ਪੰਜਾਬੀਆਂ ਦੀ ਨਵੀਂ ਪੀੜੀ ਨੂੰ ਆਪਣੀ ਮਾਤ ਭਾਸ਼ਾ ਪੰਜਾਬੀ ਦੇ ਲੜ ਲਾਉਣ ਲਈ ਮਾਂ ਬੋਲੀ ਪੰਜਾਬੀ ਦੇ ਵਿਕਾਸ ਲਈ ਠੋਸ ਤੇ ਉਸਾਰੂ ਉਪਾਲੇ ਕਰਨ ਦੀ ਲੋੜ ਹੈ।ਇਹ ਗਲ ਪਿਛਲੇ ਹਫਤੇ ਅਮਰੀਕਾ ਫੇਰੀ ਤੇ ਆਏ ਕੈਨੇਡਾ ਦੇ ਨਾਮਵਰ ਪਤਰਕਾਰ ਤੇ ਪਰਵਾਸੀ ਗਰੁਪ ਆਫ ਪਬਲੀਕੇਸ਼ਨ ਦੇ ਮੁਖ ਸੰਪਾਦਕ ਰਜਿੰਦਰ ਸਿੰਘ ਸੈਣੀ ਨੇ ਨਾਰਥ ਅਮਰੀਕਨ ਪੰਜਾਬੀ ਐਸੋਸ਼ੀਏਸ਼ਨ (ਨਾਪਾ) ਦੇ ਦਫਤਰ ਵਿਚ ਕੁਝ ਪਤਰਕਾਰਾਂ ਨਾਲ ਗਲਬਾਤ ਕਰਦਿਆਂ ਕਹੇ।ਸ਼੍ਰੀ ਸੈਣੀ ਨੇ ਇਸ ਗਲ ਤੇ ਦੁਖ ਪਰਗਟ ਕੀਤਾ ਕਿ ਅਜ ਸਾਡੀ ਨਵੀਂ ਪੀੜੀ ਪੰਜਾਬੀ ਤੋਂ ਬਹੁਤ ਦੂਰ ਜਾ ਰਹੀ ਹੈ ਜਿਸ ਕਾਰਣ ਇਹ ਪੀੜੀ ਪੰਜਾਬੀ ਸਭਿਆਚਾਰ ਤੇ ਸਾਡੇ ਸਮਾਜ ਦੀਆਂ ਉਚੀਆਂ ਸੁਚੀਆਂ ਕਦਰਾਂ ਨੂੰ ਵੀ ਭੁਲਦੀ ਜਾ ਰਹੀ ਹੈ।ਉਹਨਾਂ ਸਮਾਜ ਅੰਦਰ ਆ ਰਹੀ ਨੈਤਿਕ ਗਿਰਾਵਟ ਉਪਰ ਆਪਣੀ ਡੂੰਘੀ ਚਿੰਤਾ ਦਾ ਪਰਗਟਾਵਾ ਵੀ ਕੀਤਾ।ਇਸ ਮੌਕੇ ਤੇ ਸ਼੍ਰੀ ਸੈਣੀ ਦੀਆਂ ਪਤਰਕਾਰਤਾ ਤੇ ਸਮਾਜਿਕ ਖੇਤਰ ਵਿਚ ਕੀਤੀਆਂ ਜਾ ਰਹੀਆਂ ਸ਼ਾਂਨਦਾਰ ਸੇਵਾਵਾਂ ਬਦਲੇ ਉਹਨਾਂ ਨੂੰ ਨਾਰਥ ਅਮਰੀਕਨ ਪੰਜਾਬੀਆਂ ਐਸ਼ੋਸ਼ੀਏਸ਼ਨ (ਨਾਪਾ) ਵਲੋਂ ਡਾ.ਬੋਧ ਰਾਜ ਸੈਣੀ ਨੇ ਸਿਰੋਪਾਉ ਦੇ ਕੇ ਸਨਮਾਨਤ ਵੀ ਕੀਤਾ