ਕੁਐਸਟ ਗਰੁੱਪ ਆਫ਼ ਇੰਸੀਟੀਚਿਊਸ਼ਨਜ਼ ਦੇ ਵਿਦਿਆਰਥੀਆਂ ਵੱਲੋਂ ਕੈਂਪਸ ਵਿਚ ਵੱਖਰੀ ਵਿਖਾਈ ਦੇਣ ਵਾਲੀਆਂ ਅਤੇ ਹਾਸਰਸ ਫ਼ੋਟੋਆਂ ਅਤੇ ਪ੍ਰੈਜ਼ਨਟੇਸ਼ਨ ਐਕਟੀਵਿਟੀ ਦਾ ਆਯੋਜਨ ਕੀਤਾ ਗਿਆ। ਇਸ ਦੌਰਾਨ ਵਿਦਿਆਰਥੀਆਂ ਦੇ ਸਪਾਰਕ,ਕਰਾਊਨ, ਰੋਜ਼, ਡਾਇਮੰਡ ਅਤੇ ਸਪਾਰਟਨ ਨਾਮਕ ਪੰਜ ਗਰੁੱਪ ਬਣਾਉਦੇਂ ਹੋਏ ਉਨ੍ਹਾਂ ਨੂੰ ਵੱਖਰੀ ਤਰਾਂ ਦੇ, ਹਾਸੇ ਭਰੇ ਅਤੇ ਅਜੀਬੋ ਗਰੀਬ ਫ਼ੋਟੋਆਂ ਖਿੱਚਣ ਲਈ ਇਕ ਹਫ਼ਤੇ ਦਾ ਟੀਚਾ ਦਿਤਾ ਗਿਆ। ਇਸ ਟੀਮ ਵਰਕ ਵਿਚ ਮੈਨੇਜਮੈਂਟ ਦੇ ਵੱਖ ਵੱਖ ਸਟਰੀਮ ਦੇ ਵਿਦਿਆਰਥੀਆਂ ਨੂੰ ਲਿਆ ਗਿਆ। ਇਸ ਦੌਰਾਨ ਵਿਦਿਆਰਥੀਆਂ ਵੱਲੋਂ ਆਪਣੀ ਕਲਾਤਮਕ ਸੋਚ ਅਨੁਸਾਰ ਇਕ ਹਫ਼ਤੇ ਵਿਚ ਫ਼ੋਟੋਆਂ ਖਿੱਚਣ ਤੋਂ ਬਾਅਦ ਉਸ ਦੀ ਪਾਵਰ ਪ੍ਰੈਜ਼ਨਟੇਸ਼ਨ ਦੀ ਪ੍ਰਦਰਸ਼ਨੀ ਕੀਤੀ । ਇਸ ਦੌਰਾਨ ਹਾਜ਼ਰ ਦਰਸ਼ਕਾਂ ਦੇ ਇਸ ਪੇਸ਼ਕਾਰੀ ਢਿੱਡੀ ਪੀੜਾਂ ਪਾ ਦਿੱਤੀਆਂ। ਇਸ ਕਰੜੇ ਮੁਕਾਬਲੇ ਚਿ ਕਰਾਊਨ ਗਰੁੱਪ ਨੇ ਪਹਿਲਾਂ ਸਥਾਨ ਹਾਸਿਲ ਕੀਤਾ ਜਦ ਕਿ ਰੋਜ਼ ਗਰੁੱਪ ਨੇ ਦੂਜੀ ਥਾਂ ਹਾਸਿਲ ਕੀਤੀ।
ਇਸ ਮੌਕੇ ਤੇ ਕੁਐਸਟ ਗਰੁੱਪ ਦੇ ਚੇਅਰਮੈਨ ਡੀ ਐੱਸ ਸੇਖੋਂ ਨੇ ਜੇਤੂ ਵਿਦਿਆਰਥੀਆਂ ਨੂੰ ਵਧਾਈ ਦਿੰਦੇ ਹੋਏ ਦੱਸਿਆਂ ਕਿ ਇਸ ਤਰਾਂ ਦੇ ਮੁਕਾਬਲੇ ਨਾ ਸਿਰਫ਼ ਵਿਦਿਆਰਥੀਆਂ ਨੂੰ ਮੁਕਾਬਲੇ ਭਰੀ ਜ਼ਿੰਦਗੀ ਲਈ ਪ੍ਰੇਰਿਤ ਕਰਦੇ ਹਨ ਬਲਕਿ ਉਨ੍ਹਾਂ ਨੂੰ ਟੀਮ ਵਰਕ ਅਤੇ ਪੜਾਈ ਦੇ ਦਬਾਅ ਤੋਂ ਕੱਢ ਕੇ ਨਵੇਂ ਸਿਰੇ ਤੋਂ ਪੜਾਈ ਨਾਲ ਜੁੜਨ ਲਈ ਪ੍ਰੇਰਿਤ ਕਰਦੇ ਹਨ। ਵਾਈਸ ਚੇਅਰਮੈਨ ਐੱਚ ਪੀ ਐੱਸ ਕਾਂਡਾ ਅਤੇ ਜੇ ਪੀ ਐੱਸ ਧਾਲੀਵਾਲ ਨੇ ਕਿਹਾ ਕਿ ਬਿਹਤਰੀਨ ਸਿੱਖਿਆਂ ਨੇ ਨਾਲ ਵਿਦਿਆਰਥੀਆਂ ਦੀਆਂ ਹੋਰ ਰਚਨਾਤਮਿਕ ਕੁਆਲਿਟੀਆਂ ਨੂੰ ਵੀ ਪਰਖਣਾ ਜ਼ਰੂਰੀ ਹੈ । ਇਸ ਤਰਾਂ ਦੇ ਉਪਰਾਲੇ ਦੇ ਨਤੀਜੇ ਸਦਾ ਸਕਾਰਤਮਕ ਨਿਕਲਦੇ ਹਨ। ਅਖੀਰ ਵਿਚ ਚੇਅਰਮੈਨ ਸੇਖੋਂ ਵੱਲੋਂ ਜੇਤੂ ਵਿਦਿਆਰਥੀਆਂ ਨੂੰ ਇਨਾਮ ਤਕਸੀਮ ਕੀਤੇ ਗਏ।