ਲਾਰੇਂਸ ਸੀਨੀਅਰ ਸਕੈਡਰੀ ਸਕੂਲ ,ਮੁਹਾਲੀ ਵਿਚ ਕ੍ਰਿਸਮਿਸ ਦਾ ਦਿਹਾੜਾ ਹਰਸ਼ੋ-ਉਲਾਸ ਨਾਲ ਮਨਾਇਆ ਗਿਆ । ਇਸ ਮੌਕੇ ਤੇ ਪੂਰੇ ਸਕੂਲ ਨੂੰ ਗੁਬਾਰਿਆਂ,ਘੰਟੀਆਂ,ਸਿਤਾਰਿਆਂ ਆਦਿ ਨਾਲ ਸਜਾਇਆਂ ਗਿਆ। ਇਸ ਦੇ ਨਾਲ ਹੀ ਛੋਟੇ ਛੋਟੇ ਬੱਚਿਆਂ ਨੇ ਸਾਂਤਾ ਕਲਾਜ ਦੇ ਪਹਿਰਾਵੇ ਅਤੇ ਟੋਪੀਆਂ ਪਹਿਨ ਕੇ ਮਾਹੌਲ ਨੂੰ ਪੂਰੀ ਤਰਾਂ ਕ੍ਰਿਸਮਿਸ ਦੇ ਰੰਗ ਵਿਚ ਰੰਗ ਦਿਤਾ । ਛੋਟੇ ਛੋਟੇ ਬੱਚੇ ਮਦਰ ਮੈਰੀ,ਫਾਦਰ,ਰਾਜਾ,ਸ਼ਾਂਤਾ ਕਲਾਜ਼,ਕ੍ਰਿਸਮਿਸ ਦਾ ਰੁੱਖ,ਸਨੋਮੈਨ, ਡਿਜ਼ਨੀ ਦੇ ਕਲਾਕਾਰਾਂ ਅਤੇ ਬੇਬੀ ਜੀਜਸ਼ ਕਰਾਈਸ ਦੀ ਆਦਿ ਪੋਸ਼ਾਕਾਂ ਖੂਬ ਜੱਚ ਰਹੇ ਸਨ ।ਇਸ ਮੌਕੇ ਤੇ ਬੱਚਿਆਂ ਨੇ ਇਕ ਰੰਗ-ਰੰਗ ਪ੍ਰੋਗਰਾਮ ਵੀ ਪੇਸ਼ ਕੀਤਾ । ਨੰਨੇ ਮੁੰਨੇ ਵਿਦਿਆਰਥੀਆਂ ਨੇ ਇਕ ਸੰਗੀਤਮਈ ਅੰਗਰੇਜ਼ੀ ਨਾਟਕ ਪੇਸ਼ ਕੀਤਾ ਜਿਸ ਨੂੰ ਅਧਿਆਪਕਾਂ ਅਤੇ ਵਿਦਿਆਰਥੀਆਂ ਨੇ ਬਹੁਤ ਪਸੰਦ ਕੀਤਾ ਅਤੇ ਇਸ ਨਾਟਕ ਨੂੰ ਤਾਲੀਆਂ ਨਾਲ ਸਭ ਨੇ ਖੂਬ ਸਲਾਹਇਆ। ਨਾਟਕ ਦੀ ਸ਼ੁਰੂਆਤ ਯਿਸੂ ਦੇ ਜਨਮ ਤੋਂ ਹੋਈ ਅਤੇ ਸੰਗੀਤਕ ਨਾਟਕ ਵਿਚ ਉਨ•ਾਂ ਦੇ ਜਿੰਦਗੀ ਦੇ ਫ਼ਲਸਫ਼ੇ ਨੂੰ ਪੇਸ਼ ਕੀਤਾ । ਇਸ ਤੋਂ ਬਾਦ ਕ੍ਰਿਸਮਿਸ ਮਨਾਉਣ ਦੀ ਸ਼ੁਰੂਆਤ ਹੋਈ ਜਿਸ ਵਿਚ ਬੱਚਿਆਂ ਨੇ ਸਟੇਜ ਤੇ ਖੂਬ ਰੰਗ ਬੰਨਿਆਂ । ਇਸ ਮੌਕੇ ਤੇ ਅਧਿਆਪਕਾਂ ਅਤੇ ਵਿਦਿਆਰਥੀਆਂ ਨੇ ਪ੍ਰਪਰਾਗਿਤ ਗਾਣਾ ਜਿੰਗਲ ਬੈੱਲ ਜਿੰਗਲ ਆਲ ਦਾ ਵੇ ਗਾਇਆਂ ਜਦ ਕਿ ਸਕੂਲ ਦੇ ਬੱਚਿਆਂ ਨੇ ਇਸ ਗਾਣੇ ਤੇ ਸਟੇਜ ਤੇ ਡਾਂਸ ਕੀਤਾ। ਇਸ ਦੇ ਨਾਲ ਹੀ ਸਕੂਲ ਕੈਂਪਸ ਵਿਚ ਇਕ ਕ੍ਰਿਸਮਿਸ ਰੁੱਖ ਵੀ ਸਜਾਇਆਂ ਗਿਆ । ਜਿਸ ਵਿਚ ਸਕੂਲ ਦੇ ਹਰ ਕਲਾਸ ਦੇ ਬੱਚਿਆਂ ਨੇ ਆਪਣਾ ਹਿੱਸਾ ਪਾਉਂਦੇ ਹੋਏ ਇਸ ਨੂੰ ਸਜਾਇਆਂ । ਸਕੂਲ ਦੇ ਪ੍ਰਿੰਸੀਪਲ ਸ੍ਰੀਮਤੀ ਵੀਨਾ ਮਲਹੋਤਰਾ ਨੇ ਸਮੂਹ ਸਟਾਫ ਅਤੇ ਵਿਦਿਆਰਥੀਆਂ ਨੂੰ ਕ੍ਰਿਸਮਿਸ ਦੀਆ ਵਧਾਈਆਂ ਦਿੱਤੀਆਂ ਅਤੇ ਸਭ ਬੱਚਿਆਂ ਨੂੰ ਭਗਵਾਨ ਯਿਸੂ ਦੇ ਦੱਸੇ ਰਸਤੇ ਤੇ ਚੱਲਣ ਲਈ ਪ੍ਰੇਰਣਾ ਦਿਤੀ ।