ਗੁਰੂ ਨਾਨਕ ਸਟੇਡੀਅਮ ਲੁਧਿਆਣਾ ਵਿਖੇ 61ਵੀ ਅਥਲੈਟਿਕਸ ਮੀਟ ਦਾ ਉਦਘਾਟਨ ਸਿੱਖਿਆ ਮੰਤਰੀ ਡਾ.ਦਲਜੀਤ ਸਿੰਘ ਚੀਮਾਂ ਨੇ ਝੰਡਾ ਲਹਿਰਾ ਕੇ ਅਤੇ ਅਕਾਸ਼ 'ਚ ਗੁਬਾਰੇ ਛੱਡ ਕੇ ਕੀਤਾ । ਇਸ ਮੌਕੇ ਡਾ.ਚੀਮਾਂ ਨੇ ਪੰਜਾਬ ਭਰ ਤੋਂ ਪਹੁੰਚੇ ਹੋਏ 3000 ਖਿਡਾਰੀਆਂ ਨੂੰ ਖੇਡ ਭਾਵਨਾ ਨਾਲ ਖੇਡਦੇ ਹੋਏ ਪੰਜਾਬ ਦਾ ਨਾਂ ਰੋਸ਼ਨ ਕਰਨ ਲਈ ਪ੍ਰੇਰਿਤ ਕੀਤਾ। ਇਸ ਮੌਕੇ ਸਥਾਨਕ ਸਕੂਲਾਂ ਤੋਂ ਭਾਰੀ ਗਿਣਤੀ 'ਚ ਪਹੁੰਚੇ ਵਿਦਿਆਰਥੀਆਂ ਅਤੇ ਸਮੁੱਚੇ ਜਿਲੇ ਵਿੱਚੋ ਪਹੁੰਚੇ ਅਧਿਆਪਕਾਂ ਤੇ ਖੁਸ਼ੀ ਦਾ ਪ੍ਰਗਟਾਵਾ ਕਰਦਿਆਂ ਕਿਹਾ ਕਿ ਅੱਜ ਦੇ ਭਰਵੇਂ ਇਕੱਠ ਨੂੰ ਵੇਖਦਿਆਂ ਉਨ੍ਹਾਂ ਨੂੰ ਵਿਸ਼ਵ ਕਬੱਡੀ ਕੱਪ ਦਾ ਇਕੱਠ ਯਾਦ ਆ ਰਿਹਾ ਹੈ । ਇਸ ਮੌਕੇ ਸਿੱਖਿਆ ਮੰਤਰੀ ਵੱਲੋ ਅਗਲੇ ਸਾਲ ਤੋਂ ਰਾਜ ਪੱਧਰੀ ਖੇਡਾਂ ਵਿਚ ਭਾਗ ਲੈਣ ਵਾਲੇ ਸਾਰੇ ਖਿਡਾਰੀਆਂ ਨੂੰ ਸਿੱਖਿਆ ਵਿਭਾਗ ਦੀ ਤਰਫੋ ਟਰੈਕ ਸੂਟ ਦੇਣ ਦਾ ਐਲਾਨ ਕੀਤਾ । ਇਸ ਮੌਕੇ ਸਿਹਤ ਤੇ ਪਰਿਵਾਰ ਭਲਾਈ ਮੰਤਰੀ ਸੁਰਜੀਤ ਕੁਮਾਰ ਜਿਆਣੀ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕਰਕੇ ਪੰਜਾਬ ਦੇ ਵਿਦਿਆਰਥੀਆਂ ਨੂੰ ਪੰਜਾਬ ਦੇ ਮੱਥੇ ਤੇ ਲੱਗੇ ਨਸ਼ਿਆਂ ਦੇ ਧੱਬੇ ਨੂੰ ਧੋਣ ਦਾ ਸੁਨੇਹਾ ਦਿੱਤਾ ।
ਇਸ ਮੌਕੇ ਜਿਲਾ ਸਿੱਖਿਆ ਅਫ਼ਸਰ (ਸ.ਸ) ਪਰਮਜੀਤ ਕੌਰ ਚਾਹਲ ਨੇ ਮੁੱਖ ਮਹਿਮਾਨ ਅਤੇ ਹਾਜ਼ਰੀਨ ਨੂੰ ਜੀ ਆਇਆਂ ਕਿਹਾ । ਇਸ ਮੌਕੇ ਮੁੱਖ ਮੰਤਰੀ ਪੰਜਾਬ ਦੇ ਸਲਾਹਕਾਰ ਮਹੇਸ਼ਇੰਦਰ ਸਿੰਘ ਗਰੇਵਾਲ ਨੇ ਸ.