ਸਮਾਜਿਕ ਮੇਲਿਆਂ ਦੀ ਲੋਕਾਂ ਨੂੰ ਜੋੜਨ ਤੇ ਏਕਤਾ ਬਣਾਈ ਰੱਖਣ ਵਿਚ ਵੱਡੀ ਅਹਿਮੀਅਤ ਹੈ।ਇਨਾਂ ਵਿਚਾਰਾਂ ਦਾ ਪ੍ਰਗਟਾਵਾ ਯੋਜਨਾ ਤੇ ਵਿੱਤ ਮੰਤਰੀ ਸ. ਪਰਮਿੰਦ ਸਿੰਘ ਢੀਡਸਾਂ ਨੇ ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ ਵਿਖੇ ਜਨਤਾ ਐਕਸਪ੍ਰੈਸ ਤੇ ਸੁਪਰ ਐਸੋਸੀਏਸ਼ਨ ਆਫ ਰੈਜੀਡੈਂਟਸ ਵੈਲਫੇਅਰ ਸੈਕਟਰ-70 ਵੱਲੋਂ ਕਰਵਾਏ ਗਏ ਮੇਲਾ ਤੀਆਂ ਤੀਜ ਦੀਆਂ ਮੌਕੇ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਕੀਤਾ।ਉਨ੍ਹਾਂ ਕਿਹਾ ਕਿ ਕੌਸਲਰ ਸੁਖਦੇਵ ਸਿੰਘ ਪਟਵਾਰੀ ਦੀ ਅਗਵਾਈ ਹੇਠ ਇਹ ਟੀਮ ਲੰਬੇ ਸਮੇਂ ਤੋਂ ਨਾਰੀ ਸ਼ਸ਼ਕਤੀਕਰਨ, ਭਰੂਣ ਹੱਤਿਆ ਤੇ ਵਾਤਾਵਰਣ ਦੀ ਸ਼ੁੱਧਤਾ ਲਈ ਕੰਮ ਕਰਦੀ ਆ ਰਹੀ ਹੈ। ਸ੍ਰੀ ਢੀਂਡਸਾ ਨੇ ਮੋਹਾਲੀ ਪ੍ਰੈਸ ਕਲੱਬ ਨੂੰ 5 ਲੱਖ ਰੁਪਏ ਦਾ ਚੈਕ ਵੀ ਦਿੱਤਾ। ਇਸ ਮੌਕੇ ਬੀਬੀ ਅਮਨਜੋਤ ਕੌਰ ਰਾਮੂਵਾਲੀਆ, ਬਲਵਿੰਦਰ ਕੌਰ ਚੰਦੂਮਾਜਰਾ, ਹਰਿੰਦਰਪਾਲ ਸਿੰਘ ਚੰਦੂਮਾਜਰਾ, ਅਮਰ ਸਿੰਘ ਰੰਧਾਵਾ ਤੇ ਸੁਖਦੇਵ ਸਿੰਘ ਪਟਵਾਰੀ ਨੇ ਵੀ ਆਪਣੇ ਵਿਚਾਰ ਸਾਂਝੇ ਕੀਤੇ।
ਸੈਕਟਰ-70 ਵਿਚ ਕੌਂਸਲਰ ਸੁਖਦੇਵ ਸਿੰਘ ਪਟਵਾਰੀ ਦੀ ਅਗਵਾਈ ਵਿਚ ਤੀਆਂ ਤੀਜ ਦੀਆਂ ਮੇਲਾ ਪੂਰੇ ਧੂਮ ਧੜੱਕੇ ਨਾਲ ਸੰਪੰਨ ਹੋ ਗਿਆ। ਲੋਕ ਗਾਇਕ ਹੈਪੀ ਰਾਏਕੋਟੀ ਅਤੇ ਗਾਇਕਾ ਅਨਮੋਲ ਗਗਨ ਮਾਨ ਨੇ ਹਜ਼ਾਰਾਂ ਦੀ ਗਿਣਤੀ ਵਿਚ ਆਏ ਦਰਸ਼ਕਾਂ ਨੂੰ ਕੀਲ ਕੇ ਮੇਲਾ ਲੁੱਟ ਲਿਆ।ਮੇਲੇ ਵਿਚ ਹੈਪੀ ਰਾਏਕੋਟੀ ਨੇ ਆਪਣੇ ਗੀਤ ਮੈਨੂੰ ਸੋਹਣਿਆ ਫੀਮ ਦੇ ਵਰਗੀ ਨੂੰ, ਤੇਰਾ ਬਾਪੂ ਐ ਲਾਦੇਨ ਤਾ ਨਹੀਂ, ਤੈਨੂੰ ਡਾਇਮੰਡ ਦਾ ਕੋਕਾ ਲੈ ਦਿਆਂ, ਸੱਤ ਕਨਾਲਾਂ ਅਤੇ ਅਨਮੋਲ ਗਗਨ ਮਾਨ ਨੇ ਲੁਧਿਆਣਾ ਮੋਗਾ ਰੋਡ ਤੇ ਜੱਟ ਦਾ ਬੁਲਟ ਮਾਰੇ ਬੜਕਾਂ, ਕਹਿੰਦਾ ਚਲਦੇ ਟਰਾਲੇ ਸਾਡੇਰੂਸ, ਜੱਗਾ, ਸ਼ੌਕੀਨ ਜੱਟ ਸੁਣਾ ਕੇ ਮੇਲਾ ਲੁੱਟ ਲਿਆ। ਮੇਲੇ ਵਿਚ ਗਾਇਕਾ ਮੰਨਤ, ਸੁਪਰੀਤ ਸਨੀ, ਸੀਤਲ, ਹਰਿੰਦਰ ਹਰ, ਬਲਦੇਵ ਕਾਕੜੀ ਨੇ ਵੀ ਆਪਣੇ ਚੋਣਵੇਂ ਗੀਤ ਗਾ ਕੇ ਦਰਸ਼ਕਾਂ ਦੀ ਵਾਹ-ਵਾਹ ਖੱਟੀ। ਕਮੇਡੀ ਕਲਾਕਾਰ ਰਘਬੀਰ ਬੋਲੀ ਨੇ ਆਪਣੀ ਕਾਮੇਡੀ ਰਾਹੀਂ ਦਰਸ਼ਕਾਂ ਦੇ ਢਿੱਡੀਂ ਪੀੜਾਂ ਪਾ ਦਿੱਤੀਆਂ। ਐਕਰਿੰਗ ਕਰ ਰਹੀ ਬੀਬਾ ਦੀਪ ਰਮਨ ਨੇ ਸਟੇਜ ਨੂੰ ਏਨੀ ਖੂਬਸੂਰਤੀ ਨਾਲ ਚਲਾਇਆ ਕਿ ਲੋਕ ਉਸ ਨੂੰ ਸੁਨਣ ਲਈ ਬੇਤਾਬ ਹੋ ਉੱਠਦੇ।
ਮੇਲੇ ਵਿਚ ਸ੍ਰੀ ਪਰਮਿੰਦਰ ਸਿੰਘ ਢੀਂਡਸਾ ਨੇ ਜਿੱਥੇ ਸਾਰੇ ਕਲਾਕਾਰਾਂ ਨੂੰ ਸਨਮਾਨਤ ਕੀਤਾ, ਉੱਥੇ ਪਰਮਜੀਤ ਸਿੰਘ ਕਾਹਲੋਂ, ਸਤਵੀਰ ਸਿੰਘ ਧਨੋਆ, ਬੀਬੀ ਕਮਲਜੀਤ ਕੌਰ, ਕਮਲਜੀਤ ਸਿੰਘ ਰੂਬੀ, ਬੀਬੀ ਜਸਬੀਰ ਕੌਰ ਅਤਲੀ, ਪਰਮਿੰਦਰ ਸਿੰਘ ਤਸਿੰਬਲੀ, ਗੁਰਮੁੱਖ ਸਿੰਘ ਸੋਹਲ (ਸਾਰੇ ਕੌਂਸਲਰ), ਜਥੇਦਾਰ ਬਲਜੀਤ ਸਿੰਘ ਕੁੰਬੜਾ ਚੇਅਰਮੈਨ ਮਾਰਕੀਟ ਕਮੇਟੀ ਖਰੜ, ਮਾਸਟਰ ਰੀਅਲ ਸਟੇਟ ਦੇ ਮਾਲਕ ਜਨਾਬ ਸ਼ੇਰ ਖਾਨ, ਸਮਾਜ ਸੇਵੀ ਅਮਰ ਸਿੰਘ ਰੰਧਾਵਾ ਨੂੰ ਵੀ ਸਨਮਾਨਤ ਕੀਤਾ । ਮੋਹਾਲੀ ਦੇ ਡਿਪਟੀ ਕਮਿਸ਼ਨਰ ਤੇਜਿੰਦਰਪਾਲ ਸਿੰਘ ਸਿੱਧੂ, ਉਨ੍ਹਾਂ ਦੀ ਧਰਮ ਪਤਨੀ ਬੀਬੀ ਮਨਦੀਪ ਕੌਰ ਸਿੱਧੂ ਦਾ ਗੈਸਟ ਆਫ ਆਨਰ ਦੇ ਤੌਰ ਤੇ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਸ੍ਰੀ ਆਰ.ਪੀ ਕੰਬੋਜ, ਜਸਪਿੰਦਰ ਸਿੰਘ ਵਿਰਕ, ਗੁਰਜੀਤ ਸਿੰਘ ਬਿੱਲਾ, ਆਰ.ਕੇ. ਗੁਪਤਾ, ਗੁਰਮੀਤ ਸਿੰਘ ਸ਼ਾਹੀ, ਨਾਹਰ ਸਿੰਘ ਧਾਲੀਵਾਲ, ਡਾ. ਗੁਰਮੇਲ ਸਿੰਘ, ਆਰ.ਪੀ. ਵਰਮਾ, ਆਰ.ਕੇ. ਵਰਮਾ, ਸੋਭਾ ਗੌਰੀਆ, ਗੁਰਪ੍ਰੀਤ ਕੌਰ ਭੁੱਲਰ, ਸੁਖਵਿੰਦਰ ਕੌਰ, ਪਵਿੱਤਰ ਕੌਰ, ਕਮਲਜੀਤ ਕੌਰ, ਜਸਪਿੰਦਰ ਕੌਰ, ਜਸਵਿੰਦਰ ਰੁਪਾਲ, ਸੁਸ਼ੀਲ ਗਰਚਾ, ਜਸਪ੍ਰੀਤ ਗਿੱਲ, ਅਰੁਣ ਨਾਭਾ, ਅਮਰਜੀਤ ਸਿੰਘ, ਐਸ.ਐਸ. ਗਿੱਲ, ਕਰਨਲ ਸ਼ਮਸ਼ੇਰ ਸਿੰਘ ਡਡਵਾਲ, ਕਰਨਲ ਕੇ.ਐਸ ਗਰੇਵਾਲ, ਅਮਰ ਸਿੰਘ ਧਾਲੀਵਾਲ, ਕੁਲਦੀਪ ਸਿੰਘ ਭਿੰਡਰ, ਜਸਵੰਤ ਸਿੰਘ, ਅਵਤਾਰ ਸਿੰਘ, ਦਲਬੀਰ ਸਿੰਘ, ਮਨਜੀਤ ਸਿੰਘ, ਰਵਿੰਦਰ ਸਿੰਘ ਤੇ ਸਰਪੰਚ ਵਿਜੇ ਕੁਮਾਰ ਸਮੇਤ ਹਜ਼ਾਰ ਦੀ ਗਿਣਤੀ ਵਿਚ ਸਰੋਤ ਮੌਜੂਦ ਸਨ।