ਮੋਰਿੰਡਾ ਨਜ਼ਦੀਕ ਪਿੰਡ ਕਜੋਲੀ ਵਿਖੇ ਸਰਹਿੰਦ ਭਾਖੜਾ ਨਹਿਰ ਦੀ ਪਟੜੀ ਤੋਂ ਇੱਕ ਅਪਾਹਿਜ਼ ਨੋਜਵਾਨ ਲੜ੍ਹਕੀ ਦੇ ਕਤਲ ਦਾ ਮਾਮਲਾ ਸਾਹਮਣੇ ਆਇਆ ਸੀ। ਪੁਲਸ ਵੱਲੋਂ ਇਸ ਕਤਲ ਦੇ ਦੋਸ਼ੀ 4 ਦਿਨਾਂ 'ਚ ਹੀ ਕਾਬੂ ਕਰਨ 'ਚ ਸਫ਼ਲਤਾ ਪ੍ਰਾਪਤ ਕਰ ਲਈ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਡਾ. ਸੰਜੀਵ ਗਰਗ ਏ. ਐਸ. ਪੀ. ਸ਼੍ਰੀ ਚਮਕੌਰ ਸਾਹਿਬ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਸੂਚਨਾ ਪ੍ਰਾਪਤ ਹੋਈ ਸੀ ਕਿ ਭਾਖ਼ੜਾ ਸਰਹਿੰਦ ਨਹਿਰ 'ਤੇ ਇੱਕ ਨੋਜਵਾਨ ਲੜ੍ਹਕੀ ਦੀ ਖੂਨ ਨਾਲ ਲੱਥਪਥ ਲਾਸ਼ ਪਈ ਹੈ। ਜਿਸ ਤੋਂ ਬਾਅਦ ਅਸੀਂ ਸਮੇਤ ਪੁਲਸ ਪਾਰਟੀ ਘਟਨਾ ਦੀ ਜਾਂਚ ਲਈ ਮੌਕੇ 'ਤੇ ਪੁੱਜੇ ਤਾਂ ਦੇਖਿਆ ਕਿ ਇੱਕ ਲੜ੍ਹਕੀ ਜੋ ਕਿ ਅਪਾਹਿਜ਼ ਹੈ ਦੀ ਲਾਸ਼ ਖੂਨ ਨਾਲ ਲੱਥ ਪੱਥ ਪਈ ਸੀ। ਜਾਂਚ ਦੌਰਾਨ ਪਤਾ ਲੱਗਾ ਹੈ ਕਿ ਕਿਸੇ ਵਿਅਕਤੀ ਵੱਲੋਂ ਤੇਜ਼ ਧਾਰ ਹਥਿਆਰ ਨਾਲ ਲੜ੍ਹਕੀ ਦੇ ਗਲੇ ਅਤੇ ਪਿੱਠ 'ਤੇ ਕਈ ਵਾਰ ਕਰਕੇ ਉਸਦਾ ਕਤਲ ਕਰ ਦਿੱਤਾ ਗਿਆ ਸੀ।
ਏ.ਐਸ.ਪੀ. ਡਾ. ਸੰਜੀਵ ਗਰਗ ਨੇ ਦੱਸਿਆ ਕਿ ਲੜ੍ਹਕੀ ਦੀ ਲਾਸ਼ ਨੂੰ ਸ਼ਨਾਖ਼ਤ ਲਈ ਰੂਪਨਗਰ ਦੇ ਮੋਰਚਰੀ 'ਚ 72 ਘੰਟੇ ਲਈ ਰੱਖਿਆ ਗਿਆ ਸੀ ਅਖਬਾਰਾ 'ਚ ਖਬਰਾ ਲੱਗਣ ਤੋਂ ਬਾਅਦ ਉਸਦੇ ਵਾਰਸਾਂ ਨੇ ਮ੍ਰਿਤਕ ਲੜ੍ਹਕੀ ਨੂੰ ਪਹਿਚਾਣ ਲਿਆ ਸੀ। ਲੜ੍ਹਕੀ ਦੀ ਪਹਿਚਾਣ ਕਿਰਨ ਪੁਤਰੀ ਜੈਰਾਮ ਵਾਸੀ ਦਬੋਈ ਥਾਣਾ ਅੰਬਾਲਾ ਜ਼ਿਲ੍ਹਾ ਬਰੇਲੀ ਯੂ. ਪੀ ਹਾਲ ਵਾਸੀ ਬੀਜੀ ਫ਼ਾਰਮ ਮਾਮੂਪੁਰ ਵੱਜੋਂ ਹੋਈ ਸੀ। ਜ਼ਿਲ੍ਹਾਂ ਪੁਲਿਸ ਮੁੱਖੀ ਵਰਿੰਦਰਪਾਲ ਸਿੰਘ ਦੇ ਦਿਸ਼ਾ ਨਿਰਦੇਸ਼ਾ ਹੇਠ ਮੁਕੱਦਮੇ ਦੀ ਜਾਂਚ ਕਰ ਰਹੇ ਡਾ. ਸੰਜੀਵ ਕੁਮਾਰ ਗਰਗ ਵੱਖ-ਵੱਖ ਥਿਊਰੀਆਂ ਤੋਂ ਜਾਂਚ ਕਰਨ ਤੇ ਪਤਾ ਲੱਗਾ ਕਿ ਲੜ੍ਹਕੀ ਦੇ ਕਿਸੇ ਲੜ੍ਹਕੇ ਨਾਲ ਪ੍ਰੇਮ ਸਬੰਧ ਸਨ। ਤਪਤੀਸ ਤੋਂ ਪਤਾ ਲੱਗਾ ਕਿ ਇਸ ਲੜਕੀ ਸਹੋੜਾ ਸਕੂਲ ਦੀ +1 ਦੀ ਵਿਦਿਆਰਥਣ ਸੀ ਜਿਸ ਦੇ ਸੁਖਦੇਵ ਸਿੰਘ ਸਨੀ ਪੁੱਤਰ ਸੁਖਦੇਵ ਸਿੰਘ ਕੌਮ ਬਲਮੀਕ ਵਾਸੀ ਲਖਨੋਰ ਥਾਣਾ ਕੁਰਾਲੀ ਜਿਲ੍ਹਾਂ ਮੋਹਾਲੀ ਨਾਲ ਪ੍ਰੇਮ ਸਬੰਧ ਸਨ ਲੜਕੀ ਕਿਰਨ ਗੁਰਪ੍ਰੀਤ ਸਿੰਘ ਨਾਲ ਵਿਆਹ ਕਰਵਾਉਣਾ ਚਾਹੁੰਦੀ ਸੀ ਲੜਕੇ ਨੇ ਇਸ ਨੂੰ ਆਪਣੇ ਰਾਹ 'ਚੋਂ ਹਟਾਉਣ ਲਈ 19 ਸਤੰਬਰ ਨੂੰ ਕਿਰਨ ਨਾਲ ਵਿਆਹ ਕਰਵਾਉਣ ਦਾ ਝਾਸ਼ਾ ਦੇਕੇ ਆਪਣੇ ਪਾਸ ਬੁਲਾ ਲਿਆ ਅਤੇ ਪਿੰਡ ਕਜੋਲੀ ਨਹਿਰ ਲਾਗੇ ਖਤਾਨਾ 'ਚ ਲਿਜਾ ਕੇ ਲੜਕੀ ਦੇ ਗਲੇ ਅਤੇ ਸਰੀਰ ਤੇ ਚਾਕੂ ਨਾਲ ਵਾਰ ਕਰਕੇ ਕਤਲ ਕਰ ਦਿੱਤਾ ਸੀ ਅੱਜ ਗੁਰਪ੍ਰੀਤ ਉਰਫ ਸੰਨੀ ਨੂੰ ਗ੍ਰਿਫਤਾਰ ਕਰਕੇ ਮੁਕੱਦਮਾ ਕਰ ਦਿੱਤਾ ਜਿਸ ਪਾਸੋਂ ਡੂੰਘਾਈ ਨਾਲ ਪੁੱਛ ਪੜਤਾਲ ਕਰਨ ਲਈ ਮਾਨਯੋਗ ਅਦਾਲਤ 'ਚ ਪੇਸ ਕੀਤਾ ਜਾਵੇਗਾ । ਇਸ ਮੌਕੇ ਥਾਣਾ ਮੁੱਖੀ ਪਲਵਿੰਦਰ ਸਿੰਘ, ਪਰਮਿੰਦਰ ਸਿੰਘ ਮਨੁਸੀ , ਅੰਗਰੇਜ ਸਿੰਘ ,ਨਰੇਸ ਕੁਮਾਰ ਸਮੇਤ ਪੁਲਸ ਮੁਲਾਜਮ ਹਾਜਰ ਸਨ ।