ਪੰਜਾਬ ਸਰਕਾਰ ਰਾਜ ਵਿੱਚ ਵੱਧ ਰਹੇ ਨਸ਼ੇ , ਰੇਤੇ ਅਤੇ ਬਜ਼ਰੀ ਦੀ ਕਾਲਾਬਜ਼ਾਰੀ ਅਤੇ ਪਸ਼ੂਆਂ ਦੀ ਨਜ਼ਾਇਜ ਢੰਗ ਨਾਲ ਹੋ ਰਹੀ ਤਸਕਰੀ ਨੂੰ ਠੱਲ੍ਹ ਪਾਉਣ 'ਚ ਨਾਕਾਮ ਸਾਬਤ ਹੋ ਰਹੀ ਹੈ। ਜਿਸ ਦੀ ਮਿਸਾਲ ਚੰਡੀਗੜ੍ਹ ਲੁਧਿਆਣਾ ਰਾਸ਼ਟਰੀ ਮਾਰਗ 'ਤੇ ਬੰਦ ਹੋਈ ਪਈ ਸਾਵਣ ਕਲੋਨੀ ਨੇੜੇ ਰੇਲਵੇ ਓਵਰ ਪੁਲ ਮੋਰਿੰਡਾ ਤੋਂ ਮਿੰਨੀ ਟਰੱਕ ਵਿੱਚ ਬੜ੍ਹੀ ਬੇ-ਰਹਿਮੀ ਨਾਲ ਨੂੜ੍ਹ ਕੇ ਲੱਦੇ ਬਲਦਾਂ ਤੋਂ ਮਿਲਦੀ ਹੈ ਜਿਨ੍ਹਾਂ ਨੂੰ ਕੱਟਣ ਲਈ ਪੰਜਾਬ ਤੋਂ ਤਸਕਰੀ ਕਰਕੇ ਲਿਜਾਇਆ ਜਾ ਰਿਹਾ ਸੀ। ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਸਥਾਨਕ ਰਾਧਾ ਕ੍ਰਿਸ਼ਨ ਗਊਸ਼ਾਲਾ ਦੇ ਸੰਚਾਲਕ ਅਤੇ ਸ਼ਿਵ ਸੈਨਾ ਮਾਝਾ ਮਾਲਵਾ ਦੇ ਪ੍ਰਧਾਨ ਦੀਪਕ ਦਾਨੀਆ ਨੇ ਕੀਤਾ। ਉਨ੍ਹਾਂ ਕਿਹਾ ਕਿ ਪੰਜਾਬ 'ਚ ਅਨੇਕਾਂ ਬੈਰੀਅਰ ਅਤੇ ਥਾਂ-ਥਾਂ ਲੱਗੇ ਪੁਲਸ ਨਾਕਿਆ 'ਚੋ ਲੰਘ ਕਿ ਇਹ ਤਸਕਰ ਪੰਜਾਬ ਤੋਂ ਹਰ ਰੋਜ਼ ਪਸ਼ੂਆਂ ਨੂੰ ਕੱਟਣ ਲਈ ਬਾਹਰਲੇ ਰਾਜਾਂ 'ਚ ਲਿਜਾ ਰਹੇ ਹਨ। ਪਰ ਪੰਜਾਬ ਸਰਕਾਰ ਇਨ੍ਹਾਂ ਨੂੰ ਨੱਥ ਪਾਉਣ 'ਚ ਨਾ ਕਾਮਯਾਬ ਹੋ ਰਹੀ ਹੈ। ਅੱਜ ਦੇਰ ਰਾਤ ਚੰਡੀਗੜ੍ਹ ਮੋਰਿਡਾ ਲੁਧਿਆਣਾ ਬਾਈਪਾਸ ਨਜ਼ਦੀਕ ਸਾਵਣ ਕੋਲਨੀ ਤੇ ਰੇਲਵੇ ਪੁਲ ਨੇੜੇ ਪੁਲਸ ਨਾਕੇ ਨੂੰ ਦੇਖਦੇ ਹੋਏ ਯੂ.ਕੇ.04ਸੀ.ਏ 7536 ਕੈਟਰ ਟਰੱਕ ਛੱਡ ਕੇ ਭੱਜ ਗਏ ਜਦੋਂ ਨਾਕੇ ਦੇ ਮੁਲਾਜਮਾ ਨੇ ਦੇਖਿਆ ਕਿ ਟਰੱਕ 'ਚ ਕੋਈ ਡਰਾਇਵਰ ਜਾ ਕੰਡੈਕਟਰ ਨਹੀ ਸੀ ਕੈਟਰ ਟਰੱਕ ਦੀ ਚੈਕਿੰਗ ਦੋਰਾਨ ਪਸੂਆ ਦੀ ਅਵਾਜ ਆ ਰਹੀ ਸੀ ।
