ਨਵਨਿਯੁਕਤ ਸੰਸਦ ਮੈਂਬਰ (ਰਾਜ ਸਭਾ) ਸ਼ਵੇਤ ਮਲਿਕ ਨੇ ਦੇਸ਼ ਦੀ ਏਕਤਾ ਅਤੇ ਸੁਰਖਿਆ ਨੂੰ ਧਿਆਨ ਵਿੱਚ ਰਖਦੇ ਹੋਏ ਅਟਾਰੀ ਵਿਚਲੇ ਵਾਹਗਾ ਬਾਰਡਰ ਤੇ ਟਰੱਕ ਸਕੈਨਰ ਮਸ਼ੀਨਾਂ ਲਗਾਉਣ ਲਈ ਕੇਂਦਰੀ ਗ੍ਰਹਿਮੰਤਰੀ ਰਾਜਨਾਥ ਸਿੰਘ ਅਤੇ ਗ੍ਰਹਿ ਰਾਜ ਮੰਤਰੀ ਕਿਰਨ ਰਿਜਿਜੂ ਨਾਲ ਮੁਲਾਕਾਤ ਕੀਤੀ। ਉਨ੍ਹਾਂ ਇਸ ਵੇਲੇ ਟਰੱਕ ਸਕੈਨਰਾਂ ਦੇ ਨਾ ਹੋਣ ਕਾਰਨ ਪੇਸ਼ ਆ ਰਹੀਆਂ ਮੁਸ਼ਕਲਾਂ ਬਾਰੇ ਵਿਸਥਾਰ ਵਿੱਚ ਚਰਚਾ ਕੀਤੀ। ਦੋਵੇਂ ਮੰਤਰੀਆਂ ਨੇ ਵਿਸ਼ੇ ਦੀ ਗੰਭੀਰਤਾ ਨੂੰ ਸਮਝਦੇ ਹੋਏ ਫੋਰੀ ਤੌਰ ਤੇ ਜੁਆਇੰਟ ਸਕੱਤਰ (ਬਾਰਡਰ) ਨੂੰ ਦੋ ਮਸ਼ੀਨਾਂ ਲਗਵਾਉਣ ਦੇ ਹੁਕਮ ਦਿੱਤੇ। ਸ਼ਵੇਤ ਮਲਿਕ ਨੇ ਦਸਿਆ ਕਿ ਵਾਹਗਾ ਬਾਰਡਰ ਇੱਕ ਅਸ਼ਾਂਤ ਬਾਰਡਰ ਹੈ। ਆਏ ਦਿਨ ਇਸ ਖੇਤਰ ਵਿੱਚ ਕੋਈ ਨਾ ਕੋਈ ਮਾੜੀ ਘਟਨਾ ਵਾਪਰ ਦੀ ਰਹਿੰਦੀ ਹੈ। ਇਸ ਤੋਂ ਇਲਾਵਾਂ ਭਾਰਤ-ਪਾਕਿਸਤਾਨ ਦੇ ਦੁਵੱਲੇ ਵਪਾਰ ਦੇ ਚਲਦਿਆ ਟਰੱਕਾਂ ਦਾ ਆਉਣਾ-ਜਾਣਾ ਲੱਗਾ ਰਹਿੰਦਾ ਹੈ।
ਹਰ ਰੋਜ ਤਕਰੀਬਨ 300 ਟਰੱਕ ਮਾਲ ਦੀ ਬਰਾਮਦ ਅਤੇ ਦਰਾਮਦ ਹੁੰਦੀ ਹੈ। ਇਸ ਦੌਰਾਨ ਚੈਕਿੰਗ ਦੇ ਕੰਮ ਲਈ ਸੁਘਣ ਵਾਲੇ ਕੁੱਤਿਆ ਦੀ ਮਦਦ ਲਈ ਜਾਂਦੀ ਹੈ। ਚੈਕਿੰਗ ਦਾ ਤਰੀਕਾ ਕਾਫੀ ਲੰਬਾ ਅਤੇ ਸੁਰਖਿਆ ਦੇ ਲਿਹਾਜ ਨਾਲ ਵਧੇਰੇ ਭਰੋਸੇ ਯੋਗ ਨਹੀਂ ਹੈ। ਵਧੇਰਾ ਸਮਾਂ ਖਪਾਉਣ ਵਾਲੀ ਅਤੇ ਵਿਅਕਤੀਗਤ ਜਾਂਚ ਦੀ ਇਸ ਪ੍ਰਕਿਰਿਆ ਨਾਲ ਵਪਾਰੀਆਂ ਨੂੰ ਕਾਫੀ ਨੁਕਸਾਨ ਝੱਲਣਾ ਪਹਿੰਦਾ ਹੈ। ਕਈ-ਕਈ ਦਿਨ ਕਤਾਰਾਂ ਵਿੱਚ ਖੜੇ ਟਰੱਕਾਂ ਵਿੱਚ ਭਰੀ ਖਾਣ ਯੋਗ ਸਮਗਰੀ ਵੀ ਖਰਾਬ ਹੋਣ ਦਾ ਵੀ ਖਦਸਾ ਬਣਿਆ ਰਹਿੰਦਾ ਹੈ। ਟਰੱਕ ਸਕੈਨਰਾਂ ਦੇ ਚੱਲਦੇ ਜਿੱਥੇ ਚੈਕਿੰਗ ਦੇ ਕੰਮ ਵਿੱਚ ਤੇਜੀ ਆਵੇਗੀ। ਉਥੇ ਸੁਰਖਿਆ ਦੇ ਢੰਗ-ਤਰੀਕਿਆ ਵਿੱਚ ਵੀ ਮਜਬੂਤੀ ਆਵੇਗੀ।