40 ਮੁਕਤਿਆਂ ਨੂੰ ਸਮਰਪਿਤ ਸ੍ਰ੍ਰੀ ਮੁਕਤਸਰ ਸਾਹਿਬ ਦੀ ਧਰਤੀ ਤੇ ਕਰਵਾਏ ਜਾ ਰਹੇ ਪਹਿਲੇ ਪੋਲੋ ਮੁਕਾਬਲਿਆਂ ਦਾ ਪ੍ਰਦਰਸ਼ਨੀ ਮੈਚ ਪਿੰਡ ਚੜੇਵਾਨ ਵਿਖੇ ਬਣਾਏ ਗਏ ਸਪਸ਼ੈਲ ਮੈਦਾਨ 'ਚ ਪੰਜਾਬ ਵਾਰੀਅਰਸ ਅਤੇ ਪੰਜਾਬ ਨਾਈਟ ਦੀਆਂ ਟੀਮਾਂ ਵਿਚਕਾਰ ਖੇਡਿਆਂ ਗਿਆ । ਵਾਰਮਅੱਪ ਦੇ ਰੂਪ 'ਚ ਖੇਡੇ ਗਏ ਇਸ ਮੈਚ ਦਾ ਉਦਘਾਟਨ ਕੈਬਨਿਟ ਮੰਤਰੀ ਸ. ਗੁਲਜਾਰ ਰਣੀਕੇ ਨੇ ਗੇਂਦ ਸੁੱਟ ਕੇ ਕੀਤਾ। ਸ਼੍ਰੀ ਮੁਕਤਸਰ ਸਾਹਿਬ ਦੀ ਧਰਤੀ ਤੇ ਪਹਿਲੀ ਵਾਰ ਕਰਵਾਏ ਜਾ ਰਹੇ ਪੋਲੋ ਮੁਕਾਬਲੇ ਦੇ ਮੈਚ 9 ਜਨਵਰੀ ਚੜੇਵਾਨ ਦੇ ਇਸ ਮੈਦਾਨ ਵਿੱਚ 2 ਵਜ਼ੇ ਕਰਵਾਏ ਜਾਣਗੇ ਪੇਂਡੂ ਤੇ ਆਮ ਲੋਕਾਂ ਲਈ ਵਿਸ਼ੇਸ਼ ਖਿੱਚ ਦਾ ਕੇਂਦਰ ਰਹੇ ਇਸ ਪ੍ਰਦਰਸ਼ਨੀ ਪੋਲੋ ਮੈਚ 'ਚ ਪੰਜਾਬ ਨਾਈਟ ਦੀ ਟੀਮ ਨੇ ਦੋ ਗੋਲਾਂ ਦੇ ਫਰਕ ਨਾਲ ਜਿੱਤ ਪ੍ਰਪਤ ਕੀਤੀ । 6-6 ਮਿੰਟਾਂ ਦੇ 4 ਚੱਕਰਾਂ 'ਚ ਖੇਡੇ ਗਏ ਇਸ ਮੈਚ ਦੌਰਾਨ ਪੀਲੀ ਵਰਦੀ 'ਚ ਕੈਪਟਨ ਅਨਮੋਲ ਰਤਨ ਦੀ ਅਗਵਾਈ 'ਚ ਖੇਡ ਰਹੀ ਪੰਜਾਬ ਨਾਈਟ ਦੀ ਟੀਮ ਨੇ 7 ਗੋਲ ਅਤੇ ਨੀਲੀ ਵਰਦੀ 'ਚ ਕੈਪਟਨ ਕਰਨਲ ਤਰਸੇਮ ਸਿੰਘ ਦੀ ਅਗਵਾਈ 'ਚ ਖੇਡ ਰਹੀ ਪੰਜਾਬ ਵਾਰੀਅਰਸ ਦੀ ਟੀਮ ਨੇ 5 ਗੋਲ ਕੀਤੇ ।ਕਰਵਾਏ ਗਏ ਇਸ ਮੈਚ ਦੌਰਾਨ ਰੈਫਰੀ ਦੇ ਫਰਜ਼ ਕਰਨਲ ਉਦੇਪਾਲ ਸਿੰਘ ਵੱਲੋਂ ਨਿਭਾਏ ਗਏ ।ਤਿਨ -ਤਿਨ ਮੈਂਬਰਾਂ 'ਚ ਅਧਾਰਤ ਇਨ੍ਹਾਂ ਟੀਮਾਂ 'ਚ ਪੰਜਾਬ ਵਾਰੀਅਸ ਦੀ ਟੀਮ ਵਿੱਚ ਕਰਨਲ ਤਰਸੇਮ ਸਿੰਘ ਤੋਂ ਇਲਾਵਾ ਬਲਜਿੰਦਰ ਸਿੰਘ ਢਿਲੋ ਅਤੇ ਦਾਰਸਨਿਕ ਬਰਾੜ ਅਤੇ ਪੰਜਾਬ ਨਾਈਟ ਦੀ ਟੀਮ 'ਚ ਅਨਮੋਲ ਰਤਨ ਸਿੰਘ ਬੜੈਚ, ਸਚਿਨ ਸਰਵਾਲੀਆ ਅਤੇ ਸਮੇਰ ਸਿੰਘ ਸਾਮਲ ਸਨ। ਖੇਡੇ ਗਏ ਮੈਚ ਦੌਰਾਨ ਇਨ੍ਹਾਂ ਟੀਮਾਂ ਵੱਲੋਂ ਤਿੰਨ-ਤਿੰਨ ਵਾਰ ਆਪਣੇ ਘੌੜੇ ਤਬਦੀਲ ਕੀਤੇ ਗਏ । ਪਹਿਲੀ ਵਾਰ ਮਾਲਵੇ ਦੀ ਧਰਤੀ ਤੇ ਹੋਏ ਪੋਲੋ ਮੈਚ ਨੂੰ ਦੇਖਣ ਲਈ ਦਰਸਕਾਂ 'ਚ ਭਾਰੀ ਉਤਸ਼ਾਹ ਦੇਖਣ ਨੂੰ ਮਿਲਿਆਂ
ਇਸ ਮੌਕੇ ਵਿਸ਼ੇਸ਼ ਤੌਰ ਤੇ ਡਿਪਟੀ ਕਮਿਸ਼ਨਰ ਸ ਜਸਕਿਰਨ ਸਿੰਘ, ਡਾਇਰੈਕਟਰ ਪਸ਼ੂ ਪਾਲਣ ਵਿਭਾਗ ਪੰਜਾਬ ਡਾ ਐਚ ਐਸ ਸੰਧਾ, ਡਾਇਰੈਕਟਰ ਡਾਇਰੀ ਵਿਭਾਗ ਡਾ ਇੰਦਰਜੀਤ ਸਿੰਘ ਆਦਿ ਤੋਂ ਇਲਾਵਾ ਭਾਰੀ ਗਿਣਤੀ 'ਚ ਦਰਸ਼ਕ ਮੌਜੂਦ ਸਨ।