ਮੌਜ-ਮਸਤੀ, ਖੁਸ਼ੀ, ਮੁਸਕੁਰਾਹਟ ਅਤੇ ਨਵਾਂ ਜੋਸ਼ ਕੰਟੀਨੈਂਟਲ ਸੀਨੀਅਰ ਸੈਕੰਡਰੀ ਸਕੂਲ ਫਤਿਹਗੜ੍ਹ ਸਾਹਿਬ ਵਿਖੇ ਨਵੇਂ ਅਕੈਡਮੀ ਸ਼ੈਸ਼ਨ ਦੀ ਸ਼ੁਰੂਆਤ ਦੇ ਚਿੰਨ੍ਹ ਸਨ। ਸਕੂਲ ਛੱਡ ਕੇ ਜਾਣ ਵਾਲੇ ਅਤੇ ਨਵੇਂ ਸ਼ੈਸ਼ਨ ਵਿਚ ਦਾਖਲਾ ਲੈਣ ਵਾਲੇ ਵਿਦਿਆਰਥੀਆਂ ਦੇ ਸਵਾਗਤ ਲਈ ਇਕ ਫਰੈਸ਼ਰਸ ਕਮ ਫੇਅਰਵੈਲ ਪਾਰਟੀ ਦਾ ਆਯੋਜਨ ਕੀਤਾ ਗਿਆ।ਸਮਾਰੋਹ ਵਿਚ ਲੈਫ. ਕਰਨਲ ਬੀ. ਐਸ. ਸੰਧੂ (ਚੇਅਰਮੈਨ ਅਤੇ ਮੈਨੇਜਿੰਗ ਡਾਇਰੈਕਟਰ, ਕੰਟੀਨੈਂਟਲ ਗਰੁੱਪ ਆਫ ਇੰਸਟੀਚਿਊਟ) ਮੁਖ ਮਹਿਮਾਨ ਵਜੋਂ ਪਹੁੰਚੇ। ਇਸ ਸ਼ੁਭ ਦਿਨ ਦੀ ਸ਼ੁਰੂਆਤ ਮੌਕੇ ਸਰਵ ਸ਼ਕਤੀਮਾਨ ਉਸ ਪ੍ਰਮਾਤਮਾ ਦਾ ਆਸ਼ੀਰਵਾਦ ਲੈਣ ਲਈ ਪ੍ਰਾਥਨਾ ਕੀਤੀ ਗਈ। ਫਿਰ ਗਰੁੱਪ ਦੇ ਡਾਇਰੈਕਟਰ ਐਮ. ਐਸ ਗਰੇਵਾਲ ਨੇ ਨਵੇਂ ਵਿਦਿਆਰਥੀਆਂ ਨੂੰ ਕੰਟੀਨੈਂਟਲ ਗਰੁੱਪ ਆਫ ਇੰਸਟੀਚਿਊਟ ਜੁਆਇਨ ਕਰਨ 'ਤੇ ਵਧਾਈ ਦਿੱਤੀ ਅਤੇ ਪਾਸ ਹੋ ਕੇ ਜਾਣ ਵਾਲੇ ਵਿਦਿਆਰਥੀਆਂ ਨੂੰ ਭਵਿੱਖ ਵਿਚ ਹੋਰ ਮਿਹਤਨ ਕਰਨ ਲਈ ਪ੍ਰੇਰਿਆ ਤਾਂ ਕਿ ਉਹ ਆਪਣੇ ਸੁਪਨਿਆਂ ਨੂੰ ਸਾਕਾਰ ਕਰ ਸਕਣ ਅਤੇ ਪੜਾ੍ਹਈ ਦੇ ਖੇਤਰ ਵਿਚ ਉਹ ਜੋ ਵੀ ਖੇਤਰ ਚੁਨਣ ਉਸ ਵਿਚ ਬੁਲੰਦੀਆਂ ਨੂੰ ਛੂੰਹਣ।
ਲੈਫ. ਕਰਨਲ ਬੀ. ਐਸ. ਸੰਧੂ ਨੇ ਕਿਹਾ ਕਿ 'ਵਿਦਿਆਰਥੀਆਂ ਨੂੰ ਭਵਿੱਖ ਵਿਚ ਅੱਗੇ ਵੱਧਣ ਲਈ ਸਮੇਂ ਦੀ ਕਦਰ ਕਰਨੀ ਚਾਹੀਦੀ ਹੈ। ਮੇਰੀ ਇੱਛਾ ਹੈ ਕਿ ਕਾਲਜ ਛੱਡ ਕੇ ਜਾਣ ਵਾਲੇ ਵਿਦਿਆਰਥੀ ਆਪਣੀ ਸਫਲਤਾ ਅਤੇ ਖੁਸ਼ੀਆਂ ਨਾਲ ਭਵਿੱਖ ਵਿਚ ਅੱਗੇ ਵੱਧਣ। ਸਮਾਰੋਹ ਵਿਚ ਸੀਨੀਅਰ ਦੇ ਜੂਨੀਅਰ ਵਿਦਿਆਰਥੀਆਂ ਵੱਲੋਂ ਕਈ ਦਿਲਖਿਚਵੇ ਪ੍ਰਦਰਸ਼ਨ ਦੇਖਣ ਨੂੰ ਮਿਲੇ ਜਿਨਾਂ ਨੇ ਸਮਾਰੋਹ ਨੂੰ ਹੋਰ ਚਾਰ ਚੰਨ ਲਗਾ ਦਿੱਤੇ। ਵਿਦਿਆਰਥੀਆਂ ਨੇ ਵੱਖ-ਵੱਖ ਗੇਮਾਂ, ਮਾਡਲਿੰਗ, ਨਾਟਕ ਆਦਿ ਵਿਚ ਵੱਧ-ਚੜ੍ਹਕੇ ਹਿੱਸਾ ਲਿਆ। ਇਸ ਮੌਕੇ ਨਵਜੋਤ ਸਿੰਘ ਮਿਸਟਰ ਫਰੈਸ਼ਰ ਅਤੇ ਅਰਸ਼ ਬਲੀਮ ਮਿਸ ਫਰੈਸ਼ਰ ਚੁਣੇ ਗਏ। ਅੰਤ ਵਿਚ ਪ੍ਰੋਫੈਸਰ ਗਗਨਦੀਪ ਕੌਰ ਨੇ ਸਮਾਰੋਹ ਵਿਚ ਪਹੁੰਚੇ ਮਹਿਮਾਨਾਂ ਅਤੇ ਸ਼ੌਅ ਦੇ ਆਯੋਜਕਾਂ ਦਾ ਵਿਸ਼ੇਸ ਤੌਰ 'ਤੇ ਧੰਨਵਾਦ ਕੀਤਾ। ਬਾਅਦ ਵਿਚ ਸ਼ਾਮ ਨੂੰ ਡਾਂਸ ਫਲੋਰ 'ਤੇ ਵਿਦਿਅਰਥੀਆਂ ਨੇ ਡੀ.ਜੇ. ਦੀਆਂ ਧੁੰਨਾਂ 'ਤੇ ਡਾਂਸ ਵੀ ਕੀਤਾ। ਇਸ ਦੌਰਾਨ ਸੀਨੀਅਰ ਅਤੇ ਜੂਨੀਅਰ ਵਿਦਿਆਰਥੀਆਂ ਨੇ ਆਪਣੇ ਰਿਸ਼ਤਿਆਂ ਨੂੰ ਪੱਕਾ ਕਰਨ ਲਈ ਇਕ ਮਜਬੂਤ ਨੀਂਹ ਰੱਖੀ।