ਪ੍ਰਕਾਸ ਸਿੰਘ ਬਾਦਲ ਅਤੇ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਦੀ ਸਿੱਖਿਆ ਅਤੇ ਖੇਡਾਂ ਪ੍ਰਤੀ ਉਸਾਰੂ ਸੋਚ ਦੀ ਸ਼ਲਾਘਾ ਕੀਤੀ । ਇਸ ਮੌਕੇ ਡੀ.ਪੀ.ਆਈ ਸੈਕੰਡਰੀ ਸ.ਬਲਬੀਰ ਸਿੰਘ ਢੋਲ ਨੇ ਮੁੱਖ ਮਹਿਮਾਨ ਅਤੇ ਪਹੁੰਚੀਆਂ ਸ਼ਖ਼ਸੀਅਤਾਂ ਦਾ ਧੰਨਵਾਦ ਕੀਤਾ । ਇਸ ਮੌਕੇ ਸਿਹਤ ਮੰਤਰੀ ਸ੍ਰੀ ਸੁਰਜੀਤ ਕੁਮਾਰ ਜਿਆਣੀ ਅਤੇ ਸਿੱਖਿਆ ਮੰਤਰੀ ਡਾ,ਦਲਜੀਤ ਸਿੰਘ ਚੀਮਾਂ ਨੇ ਜੇਤੂ ਖਿਡਾਰੀਆਂ ਨੂੰ ਤਗਮੇ ਦੇ ਕੇ ਸਨਮਾਨਤ ਕੀਤਾ । ਇਸ ਮੌਕੇ ਐਸ.ਐਸ ਬੋਰਡ ਪੰਜਾਬ ਦੇ ਚੇਅਰਮੈਨ ਸੰਤਾ ਸਿੰਘ ਉਮੈਦਪੁਰੀ , ਡੀ.ਜੀ.ਐਸ.ਈ ਸ੍ਰੀ ਪਰਦੀਪ ਅਗਰਵਾਲ ,ਡੀ.ਪੀ.ਆਈ (ਸ)ਬਲਬੀਰ ਸਿੰਘ ਢੋਲ, ਡੀ.ਪੀ.ਆਈ (ਐ) ਹਰਬੰਸ ਸਿੰਘ ਸੰਧੂ ,ਵੱਖ ਵੱਖ ਜਿਲਿਆਂ ਤੋ ਜਿਲਾ ਸਿੱਖਿਆ ਅਫਸਰ , ਉਪ ਜਿਲਾ ਸਿੱਖਿਆ ਅਫਸਰ ਸੈਕੰਡਰੀ ਡਾ.ਚਰਨਜੀਤ ਸਿੰਘ ਜਲਾਜਣ , ਏ.ਈ.ਓ ਅਜੀਤਪਾਲ ਸਿੰਘ , ਜਿਲਾ ਗਾਈਡੈਂਸ ਅਧਿਕਾਰੀ ਸੰਤੋਖ ਸਿੰਘ ਗਿੱਲ , ਜਿਲਾ ਸਾਇੰਸ ਸੁਪਰਵਾਈਜਰ ਪ੍ਰਦੀਪ ਕਪੂਰ ਸਾਬਕਾ ਮੰਤਰੀ ਜਥੇਦਾਰ ਹੀਰਾ ਸਿੰਘ ਗਾਬੜੀਆਂ , ਡਿਪਟੀ ਡਾਇਰੈਕਟਰ ਸਰਬਜੀਤ ਸਿੰਘ ਤੂਰ , ਰਘਵੀਰ ਸਿੰਘ ਸਟੇਟ ਆਰਗੇਨਾਈਜਰ ਖੇਡਾਂ, ਬਲਬੀਰ ਸਿੰਘ ਰਾਜੇਵਾਲ ਪ੍ਰਧਾਨ ਕਿਸਾਨ ਯੂਨੀਅਨ, ਸ਼੍ਰੀ ਨਰੇਸ਼ ਧੀਮਾਨ ,ਰਾਜਵੰਤ ਸਿੰਘ ਗਰੇਵਾਲ, ਬਾਬਾ ਅਜੀਤ ਸਿੰਘ , ਹਰਭਜਨ ਸਿੰਘ ਡੰਗ, ਸੁਰਿੰਦਰ ਕੌਰ ਦਿਆਲ , ਜੋਗਿੰਦਰਪਾਲ ਸਿੰਘ , ਡਾ.ਤੇਜਿੰਦਰਪਾਲ ਸਿੰਘ , ਤਰਸੇਮ ਸਿੰਘ ਭਿੰਡਰ, ਪ੍ਰਵੀਨ ਬਾਂਸਲ ਭਾਜਪਾ ਜਿਲਾ ਪ੍ਰਧਾਨ , ਅਨਿਲ ਸੰਧੀਰ ਪ੍ਰਬੰਧ ਅਫ਼ਸਰ , ਐਸ.ਓ ਰਾਕੇਸ਼ ਕੁਮਾਰ ਬਾਂਸਲ ਤੋਂ ਇਲਾਵਾ ਵੱਖ ਵੱਖ ਜਿਲਿਆਂ ਦੇ ਸਿੱਖਿਆ ਅਧਿਕਾਰੀ , ਪਿੰ੍ਰਸੀਪਲ ਅਤੇ ਅਧਿਆਪਕ ਹਾਜ਼ਰ ਸਨ।
