ਬੀਤੀ ਦੇਰ ਰਾਤ ਭਦੌੜ ਦੇ ਬਰਨਾਲਾ ਰੋਡ ਸਥਿਤ ਸਿੰਗਲਾ ਟਿੰਬਰ ਸਟੋਰ ਤੇ ਕੁੱਝ ਲੁਟੇਰਿਆਂ ਨੇ ਦੁਕਾਨ ਮਾਲਕ ਤੋਂ ਲੁੱਟ ਦੀ ਨੀਯਤ ਨਾਲ ਹਮਲਾ ਕਰ ਉਹਨਾਂ ਨੂੰ ਜਖ਼ਮੀ ਕਰ ਦਿੱਤਾ ਪਰ ਲੁੱਟ ਦੀ ਘਟਨਾਂ ਨੂੰ ਅੰਜਾਮ ਦੇਣ ਵਿੱਚ ਅਸ਼ਫਲ ਰਹੇ ਤੇ ਇਹ ਸਾਰੀ ਵਾਰਦਾਤ ਦੁਕਾਨ ਅੰਦਰ ਲੱਗੇ ਸੀ.ਸੀ.ਟੀ.ਵੀ ਕੈਮਰਿਆਂ ਅੰਦਰ ਕੈਦ ਹੋ ਗਈ।ਪੱਤਰਕਾਰਾਂ ਨਾਲ ਗੱਲ ਕਰਦਿਆਂ ਦੁਕਾਨ ਮਾਲਕ ਮਹੇਸ਼ ਕੁਮਾਰ ਅਤੇ ਹਨੀਸ਼ ਕੁਮਾਰ ਪੁੱਤਰ ਰਾਜ਼ ਕੁਮਾਰ ਨੇ ਦੱਸਿਆ ਕਿ ਓਹ ਰਾਤ ਦਸ ਵਜ਼ੇ ਦੇ ਕਰੀਬ ਦੁਕਾਨ ਨੂੰ ਬੰਦ ਕਰਨ ਲੱਗੇ ਸਨ ਤੇ ਅਚਾਨਕ ਮੋਟਰਸਾਇਕਲ ਤੇ ਚਾਰ ਨੋਜਵਾਨ ਜਿੰਨਾਂ ਦੇ ਮੂੰਹ ਬੰਨੇ ਹੋਏ ਸਨ ਤੇ ਓਹ ਦੁਕਾਨ ਅੰਦਰ ਦਾਖ਼ਲ ਹੋਏ ਜਿੰਨਾਂ 'ਚੋਂ ਇੱਕ ਦੇ ਕੋਲ ਰਿਵਾਲਵਰ ਸੀ ਤੇ ਉਹਨਾਂ ਕੋਲੋਂ ਬੈਗ ਖੋਹਣ ਦਾ ਯਤਨ ਕੀਤਾ ਤੇ ਉਹਨਾਂ ਦੀ ਕੁੱਟਮਾਰ ਕੀਤੀ। ਇਸ ਕੁੱਟਮਾਰ ਵਿੱਚ ਹਨੀਸ਼ ਕੁਮਾਰ ਦੇ ਸੱਟਾਂ ਵੀ ਲੱਗੀਆਂ। ਰੌਲਾ ਪੈਣ ਤੇ ਲੁਟੇਰੇ ਬਿਨਾਂ ਲੁੱਟ ਖੋਹ ਕੀਤੇ ਉਥੋ ਭੱਜ਼ ਨਿਕਲੇ। ਉਹਨਾਂ ਨੇ ਤਰੁੰਤ ਘਟਨਾਂ ਬਆਦ ਇਸ ਦੀ ਸੂਚਨਾਂ ਆਪਣੇ ਪਰਿਵਾਰਕ ਮੈਂਬਰਾਂ ਅਤੇ ਪੁਲਸ ਨੂੰ ਦਿੱਤੀ ਤੇ ਮੌਕੇ ਤੇ ਭਦੌੜ ਪੁਲਸ ਦੇ ਥਾਣਾ ਮੁੱਖੀ ਸਰਬਜੀਤ ਸਿੰਘ ਪਹੁੰਚ ਗਏ ਤੇ ਵੀਡੀਓ ਫੁਟੇਜ਼ ਦੇਖਣ ਬਆਦ ਤਰੁੰਤ ਦੋਸ਼ੀਆਂ ਦੀ ਭਾਲ ਸ਼ੁਰੂ ਕਰ ਦਿੱਤੀ।
ਕੀ ਕਹਿੰਦੇ ਪੁਲਸ ਅਧਿਕਾਰੀ :
ਇਸ ਸਬੰਧੀ ਜਦ ਭਦੌੜ ਦੇ ਥਾਣਾ ਮੁੱਖੀ ਸਰਬਜੀਤ ਸਿੰਘ ਨਾਲ ਗੱਲ ਕੀਤੀ ਤਾਂ ਉਹਨਾਂ ਨੇ ਦੱਸਿਆ ਕਿ ਕੈਮਰਿਆਂ ਦੀ ਫੁਟੇਜ਼ ਕਬਜ਼ੇ ਚ ਲੈ ਦੁਕਾਨ ਮਾਲਕ ਮਹੇਸ਼ ਕੁਮਾਰ ਦੇ ਬਿਆਨਾਂ ਦੇ ਅਧਾਰ ਤੇ ਪੁਲਸ ਨੇ ਮੁੱਕਦਮਾ ਨੰ 20 ਦਰਜ਼ ਕਰ ਲਿਆ ਤੇ ਲੁਟੇਰਿਆਂ ਦੀ ਭਾਲ ਲਈ ਛਾਪੇਮਾਰੀ ਕੀਤੀ ਜਾ ਰਹੀ ਹੈ ਜਲਦ ਹੀ ਉਹਨਾਂ ਨੂੰ ਕਾਬੂ ਕਰ ਲਿਆ ਜਾਵੇਗਾ।