ਕੁਐਸਟ ਗਰੁੱਪ ਆਫ਼ ਇੰਸਟੀਚਿਊਸ਼ਨਜ਼ ਵੱਲੋਂ ਇਲੈਕਟ੍ਰੋਨਿਕ ਅਤੇ ਕੰਪਿਊਟਰ ਵਿਭਾਗ ਦੇ ਵਿਦਿਆਰਥੀਆਂ ਦੀ ਰਚਨਾਤਮਿਕ ਸੋਚ ਨੂੰ ਸਪੁਰਨ ਸ਼ਕਲ ਦੇਣ ਦੇ ਮੰਤਵ ਨਾਲ ਇਕ ਅਨੋਖੇ ਮੁਕਾਬਲੇ ਦਾ ਆਯੋਜਨ ਕੀਤਾ ਗਿਆ। ਇਸ ਦੌਰਾਨ ਵਿਦਿਆਰਥੀਆਂ ਨੂੰ ਕੰਪਿਊਟਰ ਤੋਂ ਬਿਨਾਂ ਕਾਗ਼ਜ਼ ਅਤੇ ਪੈੱਨ ਨਾਲ ਪ੍ਰੋਜੈਕਟ ਬਣਾਉਣ ਲਈ ਕਿਹਾ ਗਿਆ। ਇਸ ਈਵੈਂਟ ਨੂੰ ਹੋਰ ਰੋਚਕ ਕਰਦੇ ਹੋਏ ਵਿਦਿਆਰਥੀਆਂ ਨੂੰ ਪੰਜ ਟੀਮਾਂ ਵਿਚ ਵੰਡਦੇ ਹੋਏ ਉਨ੍ਹਾਂ ਨੂੰ ਕੁੱਲ 45 ਮਿੰਟ ਦਿਤੇ ਗਏ। ਜਦ ਕਿ ਇਸ ਮੌਕੇ ਤੇ ਟਾਪਿਕ ਵਰਲਡ ਆਫ਼ ਇਲੈਕਟ੍ਰੋਨਿਕ ਅਤੇ ਵਰਲਡ ਆਫ਼ ਕਮਊਨਿਕੇਸ਼ਨ ਰੱਖੇ ਗਏ। ਇਸ ਦੌਰਾਨ ਵਿਦਿਆਰਥੀਆਂ ਨੇ ਆਪਣੀ ਕਲਾ ਦੀ ਬਿਹਤਰੀਨ ਪ੍ਰਦਰਸ਼ਨ ਕਰਦੇ ਹੋਏ ਆਪਣੀ ਕਲਾ ਦਾ ਪ੍ਰਦਰਸ਼ਨ ਕੀਤਾ। ਇਸ ਦੇ ਨਾਲ ਹੀ ਉਕਤ ਟੀਮਾਂ ਨੂੰ ਉਨ੍ਹਾਂ ਵੱਲੋਂ ਬਣਾਏ ਪ੍ਰੋਜੈਕਟਸ ਦੀ ਲਾਈਵ ਡੈਮੋਸਟੇਰਸ਼ਨ ਦੇਣ ਲਈ ਵੀ ਕਿਹਾ ਗਿਆ। ਇਸ ਸਖ਼ਤ ਮੁਕਾਬਲੇ ਵਿਚ ਟੀਮ ਪਲੱਗ ਇਨ, ਟੀਮ ਉਸੀਨੇਸ਼ਨ ਅਤੇ ਟੀਮ ਡੀ ਡੇਵਿਲਜ਼ ਨੇ ਕ੍ਰਮਵਾਰ ਪਹਿਲਾਂ ਦੂਜਾ ਅਤੇ ਤੀਜਾ ਸਥਾਨ ਹਾਸਿਲ ਕੀਤਾ।ਇਸ ਮੌਕੇ ਤੇ ਕੁਐਸਟ ਗਰੁੱਪ ਦੇ ਵਾਈਸ ਚੇਅਰਮੈਨ ਹਰਿੰਦਰ ਕਾਂਡਾ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆਂ ਬੇਸ਼ੱਕ ਇਕ ਪਾਸੇ ਜਿੱਥੇ ਇਹ ਵਿਦਿਆਰਥੀ ਤਕਨੀਕਾਂ ਨਾਲ ਜੁੜ ਕੇ ਨਵੇਕਲੀਆਂ ਤਕਨੀਕਾਂ ਦੀ ਕਾਢ ਕੱਢਦੇ ਹਨ। ਪਰ ਉਨ੍ਹਾਂ ਰਚਨਾਤਮਿਕ ਸੋਚ ਕਿਸੇ ਯੰਤਰ ਦੀ ਮੁਹਤਾਜ ਨਾ ਹੋ ਕੇ ਇਕ ਬਿਹਤਰੀਨ ਨਤੀਜਾ ਦੇਣ ਦੇ ਕਾਬਿਲ ਹੋਣੀ ਚਾਹੀਦੀ ਹੈ। ਇਸੇ ਗੱਲ ਨੂੰ ਧਿਆਨ ਵਿਚ ਰੱਖ ਕੇ ਇਸ ਮੁਕਾਬਲੇ ਦਾ ਆਯੋਜਨ ਕੀਤਾ ਗਿਆ ਜੋ ਕਿ ਪੂਰੀ ਤਰਾਂ ਸਫਲ ਰਿਹਾ। ਇਸ ਦੇ ਇਲਾਵਾ ਇਸ ਦੌਰਾਨ ਵਿਦਿਆਰਥੀਆਂ ਨੇ ਵੀ ਆਪਣੀ ਬਿਹਤਰੀਨ ਪ੍ਰਤਿਭਾ ਦਾ ਬਾਖ਼ੂਬੀ ਪ੍ਰਦਰਸ਼ਨ ਕੀਤਾ । ਅਖੀਰ ਵਿਚ ਵਾਇਸ ਚੇਅਰਮੈਨ ਹਰਿੰਦਰ ਕਾਂਡਾ ਵੱਲੋਂ ਜੇਤੂ ਵਿਦਿਆਰਥੀਆਂ ਨੂੰ ਇਨਾਮ ਤਕਸੀਮ ਕੀਤੇ ਗਏ।