ਕੰਟੀਨੇਂਟਲ ਗਰੁੱਪ ਆਫ ਇੰਸਟੀਚਿਊਟਸ ਦੇ ਵਿਦਿਆਰਥੀਆਂ ਨੇ ਹਾਲ ਹੀ ਵਿਚ ਦਸੰਬਰ-2015 ਦੀਆਂ ਯੂਨੀਵਰਸਿਟੀ ਪ੍ਰੀਖਿਆਵਾਂ ਦੇ ਨਤੀਜਿਆਂ ਵਿਚ ਬੇਹਤਰੀਨ ਕਾਮਯਾਬੀ ਹਾਸਲ ਕੀਤੀ ਹੈ। ਕੰਟੀਨੇਂਟਲ ਕਾਲਜ ਆਫ ਹਾਇਰ ਸਟੱਡੀਜ਼ ਦੇ ਵਿਦਿਆਰਥੀਆਂ ਵਿਚੋਂ ਤਜਵਿੰਦਰ ਕੌਰ ਨੇ ਯੂਨੀਵਰਸਿਟੀ ਟਾਪਰ ਦਾ ਸਥਾਨ ਹਾਸਲ ਕੀਤਾ ਹੈ। ਉਨ੍ਹਾਂ ਨੇ ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ ਦੇ ਐਮ. ਐਸ. ਸੀ. (ਫੈਸ਼ਨ ਟੈਕਨਾਲੋਜੀ) ਦੇ ਥਰਡ ਸਮੈਸਟਰ ਦੀ ਪ੍ਰੀਖਿਆ ਵਿਚ 85.5 ਫੀਸਦੀ ਅੰਕ ਲਏ। ਦੂਸਰੇ ਸਥਾਨ 'ਤੇ ਰਹੀ ਅਮਨਦੀਪ ਕੌਰ ਜਿਨਾਂ ਨੇ 85.6 ਫੀਸਦੀ ਅੰਕ ਹਾਸਲ ਕੀਤੇ।ਵਿਦਿਆਰਥੀਆਂ ਨੂੰ ਵਧਾਈ ਦਿੰਦੇ ਹੋਏ ਕੰਟੀਨੇਂਟਲ ਗਰੁੱਪ ਦੇ ਐਗਜੀਕਿਊਟਿਵ ਡਾਇਰੈਕਟਰ ਡਾ. ਐਮ. ਐਸ. ਗਰੇਵਾਲ ਨੇ ਕਿਹਾ ਕਿ ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੀ ਮਿਹਨਤ ਜਾਰੀ ਰੱਖਣੀ ਚਾਹੀਦੀ ਹੈ ਅਤੇ ਸੰਸਥਾਨ ਦਾ ਨਾਮ ਹੋਰ ਰੋਸ਼ਨ ਕਰਨਾ ਚਾਹੀਦਾ ਹੈ। ਗਰੁੱਪ ਨੇ ਲਗਾਤਾਰ ਬੇਹਤਰੀਨ ਨਤੀਜੇ ਹਾਸਲ ਕੀਤੇ ਹਨ ਜੋ ਇਸ ਰੀਜਨ ਦੇ ਟਾਪ ਸੰਸਥਾਨਾਂ ਵਿਚ ਪਹਿਚਾਣ ਦਵਾਉਂਦਾ ਹੈ। ਉਨ੍ਹਾਂ ਦੱਸਿਆ ਕਿ ਕੰਟੀਨੇਂਟਲ ਗਰੁੱਪ ਆਫ ਇੰਸਟੀਚਿਊਟਸ ਪ੍ਰੋਫੈਸ਼ਨਲਸ ਕੋਰਸਜ਼ ਦੀ ਸਫਲਤਾ ਦੇ ਲਈ ਮੌਕੇ ਦੇਣ ਵੱਲ ਹਮੇਸ਼ਾ ਦ੍ਰਿੜ ਰਿਹਾ ਹੈ।
ਕਾਮਯਾਬੀ ਹਾਸਲ ਕਰਨ ਵਾਲਿਆਂ ਵਿਚ ਐਮਸੀਏ ਦੀ ਰਮਨਦੀਪ ਕੌਰ (ਪਹਿਲਾ ਸਮੈਸਟਰ) 9.48 ਗ੍ਰੇਡ ਪੁਆਇੰਟਸ ਦੇ ਨਾਲ ਪਹਿਲੇ ਸਥਾਨ 'ਤੇ ਰਹੀ ਅਤੇ ਉਮੀਦ ਕੀਤੀ ਜਾ ਰਹੀ ਹੈ ਕਿ ਯੂਨੀਵਰਸਿਟੀ ਦੀ ਮੈਰਿਟ ਲਿਸਟ ਵਿਚ ਉਸ ਦਾ ਨਾਮ ਹੋਵੇਗਾ। ਦੂਸਰੇ ਸਥਾਨ 'ਤੇ ਰਹੀ ਇਸੇ ਕਲਾਜ ਦੀ ਨਵਜੋਤ ਕੌਰ 8.96 ਗ੍ਰੇਡ ਪੁਆਇੰਟਸ ਦੇ ਨਾਲ।ਐਮਬੀਏ (ਤੀਸਰਾ ਸਮੈਸਟਰ) ਦੀ ਗੁਰਪ੍ਰੀਤ ਕੌਰ ਨੇ 86.5 ਫੀਸਦੀ ਅੰਕਾਂ ਦੇ ਨਾਲ ਪਹਿਲਾ ਸਥਾਨ ਹਾਸਲ ਕੀਤਾ। ਦੂਸਰੇ ਸਥਾਨ 'ਤੇ 86.4 ਫੀਸਦੀ ਅੰਕਾਂ ਦੇ ਨਾਲ ਰਹੀ ਅਮਨਦੀਪ ਕੌਰ। ਐਮ. ਐਸ. ਸੀ. (ਫੈਸ਼ਨ ਟੈਕਨਾਲੋਜੀ) ਪਹਿਲੇ ਸਮੈਸਟਰ ਦੀ ਕਿਰਣਦੀਪ ਕੌਰ ਨੇ 79 ਫੀਸਦੀ ਅੰਕਾਂ ਦੇ ਨਾਲ ਪਹਿਲਾ ਸਥਾਨ ਹਾਸਲ ਕੀਤਾ। ਇਨਾਂ ਸਾਰੀਆਂ ਕਲਾਸਾਂ ਦੇ ਸਾਰੇ ਵਿਦਿਆਰਥੀ ਪ੍ਰੀਖਿਆਵਾਂ ਵਿਚ ਪਾਸ ਹੋਏ ਹਨ।ਸਾਰੇ ਵਿਦਿਆਰਥੀ ਬੇਹਤਰੀਨ ਨਤੀਜਿਆਂ ਨੂੰ ਲੈ ਕੇ ਬਹੁਤ ਉਤਸ਼ਾਹਿਤ ਦਿਖੇ ਅਤੇ ਇਸ ਦਾ ਸਿਹਰਾ ਆਪਣੇ ਟੀਚਰਸ ਨੂੰ ਦਿੱਤਾ। ਇਸ ਮੌਕੇ ਪ੍ਰਿੰਸੀਪਲ ਸ. ਤਨਵੀਰ ਸਿੰਘ ਗਿੱਲ, ਐਚਓਡੀ ਅਨੁਰੀਤ ਸ਼ਰਮਾ, ਨਿਧੀ ਭਾਰਦਵਾਜ ਅਤੇ ਬਾਕੀ ਫੈਕਲਟੀ ਮੈਂਬਰ ਵੀ ਮੌਜੂਦ ਸਨ।