ਲਾਰੇਂਸ ਪਬਲਿਕ ਸੀਨੀਅਰ ਸਕੈਂਡਰੀ ਸਕੂਲ, ਸੈਕਟਰ 51 ਦੇ ਖਿਡਾਰੀਆਂ ਨੇ ਸੀ ਬੀ ਐੱਸ ਈ ਵੱਲੋਂ ਮੁਹਾਲੀ ਜ਼ਿਲ੍ਹੇ ਦੀਆਂ ਕਰਵਾਈਆਂ ਜਾ ਰਹੀਆਂ ਖੇਡਾਂ ਵਿਚ ਆਪਣੀ ਖੇਡ ਪ੍ਰਤਿਭਾ ਦਾ ਲੋਹਾ ਮਨਵਾਇਆ ਹੈ। ਲਾਰੇਂਸ ਸਕੂਲ ਦੇ ਵਿਦਿਆਰਥੀਆਂ ਨੇ ਵੱਖ ਵੱਖ ਕੈਟਾਗਰੀਆਂ ਵਿਚ 24 ਮੈਡਲ ਜਿੱਤ ਕੇ ਮੁਹਾਲੀ ਜ਼ਿਲ੍ਹੇ ਦੇ ਸਾਰੇ ਸੀ ਬੀ ਐੱਸ ਈ ਸਕੂਲਾਂ ਵਿਚ ਸਭ ਤੋਂ ਵੱਧ ਮੈਂਡਲ ਜਿੱਤਣ ਦਾ ਮਾਣ ਹਾਸਿਲ ਕੀਤਾ ਹੈ। ਇਸ ਦੇ ਨਾਲ ਹੀ ਪੰਜਾਬ, ਹਰਿਆਣਾ, ਹਿਮਾਚਲ ਪ੍ਰਦੇਸ਼ ਅਤੇ ਜੰਮੂ ਕਸ਼ਮੀਰ ਦੇ ਸੀ ਬੀ ਐੱਸ ਈ ਕਲਸਟਰ ਵਿਚ ਇਨ੍ਹਾਂ ਪੁਜ਼ੀਸ਼ਨਾਂ ਸਦਕਾ ਲਾਰੇਂਸ ਸਕੂਲ ਕਲਸਟਰ 13 ਵਿਚ ਪਹੁੰਚ ਚੁੱਕਾ ਹੈ।
ਲਾਰੇਂਸ ਸਕੂਲ ਦੇ ਪ੍ਰਿੰਸੀਪਲ ਵੀਨਾ ਮਲਹੋਤਰਾ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆਂ ਕਿ ਲੜਕਿਆਂ ਦੀ ਅੰਡਰ 16 ਰਿਲੇ ਰੇਸ ਵਿਚ ਵਿਸ਼ਨੂੰ ਭਾਟੀਆ, ਨਵਰੋਹੀ ਸਿੰਘ, ਸਰਬਜੀਤ ਸਿੰਘ , ਸਿਮਰ ਸਿੰਘ, ਸਪਰਸ਼ ਰਿਸ਼ੀ ਨੇ ਸੋਨੇ ਦਾ ਤਮਗ਼ਾ ਹਾਸਿਲ ਕੀਤਾ। ਜਦ ਕਿ ਲੜਕਿਆਂ ਦੇ ਅੰਡਰ 14 ਵਰਗ ਦੀ ਰਿਲੇ ਰੇਸ 'ਚ ਗੁਰਸ਼ਰਨ ਸਿੰਘ, ਮੋਹਿਤ, ਅਭੀਨਵ ਨੇ ਸੋਨੇ ਦਾ ਤਮਗ਼ਾ ਅਤੇ ਪਦਮ ਪ੍ਰਤਾਪ ਸਿੰਘ ਨੇ ਚਾਂਦੀ ਦਾ ਤਮਗ਼ਾ ਹਾਸਿਲ ਕੀਤਾ।ਇਸ ਦੇ ਇਲਾਵਾ ਵਿਸ਼ਨੂੰ ਭਾਟੀਆ ਲਾਂਗ ਜੰਪ ਵਿਚ ਚਾਂਦੀ ਦਾ ਤਗਮਾ , ਸਿਮਰ ਸਿੰਘ ਡਿਸਕਸ ਥ੍ਰੋ ਚਾਂਦੀ ਦਾ ਤਗਮਾ, ਹਰਸ਼ਦੀਪ ਸਿੰਘ ਨੇ ਡਿਸਕਸ ਥ੍ਰੋ ਅਤੇ ਸ਼ਾਟ ਪੁੱਟ ਵਿਚ ਕਾਂਸੀ ਦਾ ਤਮਗ਼ਾ, ਜਸਕਿਰਨ ਕੌਰ ਸ਼ਾਟ ਪੁੱਟ ਕਾਂਸੀ ਦਾ ਤਮਗ਼ਾ, ਗੁਰਵੀਰ ਕੌਰ ਲਾਂਗ ਜੰਪ ਕਾਂਸੀ ਦਾ ਤਗਮਾ ਹਾਸਿਲ ਕੀਤਾ। ਪ੍ਰਿੰਸੀਪਲ ਮਲਹੋਤਰਾ ਨੇ ਖਿਡਾਰੀਆਂ ਦੀ ਇਸ ਉਪਲਬਧੀ ਲਈ ਉਨ੍ਹਾਂ ਨੂੰ ਵਧਾਈ ਦਿੰਦੇ ਹੋਏ ਸਾਰਿਆਂ ਦੇ ਉੱਜਲ ਭਵਿਖ ਦੀ ਕਾਮਨਾ ਕੀਤੀ।