ਮੌਕੇ ਤੇ ਥਾਣਾ ਮੁੱਖੀ ਪਲਵਿੰਦਰ ਸਿੰਘ ਵੀ ਟੀਮ ਸਮੇਤ ਪਹੁੰਚ ਗਏ ਉਨ੍ਹਾਂ ਦੱਸਿਆ ਕਿ ਟਰੱਕ ਦੇ ਪਿਛਲੇ ਪਾਸੇ ਸਬਜੀਆ ਦੇ ਪਲਾਸਿਟ ਦੇ ਖਾਲੀ ਕਰੈਟ ਭਰੇ ਹੋਏ ਸਨ ਅਤੇ ਅੱਗੇ 12 ਬਲਦ ਬੇਹੋਸ਼ ਕਰਕੇ ਲੱਦੇ ਹੋਏ ਸਨ ਜਿਨ੍ਹਾਂ ਨੂੰ ਲੋਕਾਂ ਦੀ ਮਦਦ ਨਾਲ ਉਤਾਰਿਆ ਕਿ ਅਤੇ ਦੇਰ ਰਾਤ ਪਸੂ ਡਾਕਟਰ ਕੁਲਵਿੰਦਰ ਸਿੰਘ ਮੜੌਲੀ ਕਲਾਂ ਨੂੰ ਸਹਾਇਤਾ ਲਈ ਬੁਲਿਆ ਜਿਨ੍ਹਾਂ ਵੱਲੋਂ ਬਲਦਾ ਤੇ ਗੋਲੂਕੋਸ਼ ਅਤੇ ਤਾਕਤ ਦੇ ਟੀਕੇ ਲਗਾਏ ਪਰ ਫਿਰ ਵੀ ਇਨ੍ਹਾਂ ਬਲਦਾ 'ਚੋ 4 ਬਲਦ ਦਮ ਤੋੜ ਗਏ ਸਨ ਅਤੇ 8 ਦੇ ਕਰੀਬ ਬਲਦਾਂ ਨੂੰ ਡਾਕਟਰ ਕੁਲਵਿੰਦਰ ਸਿੰਘ ਮੜੌਲੀ ਕਲਾਂ ਦੀ ਮਦਦ ਕਾਰਨ ਬਚ ਗਏ।ਮੌਕੇ ਤੇ ਪ੍ਰਧਾਨ ਦੀਪਕ ਦਾਨੀਆ ਨੇ ਦੱਸਿਆ ਕਿ ਮ੍ਰਿਤਕ ਬਲਦਾ ਦਾ ਰਿਤੀ ਰਿਵਾਜਾਂ ਨਾਲ ਸੰਸਕਾਰ ਕੀਤਾ ਜਾਵੇਗਾ ਅਤੇ ਬਾਕੀ 8 ਬੀਮਾਰ ਬਲਦਾ ਦੀ ਪਿੰਡ ਵਾਸੀਆ ਨੇ ਜੁਮੇਵਾਰੀ ਲਈ ਕਿ ਅਸੀ ਇਨ੍ਹਾਂ ਦੀ ਸੇਵਾ ਸੰਭਾਲ ਕਰਾਗੇ । ਪੁਲਸ ਨੇ ਕੈਟਰ ਟਰੱਕ ਨੂੰ ਆਪਣੇ ਕਬਜੇ 'ਚ ਕਰਕੇ ਅਣਪਛਾਤੇ ਲੋਕਾਂ ਤੇ ਪਰਚਾ ਦਰਜ ਕਰਕੇ ਕਰਵਾਈ ਸ਼ੁਰੂ ਕਰ ਦਿੱਤੀ ਹੈ । ਇਸ ਮੌਕੇ ਏ.ਐਸ .ਆਈ ਹਮੇਸ਼ ਕੁਮਾਰ,ਏ.ਐਸ.ਆਈ ਸਤਵਿੰਦਰ ਸਿੰਘ , ਹੋਲਦਾਰ ਭਾਗ ਸਿੰਘ, ਹੋਲਦਾਰ ਅੰਗਰੇਜ਼ ਸਿੰਘ , ਹੋਲਦਾਰ ਰਾਜਵੰਤ ਸਿੰਘ ਹਾਜਰ ਸਨ ।