਚੁਪ ਕਿਉਂ ਹਨ?? ਅਸੀ ਉਂਨ੍ਹਾਂ ਜਥੇਬੰਦੀਆਂ ਨੂੰ ਪੁਛਣਾ ਚਾਹੁੰਦੇ ਹਾਂ ਜਿਨ੍ਹਾਂ ਨੇ ਇਨਸਾਫ਼ ਦੀਆ ਟੀਮਾਂ ਬਣਾ ਕੇ ਇਨਸਾਫ਼ ਬਣਾਉਣ ਦਾ ਠੇਕਾ ਵੀ ਲਿਆਂ ਹੈ ਪਰੰਤੂ , ਉਹ ਸਿਰਫ਼ ਆਪਣੇ ਸ਼ਰੀਕੇ ਅਤੇ ਨਿਜੀ ਦੁਸ਼ਮਨਾਂ ਖਿਲਾਫ਼ ਹੀ ਲੜਾਈ ਲੜ ਰਹੇ ਹਨ। ਅਜਿਹੀ ਇਨਸਾਫ਼ ਦੀਆਂ ਟੀਮਾਂ ਆਪਣੇ ਵਿਧਾਨ ਸਭਾ ਹਲਕੇ ਤਕ ਹੀ ਸੀਮਤ ਹਨ, ਜਿਥੋਂ ਉਨ੍ਹਾਂ ਨੂੰ ਵੋਟਾਂ ਪ੍ਰਾਪਤ ਹੋਣਗੀਆਂ, ਅਸੀ ਅਜਿਹੀ ਇਨਸਾਫ਼ ਟੀਮਾਂ ਨੂੰ ਪੁਛਣਾਂ ਚਾਹੁੰਦੇ ਹਾਂ ਕਿ ਬਾਪੂ ਸੂਰਤ ਸਿੰਘ ਖਾਲਸਾ ਦੇ ਸੰਘਰਸ਼ ਲਈ ਅੱਗੇ ਹੱਥ ਕਿਉਂ ਨਹੀਂ ਵਧਾਇਆ ਗਿਆ??? ''ਉਨ੍ਹਾਂ ਕਿਹਾ ਕਿ , ''ਇਸ ਮੁਦੇ ਨੂੰ ਸਿਆਸੀ ਰੰਗਤ ਦੇਕੇ ਧਰਮ ਨਾਲ ਨਾ ਜੋੜੀਆ ਜਾਵੇ, ਜਦ ਕਿ ਇਹ ਜੰਗ ਬਾਪੂ ਸੂਰਤ ਸਿੰਘ ਖਾਲਸਾ ਮਨੁਖੀ ਅਧੀਕਾਰਾਂ ਲਈ ਲੜ ਰਹੇ ਸਨ। ਅਸੀ ਉਂਨਾਂ ਇਨਸਾਫ਼ ਦੀਆਂ ਟੀਮਾਂ ਅਤੇ ਮਨੁਖੀ ਅਧੀਕਾਰ ਦਵਾਉਣ ਵਾਲੀਆਂ ਸੰਸਥਾਵਾਂ ਨੂੰ ਜਗਾਉਣਾ ਚਾਹੁੰਦੇ ਹਾਂ ਕਿ ਜੇਕਰ ਉਹ ਸੱਚ ਮੁਚ ਇਨਸਾਫ਼ ਦੀ ਲੜਾਈ ਲੜ ਰਹੇ ਹਨ ਤਾਂ ਅਗੇ ਆਉਣ ਅਤੇ ਬਾਪੂ ਸੂਰਤ ਸਿੰਘ ਖਾਲਸਾ ਦੇ ਸੰਘਰਸ਼ ਨੂੰ ਸਮਰਥਨ ਦੇਣ।''