ਇਸ ਮੌਕੇ ਵੱਖ ਵੱਖ ਸਕੂਲਾਂ ਦੇ ਵਿਦਿਆਰਥੀਆਂ ਵੱਲੋ ਸੱਭਿਆਚਾਰਕ ਪ੍ਰੋਗਰਾਮ ਪੇਸ਼ ਕੀਤਾ ਗਿਆ । ਸਟੇਜ ਸਕੱਤਰ ਦੀ ਭੂਮਿਕਾ ਸੰਤੋਖ ਸਿੰਘ ਗਿੱਲ ਨੇ ਵਧੀਆ ਤਰੀਕੇ ਨਾਲ ਨਿਭਾਈ । ਏ.ਈ.ਓ ਅਜੀਤਪਾਲ ਸਿੰਘ ਦੀ ਦੇਖ ਰੇਖ ਹੇਠ ਹੋਏ ਅੱਜ ਦੇ ਮੁਕਾਬਲਿਆਂ ਦੌਰਾਨ ਅੰਡਰ 19 ਲੜਕੀਆਂ 3000 ਮੀਟਰ ਦੌੜ ਵਿੱਚੋ ਪ੍ਰਿਯੰਕਾ ਬਾਦਲ ਵਿੰਗ ਨੇ ਪਹਿਲਾ , ਰਾਜਵਿੰਦਰ ਕੌਰ ਬਠਿੰਡਾ ਨੇ ਦੂਸਰਾ ਅਤੇ ਜਗਦੀਪ ਕੌਰ ਤਰਨਤਾਰਨ ਨੇ ਤੀਸਰਾ ਸਥਾਨ ਪ੍ਰਾਪਤ ਕੀਤਾ । ਅੰਡਰ 17 ਲੜਕੇ 3000 ਮੀਟਰ ਦੌੜ ਵਿੱਚੋ ਹਰਮੇਲ ਮਸੀਹ ਗੁਰਦਾਸਪੁਰ, ਲਵਪਰੀਤ ਸਿੰਘ ਸ੍ਰੀ ਮੁਕਤਸਰ ਸਾਹਿਬ ਅਤੇ ਰੋਹਿਤ ਕੁਮਾਰ ਫਾਜਿਲਕਾ ਨੇ ਕਰਮਵਾਰ ਪਹਿਲੇ 3 ਸਥਾਨ ਪ੍ਰਾਪਤ ਕੀਤੇ। ਅੰਡਰ 17 ਲੜਕੀਆਂ ਦੌੜ 3000 ਮੀਟਰ ਵਿੱਚੋ ਮਮਤਾ ਰਾਣੀ ਫਾਜਿਲਕਾ ਫਸਟ , ਰਾਧਾ ਕੁਮਾਰੀ ਜਲੰਧਰ ਸੈਕਿੰਡ ਅਤੇ ਰੀਤੂ ਬਾਲਾ ਲੁਧਿਆਣਾ ਨੇ ਥਰਡ ਪੁਜ਼ੀਸਨ ਪ੍ਰਾਪਤ ਕੀਤੀ । ਡਿਸਕਸ ਥਰੋ ਅੰਡਰ 14 ਲੜਕੀਆਂ ਵਿਚ ਕਮਲਦੀਪ ਕੌਰ ਮਾਨਸਾ , ਮਨਜੋਤ ਕੌਰ ਤਰਨਤਾਰਨ , ਸੰਗੀਤਾ ਕੁਮਾਰੀ ਬਾਦਲ ਵਿੰਗ ਮੁਕਤਸਰ ਨੇ ਕਰਮਵਾਰ ਪਹਿਲਾ,ਦੂਜਾ ਅਤੇ ਤੀਜਾ ਸਥਾਨ ਪ੍ਰਾਪਤ ਕੀਤਾ । ਉੱਚੀ ਛਾਲ ਦੇ ਅੰਡਰ 19 ਲੜਕੇ ਦੇ ਮੁਕਾਬਲੇ ਵਿੱਚੋ ਰਜਤ ਲੁਧਿਆਣਾ ਨੇ ਪਹਿਲਾ , ਏਕਮਜੋਤ ਅੰਮ੍ਰਿਤਸਰ ਨੇ ਦੂਜਾ ਅਤੇ ਹਰਮਨਪਰੀਤ ਸਿੰਘ ਤੀਸਰਾ ਸਥਾਨ ਪ੍ਰਾਪਤ ਕੀਤਾ ।