ਕੰਟੀਨੈਂਟਲ ਗਰੁੱਪ (ਸੀਜੀਆਈ) ਫਤਿਹਗੜ੍ਹ ਸਾਹਿਬ ਵਿਖੇ ਸਾਲਾਨਾ 7ਵੀਂ ਐਥਲੇਟਿਕ ਮੀਟ ਦਾ ਧੂਮ-ਧਾਮ ਨਾਲ ਆਯੋਜਨ ਕੀਤਾ ਗਿਆ। ਲੈਫ. ਜਨਰਲ ਕੇ. ਐਸ. ਮਾਨ (ਰਿਟਾਇਰਡ) ਪੀਵੀਐਸਐਮ ਵੱਲੋਂ ਝੰਡਾ ਲਹਿਰਾ ਕੇ ਸਮਾਰੋਹ ਦਾ ਉਦਘਾਟਨ ਕੀਤਾ ਗਿਆ, ਜਿਸ ਵਿਚ ਚਾਰ ਕਾਲਜਾਂ ਦੇ ਵਿਦਿਆਰਥੀਆਂ ਨੇ ਮਾਰਚ ਪਾਸਟ ਪਰੈਡ ਵਿਚ ਹਿੱਸਾ ਲਿਆ।
ਪ੍ਰਤੀਯੋਗਤਾ ਵਿਚ ਵਿਦਿਆਰਥੀਆਂ ਨੇ ਪੂਰੇ ਉਤਸ਼ਾਹ ਨਾਲ ਭਾਗ ਲੈ ਕੇ ਆਪਣੀ ਪ੍ਰਤੀਭਾ ਦਾ ਪ੍ਰਦਰਸ਼ਨ ਕੀਤਾ। ਈਵੈਂਟ ਵਿਚ ਪਹੁੰਚੇ ਸਾਰੇ ਮਹਿਮਾਨਾਂ ਦਾ ਸਵਾਗਤ ਕਰਦੇ ਹੋਏ ਪ੍ਰੋ. ਐਮ. ਐਸ. ਗਰੇਵਾਲ ਨੇ ਕਿਹਾ ਕਿ ਪ੍ਰਤੀਯੋਗਤਾ ਵਿਚ ਹਿੱਸਾ ਲੈਣ ਵਾਲਿਆਂ ਦੇ ਲਈ ਇਹ ਗਤੀਵਿਧੀਆਂ ਬਹੁਤ ਮਹੱਤਵਪੂਰਨ ਹਨ ਜੋ ਸਹੀ ਦ੍ਰਿਸ਼ਟੀਕੋਣ ਦਾ ਸੂਚਕ ਹਨ ਅਤੇ ਵਿਦਿਆਰਥੀਆਂ ਨੂੰ ਜਿੱਤਣ ਦੀ ਇੱਛਾ ਨਾਲ ਖੇਡਣਾ ਚਾਹੀਦਾ ਹੈ। ਮੈਨੂੰ ਵਿਦਿਆਰਥੀਆਂ 'ਤੇ ਬਹੁਤ ਮਾਣ ਹੈ ਅਤੇ ਮੈਂ ਸਮੂਹ ਫੈਕਲਟੀ ਮੈਂਬਰਾਂ ਦਾ ਧੰਨਵਾਦ ਕਰਦਾ ਹਾਂ ਜਿਨਾਂ ਦੀ ਸਖਤ ਮਿਹਨਤ ਸਦਕਾ ਵਿਦਿਆਰਥੀ ਇਸ ਕਾਬਲ ਹੋਏ ਹਨ। ਆਪਣੇ ਉਦਘਾਟਨੀ ਭਾਸ਼ਣ ਵਿਚ ਆਤਮਾ ਦੇ ਚੁਣੌਤੀ ਪੂਰਨ ਵਿਕਾਸ, ਵਿਦਿਆਰਥੀਆਂ ਦੇ ਛੁਪੇ ਹੋਏ ਟੈਲੇਂਟ ਨੂੰ ਬਾਹਰ ਲਿਆਉਣ ਅਤੇ ਖੇਡਾਂ ਦੀ ਮਹੱਤਤਾ 'ਤੇ ਜ਼ੋਰ ਦਿੰਦੇ ਹੋਏ ਉਨ੍ਹਾਂ ਨੇ ਮੁਖ ਮਹਿਮਾਨ ਦਾ ਦਿਲੋਂ ਧੰਨਵਾਦ ਕੀਤਾ। ਉਨ੍ਹਾਂ ਕਿਹਾ ਕਿ ਟੀਮ ਦੇ ਕੰਮ, ਸਹਿਯੋਗ, ਅਨੁਸ਼ਾਸ਼ਨ, ਸ਼ਹਿਣਸ਼ੀਲਤਾ ਅਤੇ ਸਰੀਰਕ ਫਿਟਨੈਸ ਦੇ ਇਲਾਵਾ ਅਗਵਾਈ ਦੀ ਗੁਣਵਤਾ ਦੀ ਭਾਵਨਾ ਜੋ ਸਾਰਿਆਂ ਦੇ ਲਈ ਅੱਜ ਦੀ ਦੁਨੀਆ ਵਿਚ ਬਹੁਤ ਮਹੱਤਵਪੂਰਨ ਹੈ। ਉਨ੍ਹਾਂ ਕਿਹਾ ਕਿ ਟ੍ਰੈਕ ਈਵੈਂਟ ਅਤੇ ਫੀਲਡ ਈਵੈਂਟ ਵਿਚ ਭਾਗ ਲੈਣ ਵਾਲੇ ਵਿਦਿਆਰਥੀ ਬਹੁਤ ਦੀ ਉਤਸ਼ਾਹਿਤ ਸਨ।
ਵੱਖ-ਵੱਖ ਮੁਕਾਬਲਿਆਂ ਵਿਚ ਜੇਤੂ ਵਿਦਿਆਰਥੀਆਂ ਵਿਚ : 400 ਮੀਟਰ (ਲੜਕੇ) ਬੀ. ਟੈਕ. (ਸਿਵਲ) ਦਾ ਜਾਫਰ, 400 ਮੀਟਰ (ਲੜਕੀਆਂ) ਬੀਬੀਏ ਦੀ ਮਨਜਿੰਦਰ ਕੌਰ। ਸ਼ਾਰਟ-ਪੁਟ (ਲੜਕੇ) ਐਮਬੀਏ ਦੇ ਮਨਪ੍ਰੀਤ ਸਿੰਘ, ਸ਼ਾਰਟ-ਪੁੱਟ (ਲੜਕੀਆਂ) ਬੀਸੀਐਸ-ਸੀਆਈਆਈਐਸ ਦੀ ਸਿਮਰਨਪ੍ਰੀਤ ਕੌਰ। ਲਾਂਗ ਜੰਪ (ਲੜਕੀਆਂ) ਬੀਸੀਐਸ-ਸੀਆਈਆਈਐਸ ਦੀ ਰੂਪਕਿਰਨ ਸ਼ਾਮਿਲ ਹਨ। ਦਿਨ ਭਰ ਚੱਲੀਆਂ ਖੇਡਾਂ ਦੀ ਸਮਾਪਤੀ ਰਿਲੇਅ ਦੌੜ ਨਾਲ ਹੋਈ। ਸਾਰੇ ਈਵੈਂਟ ਦਾ ਆਯੋਜਨ ਸਮੂਹ ਫੈਕਲਟੀ ਮੈਂਬਰਾਂ ਅਤੇ ਸਟਾਫ ਵੱਲੋਂ ਕੀਤਾ ਗਿਆ। ਅੰਤ ਵਿਚ ਐਸਯੂਐਸਪੀਸੀ ਦੇ ਪ੍ਰਿੰਸੀਪਲ ਇੰਜੀ. ਸੁਸ਼ੀਲ ਕੰਬੋਜ ਨੇ ਜੇਤੂ ਵਿਦਿਆਰਥੀਆਂ ਨੂੰ ਇਨਾਮਾਂ ਦੀ ਵੰਡ ਕਰਨ ਉਪਰੰਤ ਪ੍ਰਤੀਯੋਗੀਆਂ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਤੁਸੀਂ ਤਮਗਾ ਜਿੱਤਿਆ ਹੈ ਜਾਂ ਨਹੀਂ, ਤੁਸੀਂ ਸਾਰੇ ਜੇਤੂ ਹੋ। ਅਤੇ ਮੈਂ ਆਸ ਕਰਦਾ ਹਾਂ ਕਿ ਅੱਗੇ ਤੋਂ ਹੋਣ ਵਾਲੇ ਮੁਕਾਬਲਿਆਂ ਵਿਚ ਵੀ ਤੁਸੀਂ ਵੱਧ-ਚੜ੍ਹ ਕੇ ਭਾਗ ਲਵੋਗੇ। ਅੰਤ ਵਿਚ ਸੀਜੀਆਈ ਸਪੋਰਟਸ ਕੋਆਰਡੀਨੇਟਰ ਪ੍ਰੋ. ਗੁਰਜੇਤ ਸਿੰਘ ਨੇ ਇਸ ਸਫਲਤਾਪੂਰਕ ਈਵੈਂਟ ਵਿਚ ਭਾਗ ਲੈਣ ਵਾਲਿਆਂ ਦਾ ਧੰਨਵਾਦ ਕੀਤਾ।